EPESOEK 1:17 - Bukuit Ne Tilil

¹⁷ ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

BUKUIT NE TILIIL Sireet ne Dutero Kanon

¹⁷ ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

BUKUIT NE TILIL

¹⁷ ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

EPESOEK 1:17 ပူးပေါင်းရင်းမြစ်များ

1 ATEPTAP PEETUUSYEK 29:11

Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.

Kitabuutap JOB 42:5

Ki agasin kityo kibiit; ago ageerin nguno,

TIENWOGIKAL 24:10

Ng'oo Laitoryandani po teegisto? Kamuktaindet ne Toroor ne po lugoosyek, Ineendet Laitoryatap teegisto.

TIENWOGIKAL 24:7

Ong'eet met, okweek kurgotik; ong'eet met, okweek kurgotik che po koigeny, si konyo oriit Laitoryatap teegisto.

TIENWOGIKAL 29:3

Miitei tweguunetap Kamuktaindet ne Toroor nyanjosyek; tulei Kamuktaindetap teegisto, nooto Kamuktaindet ne Toroor, ne mi paragutap peek che chaang'.

KOMONG'U 28:3

Yeityo ing'alaalji tugul che tinyei muguleldo ne po kaguiyet, che ki anyiit kabuusetap ng'omnateet, si konap ngoroik che po Aron si kobiit kitabaan ineendet koboisyeiwo eng' tisiisyet.

KALEWANAIK 18:15

Nyooru naet muguleldap ne utaat; ak cheeng'ei naet `ititap ne ng'oom.

KALEWANAIK 2:5

iguitosi anyun kaiyweisyet ne kiywei Kamuktaindet ne Toroor, ak inyooru naet agobo Kamuktaindet ne Toroor.

ISAIAH 11:2

Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.

JEREMIA 2:11

Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

JEREMIA 9:24

Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

DANIEL 10:1

Ki king'aang'ji Daniel ne ki kiguure Belteshazzar kiy eng' kenyiit ne po somok ko laitorani Cyrus laitoryatap Persia. Ki po iman kioto, ak ki uui miising' kot kesich kaguiyet. Ki iguiyo ng'olyoondonooto, ak konyoor kaguiyetap ng'ang'utyet.

DANIEL 5:11

Miitei chiito eng' pounateng'ung' ne menyei tamirmiryetap kamuktaik che tiliileen. Ki kinyoorchi chiichooto eng' peetuusyegap kwandang'ung' lapkeiyet ak naet ak utaatyet, ne uu utaatyetap kamuktaik. Ki inde `kwandang'ung', Laitoryat Nebukadnezar ineendet koek kiptaiyatap piik che ng'oomen che ng'oorsei, ng'amotigap kecheik, Kaldeik ak chepsogeinik;

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MATAYO 20:33

Kowol kole, “Kiptaiyat, kimache keyatwech konyekyok.”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

LUKA 12:12

amu ineetook Kabuuset ne Tiliil eng' sainooto kiit ne nyolu omwa.

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 16:3

Ak yaei tuguuchu, amu ma nai Kwanda, anan anee.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

POISYONIGAP CHE KIYOKTOI 6:10

Ago ki ma imuuch icheek kogirinda utaatyet ak Kabuuset ne Tiliil ne ki ng'alaale ineendet.

POISYONIGAP CHE KIYOKTOI 7:2

Kowol Stepano kole, “Che kitupche ak kwanisyekyok, ogaso! Ki mong'ji Kamuktaindet ne po toroornatet kwandanyo Abraham, ye ki mi Mesopotamia, kotomo komeny Haran.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 15:6

si kobiit otoroor Kamuktaindet ineendet Kwandap Kiptaiyandennyo Jeso Kristo eng' mageet agenge ak kutit agenge.

1 KORINTOEK 12:8

Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

1 KORINTOEK 14:6

Ago nguno anyun, che kitupche, ngot Anyoonjok ang'alaalee kutusweek, atoretenok nee, ngot koma ng'alaalwok eng' ng'ang'et, anan eng' naet, anan eng' amdaet, anan ko eng' kaneetisyet?

1 KORINTOEK 2:10

Ago king'ang'wech Kamuktaindet eng' Kabuuset ne Tiliil: amu isyachi Kabuuset ne Tiliil tuguuk tugul, agot tuguuk che po oriit che po Kamuktaindet.

1 KORINTOEK 2:8

ne manaei agot agenge eng' pounik che po peetuusyechu: amu nda kiga nai, ta ki ma kogartati Kiptaiyatap toroornatet:

2 KORINTOEK 12:1

Kanyool aloske, agot ngo ma nyolu; ago aityini keersosyek ak ng'ang'utik che po Kiptaiyat.

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

EPESOEK 3:5

ne ki ma kiboorchi weeriigap piik eng' ibinwek alak ko uu ye kageng'aang'ji nguno che kiyooktoi chechiik che tiliileen ak maotik eng' Kabuuset ne Tiliil;

EPESOEK 4:13

agoi keit acheek tugul yamdaetap kayaneet, ak naetap Weeriitap Kamuktaindet, agoi keegu chiito ne pekyinot, agoi kakwaet ne po etunatetap nyiietap Kristo:

PILIPIK 3:15

Nooto anyun, ongibwaat acheek che kigeesunotingei ko uu nooto: ak ngo pwaat kiy ne teer eng' ng'olyoo age tugul, kota kong'ang'wok Kamuktaindet niito agine:

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

TITO 1:1

Paulo, otwogindetap Kamuktaindet, ak kayooktoindet ne po Jeso Kristo, ko uu kayaneetap che ki kilewen che po Kamuktaindet, ak naetap imanit ne namegei ak kayweet ne kiywei Kamuktaindet,

JAKOBO 2:1

Tupchosyekyuk, amonam kayaneetap Kiptaiyandennyo Jeso Kristo, Kiptaiyatap toroornatet, eng' tiytiyetap piik.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

NG'ANG'UTYET 7:12

koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”