ESTA 1:6 - Bukuit Ne Tilil

⁶ Ki miitei angook che songinindos che ki leelach ak che ki nyalileen, ak che ki buluu, che ki kirate poroonik che po katanit ne karaaran ak ne arus ne piriir, keratyi tamoogok che po fedha eng' tolochigap koik che leelach. Ki po thahabu ak fedha itogusyek ak ki kinde ng'wony ole ki kimale koik che piriiren, che leelach, che sokyanen ak che tuuen.

BUKUIT NE TILIL

⁶ kimitei ngoroik che songinindos che ki leelach, ak che ki nyalilen, ak che ki tuuen ne nyalil, che kigirate boroonik che bo katanit ne kararan, ak ne arus ne birir, keratyi tamogok che bo feda eng’ tolochikab koik che leelach: ki bo tahabu ak feda itogusiek, kiginde ng’ony ole kigimale koik che biriren, ak che leelach, ak che sogionen, ak che tuuen.

ESTA 1:6 ပူးပေါင်းရင်းမြစ်များ

ESTA 7:8

Kingo week anyun laitoryat eng' mbareetap kootap laitoryat, konyo ole kimi igoorto ne po divaik ko kiga kobutyi Haman ole kilyeldoe Esta. Kibol laitoryat kole, “Machei kosuup osotyondennyu eng' tainnyu eng' kootap laitoryat?” Ye kita kong'alaali laitoryat, ketuch togetap Haman.

ESTA 8:15

Ki wo Mordekai eng' ole mi laitoryat kolaagoti ngoroigap laitornatet che buluu ak che leelach, kotinyei naaryeet ne oo ne po thahabu ak ngoryeet ne po katanit ne karaaran ne arus ne piriir. Ak kiwaach nganaseetap Susa kogaskei.

KOMONG'U 26:1

Ne siirei nooto anyun, ko teech emaitap Kamuktaindet iteeche angook taman che ki kinabee katanit ne karaaran ne ki kileet eng' che buluu. Ngo lelesan anyun angoonochooto nabiindet ne ng'oom kochooronji kerubisyek.

EZEKIEL 23:41

ak ki itebee itoogut ne karaaran, ne ki mi tainnyi meset ne choboot, ne ki inde nyamdutikyuk che kibeelei ak mwanikyuk.

AMOS 2:8

Eng' ole neegitee kapkorosuut age tugul, koruiye `icheek ngoroik che kiname pesendo, ak koe divaik eng' kootap kamuktaindennywa, che ki kiibe piik che ki kirwookyin.

AMOS 3:12

Mwaei anyun Kiptaiyat Kamuktaindet ne Toroor kole: Ko uu ye saru mestowot keelyek aeng' anan motwet ne po itit eng' kutitap ng'etundo; kisaru anyun ko uu nooto piigap Israel che tebee Samaria eng' luuitap kiit ne kilyeldoe, ak eng' kiplusinik che po aririt che po itoogut.

AMOS 6:4

Pwo eng' icheek che ruitos eng' itogusyek che po kelegap peeleek, ak koiitogei eng' tuguukwak che kilyeldoe, che amei aaregap keechiir che po akweet, ak moek che mi piusyek;

1 SAMUEL 28:23

Ago ki eesyo Saulo ak kole, “Ma ame.” Ago kingo pirchi ineendet otwogikyik ak kwonyooto, kogas ng'aleekwak. Ki ng'eet eng' ng'wony ak kotebee itoogut.