DANIEL 7:27 - Bukuit Ne Tilil

²⁷ Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

BUKUIT NE TILIL

²⁷ Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

DANIEL 7:27 ပူးပေါင်းရင်းမြစ်များ

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 72:11

Ee, ibutyin keelyekyik laitorinik tugul: Otei ineendet pororyosyek tugul.

TIENWOGIKAL 86:9

Tuun pwoonei pororyosyek tugul che ki iyae Ak kogutung'so eng' taing'ung', ee Kiptaiyat; Ak kotoroor icheek kaineng'ung'.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 54:3

Amu inaktoi komostap eutap tai ak ne po kaataam; ak konyaban iyoteng'ung' pororyosyek, ak kogoochi kemeny kogeny nganasook che kiga kelakta.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 4:34

Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

DANIEL 6:26

Ang'ate ng'atuutyet ale ingobotanso piik che mi pounatetap laitornatennyu ak koiyweis eng' taitap Kamuktaindetap Daniel: Amu ineendet ko Kamuktaindet ne sabei, ak kotebyei koigeny. Laitornatennyi koma king'emei, ak pounatennyi koma mi ole igeesunegei.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:18

Ago tuun taachei pounateet piik che tiliileen che po Ineendet Ne Toroor Miising', ak konam pounateet kobunji icheek koigeny ak koigeny.

DANIEL 7:22

agoi konyo Ineendet ne po Keny, ak korwooch agobo piik che tiliileen che po Ineendet Ne Toroor Miising', ak koit peetuut ne punjin pounateet piik che tiliileen.

OBADIA 1:21

Ak togosu `saruunik tulweetap Zion korwookyi tulweetap Esau; ak kobunji pounateet `Kamuktaindet ne Toroor.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

LUKA 1:33

ak tuun laitorane kootap Jakobo koigeny; punjin laitornatennyi koigeny.”

JOHANA 12:34

Ki wolji anyun tuiyet ineendet, koleenji, “Kigegas eng' Ng'atuutik keele tebyei Kristo koigeny. Teptoi ano anyun si imwa ile, kanyool keuito Weeriitap chii? Ng'oo Weerooto po chii?”

1 KORINTOEK 15:24

Ye ibata koit anyun let, ye tuun igoito ineendet pounateet kogoochi Kamuktaindet, ineendet Kwanda; ye tuun kagowong' pounateet tugul ak kimnateet tugul ak kamuktaet.

NG'ANG'UTYET 11:1

Ak ki kigoono tegat ne uu kirokto: ak ki leenjo age, Ng'eet, ak ikwa hekaluutap Kamuktaindet, ak kapkorosuut, kobooto icheeget che saaei eng' olooto.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.