ESTA 3:8 - Bukuit Ne Tilil

⁸ Kingo yaak ko uu nooto, koleenji `Haman Laitoryat Aasuerus, mi piik alak che kiyom emet ak koiyestaat eng' kwenutap piik eng' emotinwek tugul che po laitornateng'ung' ak teerchiin ng'atuutikwak ak che po piik alak tugul, ama riibei icheek ng'atuutigap laitoryat; matoreti kiy anyun eng' laitoryat kobagaakta icheek.

BUKUIT NE TILIL

⁸ Ak kilenji Haman laitoriat Aasuerus, Mi bik alak che kiyom emet ak koiyestaat eng’ kwenutab bik eng’ emotinwek tugul che bo bounateng’ung’, ak terjin ng’atutikwak ak che bo bik alak tugul; ama ribei ichek ng’atutikab laitoriat: matoreti kiy anyun eng’ laitoriat kobagakta ichek.

ESTA 3:8 ပူးပေါင်းရင်းမြစ်များ

EZRAH 4:6

Eng' taunetap laitornatetap Aasuerus, kosiir pichooto kataamset agobo piik che ki menyei Judah ak Jerusalem.

NEEMIA 1:8

Asaain ale, ibwaat ng'olyoot ne ki ing'at otwogindeng'ung' Musa, ileenji, ‘Ngot obistoe aiyestook obe ye mi pororyosyek,

ESTA 3:9

Ngot kochamei laitoryat, ko ingesir keele kebar icheek, ak agoochini piik che tononjin poisyonooto keruutik eliphuusyek taman che po fedha koip kobwa ole kigonoree tuguugap laitoryat.

ESTA 4:1

Ye kingo nai Mordekai tuguuk tugul che kagoyaak, kogereer ngoroikyik ak kolaach kuniok ak koiilegei oreek, yeityo kwo kwenutap nganaseet ak koote eng' kutit ne oo ak riiregap ng'wanindo ne oo.

JEREMIA 33:24

tos mebwaati kiit ne kagomwa pichu kole ki gotimda `Kamuktaindet ne Toroor koorchooto aeng' che ki kolewen? Sasei icheek ko uu nooto piikyuk, si ma koegu kogeny pororyet eng' tainnywa.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

EZEKIEL 11:16

mwaa anyun ile, Mwaei Kiptaiyat Kamuktaindet ne Toroor kole: Nganda ki ayestochi icheek ole loo eng' pororyosyek, ak ki aseer icheek koyom emotinwek, kota aegu kora eng' icheek komosta ne tiliil eng' ne matya eng' emotinwek che ki koba.

EZEKIEL 6:8

Ago atuuchi che ng'etu, si kobiit onyooru che chilildos eng' rotwetap chok eng' pororyosyek, ye kiseerak obe emotinwek.

DANIEL 3:8

Ki riik anyun eng' sainooto Kaldeik alage koip kataamset ne kitaame Yahudik.

DANIEL 6:13

Ki wol anyun pichooto eng' taitap laitoryat kole, “Ma iitin Daniel-inooto ne po lagogap piik che ki kiluul che po Judah, ee laitoryat, anan koiit ng'atuutyet ne ki isir ak inde kaineng'ung', ago saaei konyil somok eng' peetuut.”

DANIEL 6:14

Kingo kas anyun laitoryat ng'aleechuuto, koaragen, ak komach kotyach Daniel. Ki tyem kole kosar ineendet agoi kororokto asiis.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

SEKARIA 7:14

ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.

KAITOSYEK 23:9

Amu ageere Israel ami rwandosyek parak, Ak ageere ineendet ami tuloonook. Pichu ko piik che meng'iisyei icheegei, ak ma ki ititoi pororyosyek alak.

JOHANA 7:35

Komwachigei anyun Yahudik kole, “Wendi ano chiichi si ma kinyooru ineendet? Tos wendi ole mi icheeget che ki koiyestoochi Yunanik, si koneet Yunanik?

POISYONIGAP CHE KIYOKTOI 24:5

amu ki kegeer chiichi keele ineendet ko chii ne itoitos piich, ne ing'eeti chemerereet eng' Yahudik tugul eng' ng'wony komugul, ak kandoindet ne po kasubiigap Nazaretik.

POISYONIGAP CHE KIYOKTOI 28:22

Ago kimache kegasenen kiy ne ibwaati: amu ki konaak eng' acheek keele kimwaoti ne ya agobo pitoniito eng' komosta age tugul.

NG'ATUTIK 30:3

kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.

NG'ATUTIK 32:26

Ki ale, “Aiyestochini ole loo, agoochini kogeskei kabwaatennywa eng' piik.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.

JAKOBO 1:1

Jakobo, otwogindetap Kamuktaindet ak ko po Kiptaiyat Jeso Kristo, asirchini ortinwek taman ak aeng' che po piik che ki koiyestat, agatok.

1 PETERO 1:1

Petero, kayooktoindet ne po Jeso Kristo, asirchini che ki kilewen, punootik che po piik che ki koiyesta, eng' Ponto, Galatia, Kapadokia, Asia, ak Bithynia,