DANIEL 7:28 - Bukuit Ne Tilil

²⁸ Igesunegei yuto ng'olyoondonooto. Ki iima miising' kabwaatutikyuk, anee Daniel, ak ki walak togeennyu; ago ki agonoree muguleldanyu ng'olyoondonooto.

BUKUIT NE TILIL

²⁸ Igesunegei yuto ng’olyondonoto. Kiima mising’ kabwatutikyuk, ane Daniel, ak kiwalak togennyu: ago kiagonore muguleldanyu ng’olyondonoto.

DANIEL 7:28 ပူးပေါင်းရင်းမြစ်များ

TAUNET 37:10

Ago ye ki mwachi kwandanyi ak weeriik che tupcho, ko ki kergong' kwandanyi ineendet ak koteebe koleenji, “Nee karwotitaoni koirwotyi? Tos king'uruukyin agoi ng'wony iman agot anee ak kamenng'ung' ak tupchosyeguk?”

TAUNET 37:11

Ki am ng'et kong' anyun tupchosyekyik agobo ineendet, ago kigonor kwandanyi ng'olyoondonooto eng' muguleldanyi.

DANIEL 10:16

Ak ogeero, ki twa kutinnyu age ne kergei ak weeriigap piik, ayaat kutinnyu anyun ang'alaal, ak aleenji ineendet ne ki tonon eng' tainnyu, “Ee kiptaiyandennyu, kagobwanjo aragenosyekyuk amu ng'ang'utyet, ak ma atinyei kimnon.

DANIEL 10:8

Ki ang'etu anyun aneegei, ak ki ageer ng'ang'utyonooto oo. Ki ma kota atinye kimnateet, ak ki walak karaaranindanyu kong'emak, ak ki ang'etu koma tinyei kimnon.

DANIEL 11:27

Ak che uu laitorinichuuto tuwai, ko tuun tokyingei mugulelwekwak koyai yaityet, tuun tebyei eng' meset agenge ak komwaei lembechek. Ago maborei; amu ta koitu kagesunet eng' peetuut ne ki king'at.

DANIEL 12:13

Ago ui inyee oldang'ung' agoi koit kagesunet: amu imuunyi, ak tuun itononi eng' komostang'ung', eng' kagesunetap peetuusyechooto.

DANIEL 12:9

Ki le ineendet, ui inyee Daniel, amu kagituch ng'aleechuuto ak keng'och kot koit peetuusyek che po kagesunet.

DANIEL 4:16

Ingowalak naennyi si ma igei ne po chii, ak ingigoochi ineendet naet ne po tyondo. Ak ingotep ko uu nooto kot kogeskei peetuusyek che ki king'at, konyil tisap.

DANIEL 4:19

Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

DANIEL 5:6

Kowalak anyun togeetap laitoryat, ak koim ineendet kabwaatutikyik. Ki irigisiis ole tuiyechin kawegap suennyi ak kobirgei kutung'oikyik.

DANIEL 7:15

Ago ki aragen anee Daniel eng' saboondanyu, ak ki ima ng'ang'utik che ki pwa metinnyu.

DANIEL 8:1

Ki nyoonjo anee Daniel, ng'ang'utyet ne uu ne kiga ageer eng' tai eng' kenyiit ne po somok ne po laitoryat Belshazzar.

DANIEL 8:17

Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

DANIEL 8:19

Ak ki le, keero, aboorun inai tuguuk che tuun piitu let che po nereegek; amu po ng'ang'utyonooto peetuut ne ki king'at ne po let.

DANIEL 8:27

Ara ki atanui anee Daniel, amyan peetuusyo; ye ibata, ang'eet ak ayai poisyetap laitoryat. Ago ki akwong'ee ng'ang'utyonooto ak ma piit chii ne ki iguiyo.

MARIKO 9:15

Ye kingo keer tuiyet komugul ineendet, kokwong'yo miising', ak korwai ole mi, kogat.

LUKA 2:19

Ago ki riip Maria ng'aleechooto tugul, kobwaatoti eng' muguleldanyi.

LUKA 2:51

Ki choorgei anyun kobooto icheeget, ak kiit Nazareth; ak kigase iit icheek: ak kigonor kamet ng'aleechooto tugul eng' muguleldanyi.

LUKA 9:44

“Ongochut ng'aleechu iitiikwok: amu tuun kigoitoi Weeriitap chii kwo eunegap piik.”