ESTA 2:9 - Bukuit Ne Tilil

⁹ Ki ibaibai `chebooto ineendet. Ki nyoor chameet eng' ineendet ak kisip kogoochi tuguukyik che ianyinyegei kobooto kebeberwekyik che po amitwogik. Ki igoochi `ineendet tiibiik tisap che ki kileewenji eng' kootap laitoryat. Ki kiuu ineendet kobooto tiibiikyik koba komosta ne karaaran miising' ne po kootap kwonyik.

BUKUIT NE TILIL

⁹ Ak kiibaibai cheboto inendet, ak kinyor chamet eng’ inendet; ak kisib kogochi inendet tugukyik che ianyinyegei, koboto kebeberwekyik, ak tibik tisab, che kinyol kigochi inendet, eng’ gotab laitoriat: ak kiiuu inendet ak tibikyik koba komosta ne kararan kot ne bo gotab kwonyik.

ESTA 2:9 ပူးပေါင်းရင်းမြစ်များ

TAUNET 39:21

Ago ki mi Kamuktaindet ne Toroor kobooto Joseph, ak ki riiregei ineendet ak ki igoochi konyoor chameet eng' pounindetap korgoreet.

TAUNET 39:4

Ki chamak anyun Joseph eng' ineendet, ak kiboisyechin ineendet. Ki inde `Potipar ineendet koek riibindetap poisyennyi, ak ki inde tuguukyik tugul eunekyik.

1 LAITORINIK 8:50

Nyochi kaat piiguk che ki koyaun tengekto, ak pistaosyekwak tugul che ki kobistaenen; ak iriiree icheek eng' taitap piik che ki imut icheek koluul,

EZRAH 7:6

Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

NEEMIA 2:8

Ingogoono parweet ne kisirchin Asaph riibindetap timdap laitoryat, si kogoono keetiik ayae pagoinigap kurgotik che po irimeet ne ki namgei ak koot, che po irimeetap nganaseet ak che po koot ne awendi.” Ki koono laitoryat ko uu nooto, amu kimi euut ne myee ne po Kamuktaindennyu kobooto.

ESTA 2:12

Ki it peetuut ne wendi chepto age tugul ole mi Laitoryat Aasuerus, ko kageyachi ko uu ye mwaei ng'atuutik agobo kwonyik eng' arawek taman ak aeng': ki uu nooto kagesunetap peetuusyegap kaanyinyennywa pogei, ki po arawek lo mwanigap tuguuk che uu igomoik, ko po arawek lo nyamdutik ak tuguuk che po kaanyinyetap kwonyik.

ESTA 2:3

ak ingonde laitoryat kiptainik emotinwek tugul che po laitornatennyi, si kobiit koyum pergeinik tugul che neranik ak ko tinyei itoon kobwa Susa, nganaseet ne oo. Ngo pwa kootap kwonyik, konyo koriip Hegai riibindetap kaplaitoryat ne ki riibei kwonyik. Ingigoochi tuguukwak che ianyinyegei,

ESTA 5:2

Ak kingo keer laitoryat osotyonnyi Esta kotononi eng' seremut, konyoor chameet eng' tainnyi, ak ki iyogoochi `laitoryat Esta kirokto ne po thahabu ne ki tinyei eng' eunnyi. Kiriikta anyun Esta ak konam walitap kirogooto.

TIENWOGIKAL 106:46

Ki igoochi piik tugul che kiluulei icheek, koriirge.

KALEWANAIK 16:7

Ye iboiboi `ortinwegap chii Kamuktaindet ne Toroor, kogoochin kochamyo ak puunikyik.

DANIEL 1:9

Ki igoochi anyun `Kamuktaindet Daniel konyoor chameet ak rireenet eng' taitap pounindetap kiptainik.

POISYONIGAP CHE KIYOKTOI 7:10

ak ki sar ineendet eng' nyalilwogikyik tugul, ak kogoochi chameet ak utaatyet eng' taitap Pharaoh laitoryatap Misiri; ne ki inde ineendet koek pounindet eng' Misiri ak koonnyi tugul.