DANIEL 3:28 - Bukuit Ne Tilil

²⁸ Kong'alaal anyun Nebukadnezar komwa kole iberuurot Kamuktaindetap Shadrak, Meshak ak Abed-nego, ne kagoyok malaikaiyandennyi ak kosar otwogikyik che koimang'u ineendet. Kogobistoe `icheek ng'olyootap laitoryat, ak kogoito poorwekwak si ma oot anan kolas kamuktain age tugul kobatee Kamuktaindennywa ineegei.

BUKUIT NE TILIL

²⁸ Kong’alal anyun Nebukadnesar komwa kole, Iberurot Kamuktaindetab Sadrak, Mesak, ak Abed-nego, ne kagoyok malaikaiyandennyi kosor otwogikyik che koimang’u inendet, ak kagowal ng’olyotab laitoriat, ak kogoito borwekwak si maot anan kolos cheptalelit age tugul kobate Kamuktaindenywa inegei.

DANIEL 3:28 ပူးပေါင်းရင်းမြစ်များ

TAUNET 9:26

Ak ki le, “Ingoberuurok Shem eng' Kamuktaindet ne Toroor, ak ingoek Kanaan otwogindennyi.

1 ATEPTAP PEETUUSYEK 5:20

Ki kitoret kobargei ak icheeget, ak ki kinde Hagrik eunekwak, kobooto tugul che ki mi kobooto pichooto, amu ki riirchi Kamuktaindet komi lugeet, ak ki kas riirekwak, amu ki imang' ineendet.

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

2 ATEPTAP PEETUUSYEK 32:21

Ak ki iyookto `Kamuktaindet ne Toroor malaikaiyat ne ki par murenik tugul che kiimeen che nyigoonen ak kandoik ak kiptainik eng' nganaseet ne po laitoryatap Assyria. Ki week anyun ineendet eng' kalilanet kwo emennyi. Kingo it kootap kanamwennyi, kobar lagokyik ineendet eng' yooto eng' rotwetap chok.

EZRAH 1:3

Ingotogosta Jerusalem ne mi Judah age tugul eng' okweek che oo piikyik, ak ingotep Kamuktaindennyi kobooto ineendet. Ingwo koteekyi koot Kamuktaindet ne Toroor, Kamuktaindetap Israel (ineendet ko Kamuktaindet) ne mi Jerusalem.

EZRAH 6:11

Kang'at kogeny ale, chii age tugul ne walei ng'olyoondoniito ko ingeng'us pambaniat eng' koonnyi ak keganapchi ineendet ak keratyi keetoto ak keyai koonnyi koek kapng'atat agobo niito.

TIENWOGIKAL 103:20

Olasu Kamuktaindet ne Toroor, okweek malaikaisyekyik; okweek che oo kiimeen eng' kamuktaet, che osuldoi ng'olyoondennyi, che oepchini iit tuugeetap ng'olyoondennyi.

TIENWOGIKAL 147:11

ago paibai Kamuktaindet ne Toroor eng' icheek che iywei ineendet, eng' icheeget che imang'u rireenennyi.

TIENWOGIKAL 33:18

Ogeero, keerei konyegap `Kamuktaindet ne Toroor icheek che iywei ineendet, icheeget che igeni rireenennyi,

TIENWOGIKAL 33:21

Ee poiboitu mugulelwekyok eng' ineendet, amu ki kimang'u kainennyi ne tiliil.

TIENWOGIKAL 34:22

Ityachi Kamuktaindet ne Toroor saboonwegap kiboitiinikyik; ak ma kirwookyin agot agenge ne imang'u ineendet.

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 37:36

Ak kimanda malaikaiyatap Kamuktaindet ne Toroor, ak kobar piik eliphuusyek pogol ak tamanwogik sisiit ak muut eng' nganaseetap piigap Assyria: ak kingo ng'eetyo piik karon, ogeero, kimuuswek tugul, che kogobek.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

DANIEL 2:47

Kowolji `laitoryat Daniel koleenji, “Iman, Kamuktaindeng'wong' ko Kamuktaindet ne pou kamuktaik, ak ko Kiptaiyatap laitorinik ak ng'ang'indetap ung'ootik, amu kaimuuch ing'aany ung'ootyoni.”

DANIEL 3:25

Kowolji `ineendet icheek koleenji, “Ogeero, ageere piik ang'wan che ityagotiin, kobendoti eng' ma, ama am kiy; ak kergei itondap ne po ang'wan ak weeriitap kamuktaik.”

DANIEL 4:34

Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

DANIEL 6:16

Ki ng'atiis anyun laitoryat, ak ki kimut Daniel ak kewiirchi keriingetap ng'etuunyik. Ki ng'alaalji `laitoryat Daniel koleenji, “Saruun Kamuktaindeng'ung' ne iote kotugul.”

DANIEL 6:26

Ang'ate ng'atuutyet ale ingobotanso piik che mi pounatetap laitornatennyu ak koiyweis eng' taitap Kamuktaindetap Daniel: Amu ineendet ko Kamuktaindet ne sabei, ak kotebyei koigeny. Laitornatennyi koma king'emei, ak pounatennyi koma mi ole igeesunegei.

MATAYO 4:10

Ki leenji Jeso anyun, “Istegei, Setani; amu siraat kole, ‘Ilasu Kiptaiyat Kamuktaindeng'ung', ak iboisyechi ineendet ineegei.’ ”

POISYONIGAP CHE KIYOKTOI 4:19

Ago ki wolji `Petero ak `Johana icheek koleenji, “Orwooch okweek ngot ngo myee eng' taitap Kamuktaindet kegasak iit kosiir Kamuktaindet.

POISYONIGAP CHE KIYOKTOI 5:19

Ago ki yaat malaikaiyatap Kiptaiyat kurgotigap korgoreet kemoi ak komut icheek komong' saang', ak koleenji,

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

1 KORINTOEK 13:3

Ak ngot agoite tuguukyuk tugul abae kibananook, ak ndagoite poortanyu kebeel, ago ma tinye chamyet, ko magelwo kiy.

PILIPIK 1:20

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 11:37

ki kilach eng' koik, ki kimurmure musumenosyek, ki kiyoom, ki kibare rotwetap chok: ki ilaagoti ngoroigap keechiirek, ak che po ng'oroorek, kobonondos, ki kinyalili, keyachin ne ya

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

NG'ANG'UTYET 12:11

Ak ki iterteer `icheek ineendet amu korotiigap Aarwet, ak amu ng'olyootap paornatennywa; ama cham saboonwekwak agoi meet.