ESTA 2:5 - Bukuit Ne Tilil

⁵ Ki mi Yahudyot age nganasanooto oo po Susa ne ki kiguure Mordekai, weeriitap Jair, weeriitap Shimei, weeriitap Kish, Benjaminindet.

BUKUIT NE TILIL

⁵ Kimi Yahudiot age Susan, nganaset ne o, ne kigiguure Mordekai, weritab Jair, weritab Simei, weritab Kis, Benjaminindet;

ESTA 2:5 ပူးပေါင်းရင်းမြစ်များ

2 SAMUEL 16:5

Kingo it `laitoryat Daudi Baurim, komong' eng' olooto chiito ne po ooreetap kap Saulo ne ki kiguure kainennyi Shimei, weeriitap Gera. Ki mong' ineendet kochubisyonu.

2 LAITORINIK 24:12

Ki manda Jehoiakin laitoryatap Judah, kwo ole mi laitoryatap Babilon, kobooto kamennyi, otwogikyik, pounikyik ak kiptainikyik. Ki imut ineendet laitoryatap Babilon eng' kenyiitap sisiit ne po laitornatennyi.

2 LAITORINIK 24:15

Ki imut `Nebukadnezar Jehoiakin kwo Babilon. Ki imut kora kobooto ineendet eng' Jerusalem koba Babilon, kametap laitoryat, osotigap laitoryat, kiptainikyik ak piik che eecheen che po emet.

ESTA 1:2

eng' peetuusyechooto kitebee Laitoryat Aasuerus ng'echereetap laitornatet ne po pounatennyi eng' nganaseet ne oo ne po Susa,

ESTA 10:3

Amu ki ek Mordekai Yahudyot pounindet ne rubei Laitoryat Aasuerus, ak ki oo ineendet eng' Yahudik. Ki chamak eng' tupchosyekyik che chaang' amu ki cheeng' ak koboisyechi piikyik eng' ooreet ne myee, ak kong'alaaljin iyotennyi tugul agobo kaalyeet.

ESTA 2:3

ak ingonde laitoryat kiptainik emotinwek tugul che po laitornatennyi, si kobiit koyum pergeinik tugul che neranik ak ko tinyei itoon kobwa Susa, nganaseet ne oo. Ngo pwa kootap kwonyik, konyo koriip Hegai riibindetap kaplaitoryat ne ki riibei kwonyik. Ingigoochi tuguukwak che ianyinyegei,

ESTA 2:4

si koek osotyotap laitoryat chepto ne iboiboi laitoryat, ne kata Basti. Ki ibaibai `laitoryat ng'olyoondoni ak ki yai ko uu nooto.

ESTA 5:1

Eng' peetuut ne po somok, koolaach Esta ngoroikyik che po laitornatet yeityo kotoonon eng' seremut ne po oriit ne po kootap laitoryat, ne tokyingei kootap laitoryat. Ki tebee laitoryat ng'echerennyi ne po laitornatet eng' kootap laitornatet, kotokyigei ole kibunei kebendi ko.

1 SAMUEL 9:1

Ki mi chii ne ki tagunoot ak ko kiim ne po ooreetap Benjamin ne kainennyi ko ki Kish weeriitap Abiel, weeriitap Seror, weeriitap Bekorat, weeriitap Apia, weeriitap Benjaminindet.