EPESOEK 2:1 - Bukuit Ne Tilil

¹ Ak kigosabok okweek, ye ki oo pegunotin eng' yaitwogikwok ak tengekwogikwok,

BUKUIT NE TILIIL Sireet ne Dutero Kanon

¹ Ak kigosabok okweek, ye ki oo pegunotin eng' yaitwogikwok ak tengekwogikwok,

BUKUIT NE TILIL

¹ Ak kigosobok okwek, ye kio begunotin eng’ yaitwogikwok ak tengekwogikwok,

EPESOEK 2:1 ပူးပေါင်းရင်းမြစ်များ

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

MATAYO 8:22

Ago ki leenji Jeso, Isubwo, pagakte piik che ki kobek kotup chechwaak che ki kobek.

LUKA 15:24

amu weeriinnyu ni, ne kiga kome, ago kagosap kogeny; kiga kobet, ak kagobiit. Ki toi anyun koboiboitu.

LUKA 15:32

Ago kanyoolu keboiboitu ak kigaske: amu kiga kome weeri otupche, ago kagosap kogeny; kiga kobet, ago kagobiit.’ ”

JOHANA 10:10

Nyoonei choriindet si kochoor, ak kobar, ak kong'em kityo: ki anyoo si kobiit konyoor saboondo, ak kotepto saboonooto inne.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

JOHANA 5:25

Amwaiwok, iman, iman, ale, Nyoonei sait, ak kagoit, ye kas che ki kobek kutitap Weeriitap Kamuktaindet; ak saptos icheeget che kasei.

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

2 KORINTOEK 5:14

Amu ichiichech chamyetap Kristo; amu kingen ko uu ni, keele kime chiito agenge agobo tugul, nooto anyun ki pek tugul;

EPESOEK 4:18

che imenen eng' nautikwak, che ki kiyai koek kipsagarek eng' saboondap Kamuktaindet, amu perberyo ne mi eng' icheek, amu uuindap mugulelwekwak;

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

KOLOSAIK 2:13

Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

1 TIMOTEO 5:6

Ago ineendet ne suegei ko kagome agot ngo sabei.

1 JOHANA 3:14

Kingen keele kigemang'une meet kemong'ji saboondo, amu ki chame che kitupche. Ineendet ne ma chamei komenyei meet.

NG'ANG'UTYET 3:1

“Ak isirchi malaikaiyatap kaniset ne mi Sardis, ileenji: Mwaei tuguuchu ineendet ne tinyei saboonwek tisap che po Kamuktaindet ak kecheik tisap: Angen poisyoniguk, angen ale itinye kainet keele isabe, ago kaimei.