ESTA 3:2 - Bukuit Ne Tilil

² Ak ki ing'uruukjin ak kogonyiti Haman `otwogik tugul che po laitoryat che ki mi ormariichetap kaplaitoryat, amu kiga kong'at laitoryat ko uu nooto agobo ineendet. Ago ki ma ing'uruuk anan kogonyit `Mordekai ineendet.

BUKUIT NE TILIL

² Ak kiing’urukso otwogik tugul che bo laitoriat che kimi ormarichetab laitoriat, ak kogonyit Haman: amu kiga kong’at laitoriat ko u noto agobo inendet. Ago kima ing’uruk Mordekai, anan kogonyit inendet.

ESTA 3:2 ပူးပေါင်းရင်းမြစ်များ

TAUNET 41:43

Ak ki igoochi `Pharaoh Joseph kolaany chepkichutinnyi ne po aeng' ne ki tinyei, ak kiboldos piik eng' tainnyi koleen, “Ogutuny!” Ak ki inde ineendet koboi emet komugul ne po Misiri.

ESTA 2:19

Ye kingo kagoyumgei pergeinik ne po aeng', kotep Mordekai eng' ormariichetap laitoryat.

ESTA 2:21

Eng' peetuusyechooto, ye kitebyei Mordekai eng' ormariichetap laitoryat, konereekso riibiik aeng' che po kaplaitoryat che kiriibei kurgeet, Bigtan ak Teres, ak kocheeng' kobar Laitoryat Aasuerus.

ESTA 2:5

Ki mi Yahudyot age nganasanooto oo po Susa ne ki kiguure Mordekai, weeriitap Jair, weeriitap Shimei, weeriitap Kish, Benjaminindet.

ESTA 3:1

Kingo pata tuguuchuuto koeet `Laitoryat Aasuerus Haman weeriitap Hamedata Agagindet. Ki itoroor ineendet ak kogoochi kotebee ng'echereet ne toroor kosiir pounik tugul che ki mi kobooto ineendet.

ESTA 3:3

Kotebee anyun otwogigap laitoryat che ki mi ormariichetap kaplaitoryat Mordekai koleenji, “Amu nee si ibistoe ng'atuutyetap laitoryat?”

ESTA 3:5

Ye kingo keer Haman kole ma ing'uruuk Mordekai anan kogonyit ineendet, konereech miising'.

ESTA 5:9

Ki wo anyun Haman eng' peetuunooto kobaibai ak kogasegei eng' muguleldo. Ago ye kingo keer `Haman Mordekai eng' ormariichetap laitoryat, ak konai kole ma tonoon anan koistochigei ineendet, konereekyi Mordekai miising'.

TIENWOGIKAL 15:4

ne sasei ineendet ne eesyoot, ago konyiti icheek che iywei Kamuktaindet ne Toroor, ne ma walei kayosyennyi matiny kanyoor nyalil;

KOMONG'U 17:14

Ki leenji `Kamuktaindet ne Toroor Musa, “Sirchi ng'aleechu bukuit si koek ne kibwaatee, somanji Joshua kogas, amu abuuktoi kabwaatetap Amelek kobet eng' kurereetap kipsengwet.

KOMONG'U 17:16

Ak ki le, “Kagoyosyo Kamuktaindet ne Toroor koyai lugeet ak Amelek eng' ibinwek tugul.”

DANIEL 2:49

Ki soom `Daniel laitoryat konde Shadrak, Meshak ak Abed-nego koboi ng'aleegap emetap Babilon. Ago ki ng'et Daniel kotebee ormariichetap laitoryat.

NG'ATUTIK 25:19

Ye tuun kagogoonin Kamuktaindet ne Toroor Kamuktaindeng'ung' kamuung'et eng' puuniguk tugul che mi komosweguk tugul, eng' emet ne koonin Kamuktaindet ne Toroor Kamuktaindeng'ung' koek poroteng'ung' kobunjiin, ko mat iutye ibukte anyun kabwaatetap Amelek eng' kurereetap kipsengwet.”

PILIPIK 2:10

si kobiit kogutuny kutundo age tugul eng' kainetap Jeso, age tugul ne mi kipsengwet, ak ne mi ng'wony ak ne mi ng'wony oriit,

1 SAMUEL 15:3

Ui anyun nguno ibookyi Amelek ak ing'em igeesu tuguuk tugul che tinyei. Amat ibagaakte chii, ago par muren ak kwony, lakwa ak ne reryei, teta ak keechiiryet, tambeesyet ak sigiryet!”