ESTA 4:8 - Bukuit Ne Tilil

⁸ Ki igoochi kora ineendet ng'aleegap siruutik che po ng'atuutyet ne ki kimwaita eng' Susa keele kebar icheek, si koboorchi Esta ak koaroorchi ole teptoi, kong'at ineendet kwo ole mi laitoryat asi koriirchi ineendet ak kosoom eng' tainnyi agobo piikyik.

BUKUIT NE TILIL

⁸ Ak kiigochi kogeny inendet ng’alekab sirutik che bo ng’atutiet ne kigimwaita eng’ Susan kele kebar ichek, si koborji Esta, ak komwachi ole teptoi; ak kong’at inendet kwo ole mi laitoriat, kwo korirji inendet, ak kosomso eng’ tainnyi agobo bikyik.

ESTA 4:8 ပူးပေါင်းရင်းမြစ်များ

ESTA 2:20

Kitom koboor Esta ole salu anan tilyonutikyik ak piikyik ko uu ye kiga ng'at Mordekai ineendet. Ma iboor amu ki kas iit Esta ng'atuutyetap Mordekai ko uu atkinyei koriibei ineendet.

ESTA 4:9

Ki wo Hatak ak komwachi Esta ng'aleegap Mordekai.

ESTA 8:6

Amu amuktoi ano amuita ak ageere yaityet ne nyoonjin piikyuk? Anan amuktoi ano amuita ak ageere ng'emisyetap tilyonutikyuk?”

Kitabuutap JOB 9:15

Ne agot ngo aa po iman, ko mawoljini ineendet; asaisai punyondennyu.

TIENWOGIKAL 122:6

Osoomji kaalyeet Jerusalem: “Nyooru poroteet icheek che chamin.”

KALEWANAIK 21:1

Uu ainoosyek muguleldap laitoryat eng' eutap Kamuktaindet ne Toroor; imuti kotokyigei oldo tugul ole machei.

AMDOINDET 10:4

Ngot ityin nereegegap pounindet, ko metwagei eng' yetang'ung' ye kemi, amu tisei talasyet tengekwogik che eecheen.

POISYONIGAP CHE KIYOKTOI 12:20

Ki nereekyi miising' `Herod piigap Tyro ak Sidon. Ara ki pwanji `icheek ineendet eng' kabwaatet agenge, ak kingo nam chorwandi ak Blasto ne ki riibei ole kirue laitoryat, kosoom kaalyeet amu kibaei `emetap laitoryat emennywa.

1 TIMOTEO 6:13

Kang'atiin anyun eng' taitap Kamuktaindet, ne riibei tuguuk tugul kosapcho, ak eng' taitap Kristo Jeso, ne kibaoryan ng'ang'et ne myee eng' taitap Pontio Pilato;

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;