ESTA 1:19 - Bukuit Ne Tilil

¹⁹ Ngot kocham anyun laitoryat, ko myee komwa ineendet ng'atuutyet ne po laitornatet, ak ngesir kobooto ng'atuutigap Persik ak Medik si ma ki wal, ngesir keele ma konyonei kogeny Basti taitap Laitoryat Aasuerus. Ak ingogoochi laitoryat etunatennyi ne po laitornatet chiito age ne kaigai kosiir ineendet.

BUKUIT NE TILIL

¹⁹ Ngot kocham anyun laitoriat, ko mie komwa inendet ng’atutiet ne bo laitornatet, ak ngesir koboto ng’atutikab Persik ak Medik, si ma kiwal, kele ma konyonei kogeny Basiti taitab laitoriat Aasuerus; ak ingogochi laitoriat etunatennyi ne bo laitornatet, chito age ne kaigai kosiir inendet.

ESTA 1:19 ပူးပေါင်းရင်းမြစ်များ

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

ESTA 1:18

Ak imuuchi komwa ko uu nooto rani tiibiigap laitorinigap Persia ak Media che kagogas agobo poisyetap osotyotap laitoryat, komwachi pounik tugul che po laitoryat. Ak kobiit anyun sasisyet ne oo ak nereegek che chaang'.

ESTA 1:21

Ki ibaibai ng'olyoondonooto laitoryat ak pounik ak ki yai laitoryat ko uu ng'olyootap Memukan.

ESTA 2:1

Kingo pata tuguuchuuto ko kagogeskei nereegegap Aasuerus, kobwaat `ineendet Basti, kiit ne kiga kayai kwonyooto ak kiit ne kiga king'at agobo ineendet.

ESTA 3:9

Ngot kochamei laitoryat, ko ingesir keele kebar icheek, ak agoochini piik che tononjin poisyonooto keruutik eliphuusyek taman che po fedha koip kobwa ole kigonoree tuguugap laitoryat.

ESTA 8:5

Ak kole, “Ngot koboiboi niito laitoryat ak ngot ko kaanyooru chameet eng' tainnyi, ak ngot kogeer laitoryat kole myee ng'olyoondonooto ak aboiboi ineendet, ko ingesir kewal paronok che kichobei Haman weeriitap Hamedata Agagindet, che kisir kole keng'em Yahudik che mi emotinwek tugul che po laitoryat.

ESTA 8:8

Osirchi ak okweek Yahudik ko uu ye omache, eng' kainetap laitoryat ak ong'och eng' peteitap laitoryat. Amu ma imuuchi kowal chii parweet ne kisirei eng' kainetap laitoryat ak keng'och eng' peteitap laitoryat.”

DANIEL 6:17

Ki kiip koita ak kegeree kurgeetap keriinget. Ki ng'ooch laitoryat eng' ng'ooksennyi, kobooto ng'ooksetap kiptainikyik, si ma kiwal kiy agobo Daniel.

1 SAMUEL 15:28

Ki mwachi `Samuel ineendet koleenji, “Kagogereerenen Kamuktaindet ne Toroor laitornatetap Israel rani, ak kogoochi chiitap kokweng'ung' ne kaigai eng' inyee.