DANIEL 9:20 - Bukuit Ne Tilil

²⁰ Ak ye kita ang'alaali, ak asaae ak ang'aanye tengektonyu ak tengektap piikyuk Israel, ak aibe soomennyu kwo taitap Kamuktaindet ne Toroor Kamuktaindennyu agobo tulweet ne tiliil ne po Kamuktaindennyu;

BUKUIT NE TILIL

²⁰ Ak ye kita ang’alali, ak asae, ak ang’anye tengektanyu, ak tengektab bikyuk Israel, ak aibe somennyu kwo taitab Jehovah Kamuktaindennyu agobo tulwet ne tilil ne bo Kamuktaindennyu;

DANIEL 9:20 ပူးပေါင်းရင်းမြစ်များ

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

NEEMIA 1:6

ingoep iit itiiguk ak koyatagis konyeguk, si kobiit igas saaetap otwogindeng'ung' ne asaain eng' saini, peet ak kemoi, agobo piigap Israel otwogiguk, ye ang'aanye tengekwogigap piigap Israel, che kigeyaun. Ee, ki ayai tengekto kobooto kootap kwandanyu.

TIENWOGIKAL 145:18

Neegitee Kamuktaindet ne Toroor icheeget tugul che kuurei ineendet, tugul che kuurei ineendet eng' iman.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

AMDOINDET 7:20

Iman, ma mi chii ne po iman eng' ng'wony, ne yaei ne myee ama yaei tengekto.

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 58:9

Yeityo anyun iguurse, ak kowolun Kamuktaindet ne Toroor; iguure, ak kole, Ami yu. Ngot iiste chogit eng' kwenung'ung', kang'wererisyet, ak ng'alaalet ne ya;

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

ISAIAH 65:24

Ak ye tomo koguurso, awolu; ak ye ta kong'alaali, agas.

DANIEL 10:12

Koleenjo anyun, “Meiywei, Daniel; amu kobooch peetuut ne po tai ye ki imach iguiye eng' muguleldang'ung', ak iming'inge eng' taitap Kamuktaindeng'ung', ko ki kigasun ng'aleeguk; ak kanyo amu ng'aleeguk.

DANIEL 10:2

Ki ariir anee Daniel eng' kasarato, wigisyek somok che nyiitootiin.

DANIEL 11:45

Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

DANIEL 9:16

Ee Kiptaiyat, asaain ale ko uu eng' imandang'ung' tugul ko ingoistoegei nereegeguk ak nereegeguk che ng'woneen, nganaseng'ung' Jerusalem, tulweeng'ung' ne tiliil; amu tengekwogikyok ak amu yaitwogigap kwanisyekyok ko ki koek Jerusalem kobooto piiguk che kichotei eng' tugul che miitei komoswek tugul.

SEKARIA 8:3

Mwaei Kamuktaindet ne Toroor kole: Kaaweekyigei Zion, ak ameny kwenutap Jerusalem: ak keguure Jerusalem ‘Nganaseet ne po iman’; ak keguure tulweetap Kamuktaindet ne Toroor ne po lugoosyek, ‘Tulweet ne tiliil.’

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

ROMANIK 3:23

amu ki koyai tugul tengek, ama ityin toroornatetap Kamuktaindet;

JAKOBO 3:2

Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

NG'ANG'UTYET 21:10

Ak ki imuta eng' Kabuuset ne Tiliil agoi tulweet ne oo ak ko kooi, ak ki iboorwo nganaseet ne tiliil Jerusalem, kochoorugei eng' kipsengwet kobunu Kamuktaindet,

NG'ANG'UTYET 21:2

Ki ageer nganaseet ne tiliil, Jerusalem ne leel, kochoorugei eng' kipsengwet kobunu Kamuktaindet, ko kagechop ko uu murereet ne kagelelesonjinechi manong'otyondennyi.