ESTA 5:1 - Bukuit Ne Tilil

¹ Eng' peetuut ne po somok, koolaach Esta ngoroikyik che po laitornatet yeityo kotoonon eng' seremut ne po oriit ne po kootap laitoryat, ne tokyingei kootap laitoryat. Ki tebee laitoryat ng'echerennyi ne po laitornatet eng' kootap laitornatet, kotokyigei ole kibunei kebendi ko.

BUKUIT NE TILIL

¹ Ak eng’ betut ne bo somok, kolaach Esta ngoroikyik che bo laitornatet, ak kotonon eng’ seremut ne bo orit ne bo gotab laitoriat, ne tokyingei gotab laitoriat: ak kitebe laitoriat ng’echerennyi ne bo laitornatet eng’ gotab laitornatet, kotokyigei ole kibunei kebendi go.

ESTA 5:1 ပူးပေါင်းရင်းမြစ်များ

ESTA 1:11

komut Basti osotyotap laitoryat konyo taitap laitoryat kolaaganu naaryeet ne po laitornatet, si koboorchi karaaranindanyi piik ak pounik amu ki tinyei itoon ne karaaran.

ESTA 2:5

Ki mi Yahudyot age nganasanooto oo po Susa ne ki kiguure Mordekai, weeriitap Jair, weeriitap Shimei, weeriitap Kish, Benjaminindet.

ESTA 4:11

“Ingen otwogik tugul che po laitoryat ak piik che po emotinwegap laitoryat kole, age tugul ne ma kiguur ne nyoonei ole mi laitoryat eng' seremut ne mi oriit, ngo muren anan kwony, komi ng'atuutyet agenge agobo ineendet keele ki parei. Ma ng'etu kobatee icheeget che iyogoochin `laitoryat kirokto ne po thahabu si kosap. Tomo keguuro anee anyun awo ole mi laitoryat eng' peetuusyechu sosom kogosiirto.”

ESTA 4:16

ui iyum Yahudik tugul che miitei Susa, ak orugutkei agobo anee amat oam kiy anan oeeise eng' peetuusyek somok, kemoi anan peet. Arugutigei agane ko uu nooto kobooto tiibiikyuk. Ye ibata, awe anyun ole mi laitoryat nganda ma chamdaat eng' ng'atuutyet; ngalus, alus.

ESTA 4:17

Ki wo anyun Mordekai ak koyai ko uu tugul che kang'at `Esta ineendet.

ESTA 6:4

Koteep laitoryat kole, “Ng'oo ne mi serem?” Kiga konyo Haman seremutap saang' ne po kootap laitoryat koleen konyo kong'alaalji laitoryat si kigartaat Mordekai eng' keetit ne kiga kochopchi ineendet.

ESTA 8:15

Ki wo Mordekai eng' ole mi laitoryat kolaagoti ngoroigap laitornatet che buluu ak che leelach, kotinyei naaryeet ne oo ne po thahabu ak ngoryeet ne po katanit ne karaaran ne arus ne piriir. Ak kiwaach nganaseetap Susa kogaskei.

MATAYO 10:16

“Ogeero, ayooktook ko uu keechiirek eng' kwenutap suik; nooto anyun oegu che utaateen ko uu erenook, ak otalaitu ko uu cheptugenik.

MATAYO 11:8

Ki omande ogeer nee? Chiito ne ilaachi ngoroik che tangusen? Ogeero, icheek che ilaachi ngoroik che tangusen komi kooriigap laitorinik.

MATAYO 27:64

Ng'at anyun keriip kererit komyee agoi peetuut ne po somok, si ma pwa kasubikyik kochoor ineendet ak koip, ak komwachi piik koleenji, ‘Kagong'eet ineendet eng' che ki kobek,’ si koyait kaberberisyet ne po let kosiir ne po tai.”

LUKA 22:30

si kobiit oamisye ak koeise mesennyu eng' laitornatennyu, ak tuun otebee ng'echerok che po laitornatet, orwookyini ortinwek taman ak aeng' che po Israel.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.