DANIEL 8:24 - Bukuit Ne Tilil

²⁴ Ak tesaksei kimnateennyi, ago ma eng' kimnateennyi; ak kong'emis ne kikwong'ee, ak konyoor poroteet ak koyai ko uu ye machei. Ak kong'em ineendet che nyigoonen ak piik che tiliileen.

BUKUIT NE TILIL

²⁴ Ak tesoksei kimnatennyi, ago ma eng’ kimnatennyi; ak kong’emis ne kikwong’e, ak konyor borotet ak koyai ko u ye machei: ak kong’em che nyigonen ak bik che tililen.

DANIEL 8:24 ပူးပေါင်းရင်းမြစ်များ

TIENWOGIKAL 37:35

Ki ageer kiptengekyot ne tinyei pounateet ne oo, ak kotuneni ko uu keetit ne tuon ne piitei eng' emennyi.

DANIEL 11:23

Ak ye kagobata kasyinet, ko tuun togosu kobois eng' ng'aalset ak kogimiit kobooto piik che ng'ering'.

DANIEL 12:7

Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 7:25

Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

DANIEL 8:10

Ki eet miising' kot koit ole mi lugeetap kipsengwet. Ki turur kuinonooto alak che po lugeet kobooto alak eng' kecheik, ak kotyechatyech.

DANIEL 8:11

Ee ki ieetkei kot koit ole mi pounindetap lugeet; ak koistoe ineendet kagoochinet ne kibeelei ne po kotugul, ak ki kibut oldanyi ne tiliil.

DANIEL 8:12

Ak ki kigoochi ineendet lugeet kobooto kagoochinet ne kibeelei ne po kotugul amu pistoet. Ki wiirchi ng'wony imanda, ak ki yai ko uu ye ki mach ak konyoor poroteet.

DANIEL 8:23

Ak eng' peetuusyek che po let che po pounatennywa, ye kagoyam pistoetap pistoik, kobiit laitoryat ne tong'oony togoch, ne iguitos ng'aleek che ung'ootiin.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 17:17

Amu ki inde Kamuktaindet mugulelwekwak koyai ko uu ye ibwaati, ak kosich tugul kabwaatet agenge, ak kogoochi tyondo laitornatennywa, agoi kosulda ng'aleegap Kamuktaindet.

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.

NG'ANG'UTYET 19:2

amu po iman ak ko po imanda kirwoogutikyik; amu kagorwookyi chepkugoniot ne oo, ne ki imurwon ng'wony eng' soksennyi, ak kagoyaakta mugetuut ne po korotiigap otwogikyik eng' eutap kwonyooto.”