ESTA 4:1 - Bukuit Ne Tilil

¹ Ye kingo nai Mordekai tuguuk tugul che kagoyaak, kogereer ngoroikyik ak kolaach kuniok ak koiilegei oreek, yeityo kwo kwenutap nganaseet ak koote eng' kutit ne oo ak riiregap ng'wanindo ne oo.

BUKUIT NE TILIL

¹ Ye kingonai Mordekai tuguk tugul che kagoyaak, kogerer Mordekai ngoroikyik, ak kolaach kuniok ak koiilegei orek, ak kwo kwenutab nganaset, ak kote eng’ kutit ne o ak rirekab ng’wanindo ne o:

ESTA 4:1 ပူးပေါင်းရင်းမြစ်များ

TAUNET 27:34

Ye kingo kas Esau ng'aleegap kwan, kowaach eng' waagaat ne oo ak eng' ng'wanindo, ak koleenji kwandanyi, “Iberuuro agane, ee, abba!”

TAUNET 37:34

Yeityo kogereer Jakobo ngoroikyik, ak kogermenegei kuniet, ak ki riirchi weeriinnyi peetuusyek che chaang'.

2 SAMUEL 1:11

Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

2 SAMUEL 13:19

Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

ESTA 4:2

Ago ki nyo ineegei agoi taitap ormariichetap laitoryat, amu ki ma kechamjin chii age tugul ne ilaachi kuniok kochut ormariichanooto.

ESTA 4:3

Ki piit eng' Yahudik arageneet ne oo, karugutetapkei, riirek ak kateeiyet eng' emet age tugul ne ki it ng'olyootap laitoryat ak ng'atuutyennyi, ak kisyep che chaang' eng' icheek kuniok ak oreek.

Kitabuutap JOB 1:20

Ki ng'eet anyun Job ak kobet ngoryennyi ne po parak ak kocher metinnyi yeityo kobutyi ng'wony kosa.

Kitabuutap JOB 2:8

Ki inem anyun Job rokyet ak kong'irireegei kotebee oreek.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

ISAIAH 15:4

Riirei Hesbon ak Eleale, kigasei kutusweekwak eng' Jahas. Waaktos anyun murenigap Moab che ilaachi kariik; potani saboondanyi.

ISAIAH 22:4

Ki amwa anyun ale, welelgei amegeera, si ariir eng' ng'wanindo; matibirtegei ile igaigaa, amu luuleetap cheptap piikyuk.

ISAIAH 37:1

Ak kingo kas Laitoryat Hezekiah, kogereer ngoroikyik, ak kotugegei kuniok, ak kwo kootap Kamuktaindet ne Toroor.

ISAIAH 37:2

Ak koyookto Eliakim ne ki pou koot, ak Sebna siriindet, ak poisyegap tisiik, kotugotegei kuniok, koba ole mi Isaiah maotyot, weeriitap Amos.

ISAIAH 58:5

Tos nooto karugutetapkei ne ki alewen? Peetuut ne inyalili chii saboondanyi? Koabuch chii metinnyi ko uu mutwot, ak kosyep kuniok ak oreek? Tos oguure niito karugutetapkei, peetuut ne taachaksei eng' Kamuktaindet ne Toroor?

EZEKIEL 21:11

Ak ki kigon si kobiit kesit, si kimuuch kenam: kilitei rotwetap chok, ee, kisitei, si kobiit kinde eutap parindet.

EZEKIEL 21:6

Tigen anyun, inyee weeriitap chii; tigen eng' iletap sueng'ung' ak eng' ng'wanindo kogeerei icheek.

DANIEL 9:3

Ki atokyigei Kiptaiyat Kamuktaindet, ale acheeng' ineendet eng' saaet ak soomutik kobooto karugutetapkei ak kalaagetap kuiniok ak eng' oreek.

MIKAH 1:8

Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

SEPANIA 1:14

Kariik peetuut ne oo ne po Kamuktaindet ne Toroor, neegit ak kochogu miising', ak ko ng'waan tweguunet ne po peetuutap Kamuktaindet ne Toroor; riirei eng' olooto nyiganeet eng' tuugeet ne oo.

MATAYO 11:21

Pwo! Wee Korazin! Pwo! Wee Bethsaida! Amu nda kiga kiyai eng' Tyro ak Sidon poisyonik che po kamuktaet che ki kiyai eng' okweek, ta kiga kosik keny, kolaach kuniok ak koiilegei oreek.

POISYONIGAP CHE KIYOKTOI 14:14

Ago ye kingo kas agobo nooto che kiyooktoi Barnaba ak Paulo kogereer ngoroikwak ak korwai koba kwenutap tuiyet, koboldos koleen,

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

NG'ANG'UTYET 11:3

Ak agoochini paorinikyuk aeng' komaoten peetuusyek eliphuut agenge pogol aeng' ak tamanwogik lo, kolaachi kuniok.