ESTA 4:3 - Bukuit Ne Tilil

³ Ki piit eng' Yahudik arageneet ne oo, karugutetapkei, riirek ak kateeiyet eng' emet age tugul ne ki it ng'olyootap laitoryat ak ng'atuutyennyi, ak kisyep che chaang' eng' icheek kuniok ak oreek.

BUKUIT NE TILIL

³ Ak kibiit arogenet ne o eng’ Yahudik, ak karugutetab ge, ak rirek ak kateeiyet eng’ emet age tugul ne kiit ng’olyotab laitoriat ak ng’atutiennyi, ak kisieb che chang’ eng’ ichek kuniok ak orek.

ESTA 4:3 ပူးပေါင်းရင်းမြစ်များ

ESTA 1:1

Ki yaak ko uu ni eng' peetuusyegap Aasuerus, nooto ne ki laitorani kobooch India agoi Kush nooto Ethiopia, kobou emotinwek pogol ak tiptem ak tisap

ESTA 3:12

Ki kiguur anyun siriigap laitoryat kobwa eng' arawet ne po tai eng' peetuutap taman ak somok, ak ki kisir ko uu tugul che ki ng'at Haman kong'atyi kiptainigap che mi kaplaitoryat, pounik che ki pou emet age tugul ak kiptainigap pororyet age tugul. Ki kisirchi emet age tugul ko uu sirennyi ak pororyet age tugul ko uu kutinnywa. Ki kisir eng' kainetap Laitoryat Aasuerus ak ki king'ooch eng' peteitap laitoryat.

ESTA 4:16

ui iyum Yahudik tugul che miitei Susa, ak orugutkei agobo anee amat oam kiy anan oeeise eng' peetuusyek somok, kemoi anan peet. Arugutigei agane ko uu nooto kobooto tiibiikyuk. Ye ibata, awe anyun ole mi laitoryat nganda ma chamdaat eng' ng'atuutyet; ngalus, alus.

ESTA 4:2

Ago ki nyo ineegei agoi taitap ormariichetap laitoryat, amu ki ma kechamjin chii age tugul ne ilaachi kuniok kochut ormariichanooto.

ESTA 4:4

Ye kingo pwa tiibiigap Esta ak riibiikyik ak komwachi Esta ng'olyoondonooto, ko ki aragen miising' ineendet. Ki iyookto ngoroik kilaakyi Mordekai ak kireegune kuniok, ago ma iyan kolaach ngoroichooto.

ESTA 9:31

si kogiimit peetuusyechuuto po Purim eng' peetuusyekwak che ki king'at, ko uu ye kiga ng'at icheek `Mordekai Yahudyot ak Esta osotyotap laitoryat, ak ko uu ye kiga kong'atyigei ak iyotennywa eng' ng'olyootap karugutetapkei ak riirekwak.

Kitabuutap JOB 2:8

Ki inem anyun Job rokyet ak kong'irireegei kotebee oreek.

ISAIAH 22:12

Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

ISAIAH 22:4

Ki amwa anyun ale, welelgei amegeera, si ariir eng' ng'wanindo; matibirtegei ile igaigaa, amu luuleetap cheptap piikyuk.

ISAIAH 58:5

Tos nooto karugutetapkei ne ki alewen? Peetuut ne inyalili chii saboondanyi? Koabuch chii metinnyi ko uu mutwot, ak kosyep kuniok ak oreek? Tos oguure niito karugutetapkei, peetuut ne taachaksei eng' Kamuktaindet ne Toroor?

EZEKIEL 27:30

Ak kowaach kot igas, ak koriiryo eng' ng'wanindo, ak kolakyin temburyek metowekwak, ak komildaegei oreek;

DANIEL 9:3

Ki atokyigei Kiptaiyat Kamuktaindet, ale acheeng' ineendet eng' saaet ak soomutik kobooto karugutetapkei ak kalaagetap kuiniok ak eng' oreek.

JONAH 3:6

Ye kingo it ng'aleek kaplaitoryatap Nineveh, kong'eet eng' ng'echerennyi ne po laitornatet, koreek ngoryennyi, kotugegei kuniok, ak kotebee oreek.

MATAYO 13:42

ak kowiirchi maat ne oo, ole tuun mi kateeiyet ak nyeetap kelek.

MATAYO 22:13

Ki leenji anyun laitoryat kiboitiinik, ‘Orat ineendet eunek ak keelyek, ak owiirchi saang' ole mi mesundeito; olooto ole mi riirek ak nyeetap kelek.’

MATAYO 25:30

Otoorchin anyun otwogindet ne ma tilei kiy mesundeito ne po saang', ole egu riirek ak nyeetap kelek.’

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

1 SAMUEL 11:4

Kingo it anyun piik che kiga kiyookto Gibea ne po Saulo ak komwachi piik ng'aleechuuto kogas, kowaach piik tugul ak koriiryo.