DANIEL 6:20 - Bukuit Ne Tilil

²⁰ Kingo riikta anyun keriinget ole mi Daniel, kowaach laitoryat eng' arageneet kole “Ee Daniel, otwogindetap Kamuktaindet ne sabei, tos imuuchi Kamuktaindeng'ung' ne iote kotugul kosarun eng' ng'etuunyik?”

BUKUIT NE TILIL

²⁰ Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

DANIEL 6:20 ပူးပေါင်းရင်းမြစ်များ

TAUNET 18:14

Tos mi kiy age tugul ne temenee Kamuktaindet ne Toroor? Aweekyiningei peetuusyek che uu chu eng' kenyiit ne nyoonei, eng' peetuut ne kaachop, ak sichei `Sarah weeriit.”

1 ATEPTAP PEETUUSYEK 16:11

Ocheeng' Kamuktaindet ne Toroor ak kimnateennyi; ocheeng' togeennyi kotugul.

TIENWOGIKAL 119:112

Ki atokyi muguleldanyu ale ayai ng'atuutiguk, koigeny, agoi koit kagesunet.

TIENWOGIKAL 146:2

Alasu Kamuktaindet ne Toroor kota asabe; atyenjini Kamuktaindennyu kalasunoik kotee asabe.

TIENWOGIKAL 73:23

Agot nga uu nooto ami kobooten kotugul: Ki inam eunnyu ne po tai.

JEREMIA 32:17

Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

DANIEL 3:15

Ngot ochoboge anyun eng' sait ne kogas cheetap igoondit, ndurerut, ketubet, chepkesemit, kibugandet ak ndurerut ne oo, kobooto tyenwogik alak tugul, obutyi ng'wony ak olasu kanamwet ne koayai, komyeeitu. Ago ngot ko molasu, kewiirchinok maat ne oo ne lalei miising' eng' sainooto. Ng'oo kamuktain ne tos sarwok eng' eunnyu?”

DANIEL 3:17

Ngot ko uu nooto, komuuchi Kamuktaindennyo ne keote kosarwech eng' maat ne oo ne lalei miising'; ak kosarwech ineendet eng' eung'ung', ee laitoryat.

DANIEL 6:16

Ki ng'atiis anyun laitoryat, ak ki kimut Daniel ak kewiirchi keriingetap ng'etuunyik. Ki ng'alaalji `laitoryat Daniel koleenji, “Saruun Kamuktaindeng'ung' ne iote kotugul.”

DANIEL 6:19

Ki ng'eet anyun laitoryat karon miising', ak kwo kochaakta ole mi keriingetap ng'etuunyik.

DANIEL 6:26

Ang'ate ng'atuutyet ale ingobotanso piik che mi pounatetap laitornatennyu ak koiyweis eng' taitap Kamuktaindetap Daniel: Amu ineendet ko Kamuktaindet ne sabei, ak kotebyei koigeny. Laitornatennyi koma king'emei, ak pounatennyi koma mi ole igeesunegei.

DANIEL 6:27

Ityachi ak kosaru, yaei kaboorunoik ak kwang'utik eng' kipsengwet ak ng'wony; ineendet ne kogosar Daniel eng' kimnateetap ng'etuunyik.”

HOSEA 12:6

Iweekyigei anyun Kamuktaindeng'ung': riip rireenet ak kirwooget, ak igen Kamuktaindeng'ung' kotugul.

KAITOSYEK 11:23

Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

LUKA 1:37

Amu ma mi ng'olyoo ne punu Kamuktaindet ne ma kiim.”

LUKA 18:1

Ki mwachi anyun kalewenet kole, Kanyool kosa peetuusyek tugul, amat chorirenso;

POISYONIGAP CHE KIYOKTOI 6:4

Ago si ki kiiljige acheek saaet, ak kaneetisyetap ng'olyoot.”

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

2 KORINTOEK 1:10

ne kisarwech eng' meet ne oo ne tee ni, ak ta kosarwech: ne kimang'u keele ta ko sarwech kogeny;

KOLOSAIK 4:2

Ogiiligei kotugul eng' saaet, oriipsei eng' nooto kobooto kongoi;

2 TIMOTEO 1:12

Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

JAKOBO 1:25

Ago ineendet ne isyachi ng'atuutyet ne ititaat, ne po katyaknateet, ak koteptoi, amaek kasindet ne utye, ago yaindet ne poisyei, kiberuuri chiichito eng' poisyennyi.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,