DANIEL 3:18 - Bukuit Ne Tilil

¹⁸ Ago ngot koma uu nooto, ko kanyool inai inyee, ee laitoryat ile ma kiote kamuktaiguk anan kilasu kanamwetap thahabu ne koilumde.”

BUKUIT NE TILIL

¹⁸ Ago ngot ko ma u noto, ko kanyol inai inye, ee laitoriandani ile, magiote cheptalelisieguk, anan kilosu kanamwetab tahabu ne koilumde.

DANIEL 3:18 ပူးပေါင်းရင်းမြစ်များ

1 LAITORINIK 19:14

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindet ne Toroor ne po lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee aneege, ak nguno ko cheeng'ei icheek saboondanyu kobar.”

1 LAITORINIK 19:18

Ago atuukyinigei eliphuusyek tisap eng' Israel, kutung'oik tugul che tomo kogutung'ji Baal, ak kutit age tugul ne tomo kong'utut ineendet.”

Kitabuutap JOB 13:15

Agot ngo para, kota ageni ineendet: ago agimiiti ortinwekyuk eng' tainnyi.

KALEWANAIK 28:1

Mweei kiptengekyot ye maonei chii, ago nyigoonen che po iman ko uu ng'etundo.

DANIEL 3:28

Kong'alaal anyun Nebukadnezar komwa kole iberuurot Kamuktaindetap Shadrak, Meshak ak Abed-nego, ne kagoyok malaikaiyandennyi ak kosar otwogikyik che koimang'u ineendet. Kogobistoe `icheek ng'olyootap laitoryat, ak kogoito poorwekwak si ma oot anan kolas kamuktain age tugul kobatee Kamuktaindennywa ineegei.

ATEPTAP LAWIK 19:4

Amat omaste osup tuguuk che ma tilei kiy, amoyachigei kanamonik che po kariik che kitaanyi. Aa Kamuktaindet ne Toroor Kamuktaindeng'wong'.

MATAYO 10:28

Amoiywei icheek che parei poorto ago ma imuuchi kobar saboondo; ago kaigai oiywei ineendet ne imuuchi kong'em saboondo kobooto poorto eng' Gehenna.

MATAYO 10:39

Ineendet ne riibei saboondanyi kobeeti; ak ineendet ne ibeeti saboondanyi agobo anee ko tuun nyooru.

MATAYO 16:2

Ago ki wolji icheeget koleenji, “Ngo ek koskoleny, omwae oleen, ‘Moeni mutai, amu piriir parak,’

POISYONIGAP CHE KIYOKTOI 4:19

Ago ki wolji `Petero ak `Johana icheek koleenji, “Orwooch okweek ngot ngo myee eng' taitap Kamuktaindet kegasak iit kosiir Kamuktaindet.

HEBRANIK 11:25

kolewen keyachi ne ya kobooto piigap Kamuktaindet, kosiir kobaibaegei poiboiosyegap tengekto che po peetuusyek che matya;

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

NG'ANG'UTYET 12:11

Ak ki iterteer `icheek ineendet amu korotiigap Aarwet, ak amu ng'olyootap paornatennywa; ama cham saboonwekwak agoi meet.