DANIEL 6:24 - Bukuit Ne Tilil

²⁴ Ki ng'at laitoryat ng'atuutyet, ak ki kimut pichooto ki itaami Daniel, ak kewiirchi icheek keriingetap ng'etuunyik, icheeget kobooto lagokwak ak osotikwak. Ak kotom koit keriinget oriit ko kital ng'etuunyik icheek ak kotonaton kawekwak.

BUKUIT NE TILIL

²⁴ Ak king’at laitoriat ng’atutiet, ak kigimut bichoto kiitaami Daniel, ak kewirji ichek keringetab ng’etunyik, icheget koboto lagokwak, ak osotikwak; ak kital ng’etunyik ichek, ak kotonaton kowekwak tugul kotom koit keringet orit.

DANIEL 6:24 ပူးပေါင်းရင်းမြစ်များ

2 LAITORINIK 14:6

Ago ma par lagogap rumichooto, ko uu ye ki kisir eng' bukuitap Ng'atuutyetap Musa, ko uu ye ki ng'at Kamuktaindet ne Toroor, kole: “Ma kibarei kwanisyek amu lagok, anan kebar lagok amu kwanisyek; ago ki parei chii age tugul agobo tengektanyi.”

ESTA 7:10

Ki igartaat anyun `pichooto Haman eng' keetit ne kiga kochopchi `ineendet Mordekai. Kosiisyo anyun nereegegap laitoryat.

ESTA 9:10

weeriichooto taman ki po Haman weeriitap Hamedata, puunyootap Yahudik. Ago ma twa icheek tuguukwak.

ESTA 9:25

Ago ye kingo it ng'olyoondonooto taitap laitoryat, kong'at eng' paronok kole koweekyigei metinnyi sogornatennyi ne kiga kochop agobo Yahudik, ak kole kigartati ineendet ak weeriikyik eng' keetit ne kigartate piik.

TIENWOGIKAL 54:5

Yaakyin `inee yaityet puunikyuk; eng' imaning'ung', ing'em icheek.

KALEWANAIK 11:8

Kisaru ne po iman komong' eng' nyalilda, ak nyoonjin `kiptengekyot nyalilaata.

KALEWANAIK 19:9

Ma kimetoi paoryatap lembech ama kibir; ak lusei ineendet ne mwaei lembechek.

ISAIAH 38:13

Ki asiis kot koeech; iirye kawekyuk tugul ko uu ng'etundo; iigeswa kobooch peet agoi kemoi.

JEREMIA 34:17

Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

DANIEL 3:22

Ki par anyun liplibenetap maata pichooto ki namei Shadrak, Meshak ak Abed-nego, amu ki koroom ng'atuutyetap laitoryat ak ki lalei maata oo miising'.

NG'ATUTIK 24:16

“Ma kibarei kwanisyek amu lagok anan kebar lagok amu kwanisyek. Ago ki parei chii age tugul ineegei agobo tengektanyi.”