ESTA 1:12 - Bukuit Ne Tilil

¹² Ago ki eesyo Basti, osotyotap laitoryat konyo ye kingo ng'at laitoryat ineendet eng' kutitap riibiik. Ki nereech anyun miising' laitoryat konereekyi ineendet kot.

BUKUIT NE TILIL

¹² Ago kiesio Basiti osotiotab laitoriat konyo ye kingong’at laitoriat inendet eng’ kutitab ribik: kinerech anyun mising’ laitoriat, ak kilalyo neregekyik eng’ inendet.

ESTA 1:12 ပူးပေါင်းရင်းမြစ်များ

TAUNET 3:16

Koleenji anyun `Kamuktaindet kwondo, “Atesun miising' nyaliildang'ung' eng' sigisyeng'ung', isiche lagok eng' ng'wanindo. Inyali manong'otyong'ung' eng' mageng'ung' ak koboun.”

ESTA 1:11

komut Basti osotyotap laitoryat konyo taitap laitoryat kolaaganu naaryeet ne po laitornatet, si koboorchi karaaranindanyi piik ak pounik amu ki tinyei itoon ne karaaran.

ESTA 1:13

Amu ki ateptap laitoryat koteepsee che ingen ng'atuutik ak kirwoogutik, koging'alaji anyun `laitoryat piik che ng'oomen che ki ingen peetuusyek,

ESTA 7:7

Ki ng'eet laitoryat eng' nereegek, ak kwo eng' igoorato po divaik, kwo mbareetap kootap laitoryat. Ki tonon Haman koleen kosoom Esta osotyotap laitoryat kesar saboondanyi; amu ki keer kole kagobegechi laitoryat koyachi ineendet yaityet.

TIENWOGIKAL 74:1

Ee Kamuktaindet, amu nee si iwiirtech agoi? Amu nee si koiyenji nereegeguk keechiiregap akweeng'ung'?

TIENWOGIKAL 79:5

Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?

KOMONG'U 32:19

Ye kingo riik nganaseet ak kogeer kanamwetap moita ak ureryet, konereech miising' Musa. Ki wiirta anyun koichooto ki tinyei eng' eunekyik, kotui eng' tulweet keel.

KOMONG'U 32:22

Kowol Aron kole, “Amat konereech miising' kiptaiyandennyu, ingen inyee pichu ile ki kotokyigei yaityet.

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

KALEWANAIK 20:2

Uu porisenetap ng'etundo kamuisetap laitoryat; ineendet ne tachei laitoryat koyachin saboondanyi tengekto.

DANIEL 2:12

Ki nereech anyun miising' laitoryat eng' nereegek che ng'woneen ak kong'at kebar ng'amotigap Babilon tugul.

DANIEL 3:13

Ki ng'at anyun Nebukadnezar eng' koroomnatennyi ak nereegek che ng'woneen kole kimut Shadrak, Meshak, ak Abed-nego. Ki kimut anyun pichuuto kobwa taitap laitoryat.

DANIEL 3:19

Konyi anyun nereegek che ng'woneen Nebukadnezar, ak kowalak togeennyi konereekyin Shadrak, Meshak ak Abed-nego. Kong'alaal anyun ak kong'at kole kilaal maat ne oo kotesak konyil tisap kosiir ye cham kilaali,

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.

EPESOEK 5:22

Osotichu, ogas iit manong'otaikwok, ko uu ye ogase iit Kiptaiyat.

EPESOEK 5:24

Ago ko uu ye kase iit kaniset Kristo, ko uu nooto ak icheek osotik eng' manong'otaikwak eng' kiy age tugul.

NG'ATUTIK 29:20

Ma metoi Kamuktaindet ne Toroor chiichooto ago iyenjin chiichooto nereegek ak ng'etkonda che po Kamuktaindet ne Toroor ak kotebee chiichooto chubisyoni tugul ne ki kisirchi kitabuuni ak kobukto Kamuktaindet ne Toroor kainennyi eng' kurereetap kipsengwet.

1 PETERO 3:1

Uu nooto, osotichu, ogas iit manong'otaikwok; si nganda ma kase iit alak ng'olyoot, kimuuch kichuut icheek eng' atebeet ne myee ne po osotikwak ama eng' ng'olyoot,