DANIEL 2:20 - Bukuit Ne Tilil

²⁰ komwa kole, “Iberuurot kainetap Kamuktaindet koigeny ak koigeny, amu nenyi utaatyet ak kamuktaet.

BUKUIT NE TILIL

²⁰ Kiwol Daniel kole, Iberurot kainetab Kamuktaindet koigeny ak koigeny: amu nenyi ng’omnatet ak kamuktaet:

DANIEL 2:20 ပူးပေါင်းရင်းမြစ်များ

TAUNET 14:20

Ingoberuurok Kamuktaindet Ne Toroor Miising', ne kaimut ak konde puuniguk euneguk!” Ak ki igoochi `Abram Melkisedek kebeberta ne po taman ne po kiy tugul.

1 LAITORINIK 8:56

“Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

2 ATEPTAP PEETUUSYEK 20:21

Kingo kagong'alaal ak piik, kolewen che tyenjin Kamuktaindet ne Toroor, ak kolasu ineendet eng' karaaranindap tiliilindo, komandoi kondoe lugeet, koleen, “Oweekyi Kamuktaindet ne Toroor kongoi, amu po koigeny rireenennyi.”

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

Kitabuutap JOB 12:13

Mi utaatyet ak kamuktaet kobooto ineendet; tinyei kirwooget ak naet.

TIENWOGIKAL 113:1

Olasu Kamuktaindet ne Toroor! Olasu, okweek che oboisyechini Kamuktaindet ne Toroor, olasu kainetap Kamuktaindet ne Toroor.

TIENWOGIKAL 113:2

Iberuurot kainetap Kamuktaindet ne Toroor kobooch nguno agoi koigeny.

TIENWOGIKAL 115:18

Ago kilasu acheek Kamuktaindet ne Toroor kobooch nguno agoi koigeny. Olasu Kamuktaindet ne Toroor!

TIENWOGIKAL 147:5

Oo Kiptaiyandennyo, ak tinyei kimnateet ne oo kosiir; ma kimuuchi ketet ng'omnatennyi.

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

TIENWOGIKAL 50:23

Age tugul ne igoitoi korosyotap kongoi ko nooto ne iloswa; ak ineendet ne chobei atebeennyi komyee aboorchini yetunetap Kamuktaindet.”

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

KALEWANAIK 8:14

Nenyu kirwooget ak utaatyet ne ititaat. Atinye naet ak atinye kamuget.

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

EZEKIEL 28:3

keero, ii ng'oom isiir Daniel; ma mi ung'ootyet ne imuuchi icheek koung'enen:

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

NG'ANG'UTYET 5:12

komwaei eng' kutit ne oo kole: “Nyoljin Aarwet ne ki kibar konyoor kimnateet, ak mogornatosyek ak utaatyet, ak kamuktaet, ak teegisto, ak toroornatet ak kaberuret.”