ESTA 10:3 - Bukuit Ne Tilil

³ Amu ki ek Mordekai Yahudyot pounindet ne rubei Laitoryat Aasuerus, ak ki oo ineendet eng' Yahudik. Ki chamak eng' tupchosyekyik che chaang' amu ki cheeng' ak koboisyechi piikyik eng' ooreet ne myee, ak kong'alaaljin iyotennyi tugul agobo kaalyeet.

BUKUIT NE TILIL

³ Amu kirubei Mordekai Yahudiot laitoriat Aasuerus, ak ki o eng’ Yahudik, ak kichamak eng’ tupchosiekyik che chang’; kicheng’ei kit ne mie agobo bikyik, ak kong’alaljin iyotennyi tugul agobo kalyet.

ESTA 10:3 ပူးပေါင်းရင်းမြစ်များ

TAUNET 41:40

Inyee ne kebou koonnyu ak ko uu ng'olyoondeng'ung' ko kebou piikyuk tugul, kobatee eng' ng'echereetap laitornatet, ko anee ne oo eng' inyee eng' nooto.”

TAUNET 45:10

Ak inyoo imeny emetap Goshen, si ineegitena, inyee ak lagoguk kobooto mochogoroniguk, kechireguk, tuuga cheguuk ak tuguuk tugul che itinye.

TAUNET 45:11

Abain eng' olooto si mebanan, inyee ak koong'ung', ak tugul che itinye; amu ta komi kenyiisyek muutu che pwoonei che po rubeet.’

2 ATEPTAP PEETUUSYEK 28:7

Ak ki par Zikri, chiito ne kiim, ne po Ephraim, Maaseia weeriitap laitoryat, Asrikam pounindetap koot, ak Elkanah ne kirubei laitoryat.

NEEMIA 2:10

Kingo kas ng'aleechu `Sanbalat Horonindet ak Tobia otwogindet ne Amonindet, kogas icheek ng'wanindo ne oo amu kanyo chiito si kobiit kocheeng'ji piigap Israel sabeet ne myee.

ESTA 2:5

Ki mi Yahudyot age nganasanooto oo po Susa ne ki kiguure Mordekai, weeriitap Jair, weeriitap Shimei, weeriitap Kish, Benjaminindet.

ESTA 3:2

Ak ki ing'uruukjin ak kogonyiti Haman `otwogik tugul che po laitoryat che ki mi ormariichetap kaplaitoryat, amu kiga kong'at laitoryat ko uu nooto agobo ineendet. Ago ki ma ing'uruuk anan kogonyit `Mordekai ineendet.

DANIEL 5:16

Ago koagas agobo inyee keele imuuchi iaror ak ibooru tugun che iimi piich. Ngot imuuchi anyun isoman siruutichuuto ak iboorwo kiit ne mwaei, kilaagun anyun ngoroik che aruseen ne piriir ak kilaakyi kaating'ung' sirimdap thahabu, ak iegu pounindet ne po somok eng' pounateet.”

DANIEL 5:29

Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

DANIEL 6:3

Ki kigonyit anyun Daniel kosiir poisyechooto ak pounik, amu ki tinyei tamirmiryet ne myee miising'; ak ki ibwaat laitoryat kole konde ineendet koboi pororyet komugul.

ROMANIK 10:1

Che kitupche, mageetap muguleldanyu ak soomennyu eng' Kamuktaindet agobo icheek ko ale kesar icheek.

ROMANIK 14:18

Amu ineendet ne otei Kristo eng' tuguuchuuto koboiboi Kamuktaindet, ak koyanjin piik.

1 SAMUEL 18:16

Ago ki cham `Israel tugul ak `Judah Daudi, amu ki indochi icheeget ye kimandoi ak koweeksei.

1 SAMUEL 23:17

Ki leenji ineendet, “Meiywei, amu ma nyoorun eutap kwandanyu Saulo, ak iegu laitoryat eng' Israel, ak aegu ne rubin. Agot Saulo kwandanyu kongen nooto agine.”