EPESOEK 1:19 - Bukuit Ne Tilil

¹⁹ ak kiit ne uu ooindo ne siirtoot ne po kamuktaennyi eng' acheek che kiyani, ko uu poisyonooto po kimnateetap kamuktaennyi

BUKUIT NE TILIIL Sireet ne Dutero Kanon

¹⁹ ak kiit ne uu ooindo ne siirtoot ne po kamuktaennyi eng' acheek che kiyani, ko uu poisyonooto po kimnateetap kamuktaennyi

BUKUIT NE TILIL

¹⁹ ak kit ne u oindo ne siirtoot ne bo kamuktaennyi eng’ achek che kiyani, ko u boisionoto bo kimnatetab kamuktaennyi

EPESOEK 1:19 ပူးပေါင်းရင်းမြစ်များ

ISAIAH 53:1

Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

JOHANA 3:6

Ne ki kisich eng' poorto ko poorto; ak ne ki kisich eng' Kabuuset ne Tiliil ko kabuuset.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

2 KORINTOEK 4:7

Ago ki tinyei konorwani eng' tereenik che po kimindeet, si kobiit kobunji Kamuktaindet ooindo ne siirtoot miising' ne po kamuktaet, ago ma acheek;

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

EPESOEK 3:7

che ki kiyaena aek kiboityot, ko uu konunetap myeinooto po Kamuktaindet ne ki kigoono ko uu ye poisyei kamuktaennyi.

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

PILIPIK 2:13

amu Kamuktaindet ne poisyei eng' okweek si omach, ak oboisyee agine, agobo magennyi ne myee.

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

KOLOSAIK 2:12

ko kagetubok kobooto ineendet eng' kabatisanet, ak ki king'eetak eng' nooto kobooto ineendet amu kayaneet eng' yaeet ne yaei Kamuktaindet, ne ki ing'eet ineendet komong' eng' che ki pek.

1 THESSALONIKEK 1:5

keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

2 THESSALONIKEK 1:11

Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.