DANIEL 11:45 - Bukuit Ne Tilil

⁴⁵ Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

BUKUIT NE TILIL

⁴⁵ Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

DANIEL 11:45 ပူးပေါင်းရင်းမြစ်များ

TIENWOGIKAL 48:2

Mi tulweetap Zion ole karaaran ak ole tagunoot niito poiboindap ng'wony komugul, tokyingei murot kaataam, nganaseetap Laitoryat ne oo.

ISAIAH 10:12

Nooto anyun ye tuun kagoyai Kiptaiyat poisyennyi komugul eng' tulweetap Zion ak eng' Jerusalem, abir anyun logoegap menoteetap muguleldo ne po laitoryatap Assyria, ak toroornatetap kachaunennyi pogei.

ISAIAH 11:9

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

ISAIAH 14:13

Ki imwa eng' muguleldang'ung' ile, “Atogostoi kipsengwet, atoroori ng'echerennyu ne po laitornatet kosiir kecheigap Kamuktaindet; atebee tulweetap tuiyet, eng' komoswek che looen che po murot kaataam.

ISAIAH 2:2

Kimitu eng' peetuusyek che po let, tulweetap kootap Kamuktaindet ne Toroor eng' tuloonook parak, ak kitoroori kosiir tuloonook che mengeechen; ak tuun pwaanjin olooto pororyosyek tugul.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 65:25

Ageti suiyot ak aarwetap keechiir, ak koam ng'etundo susweek ko uu teta: ak koek ng'ung'unyek amitwogigap ereneet. Ma itoi kiy chii anan kong'emis eng' tulweennyu tugul ne tiliil, mwaei Kamuktaindet ne Toroor.

ISAIAH 66:20

Ak komut tupchosyekwok tugul komang'une pororyosyek tugul koek kagoochinet eng' Kamuktaindet ne Toroor, kobunu paraisisyek, ak kariisyek, ak chepkichutit, ak eng' nyumbusyek, ak tambeesik, kobwa tulweennyu ne tiliil Jerusalem, mwaei Kamuktaindet ne Toroor, ko uu ye ibu lagogap Israel kagoochinennywa eng' tereet ne tiliil konyo kootap Kamuktaindet ne Toroor.

EZEKIEL 39:2

ak awelelin, ak areun, ak amutun itogosu eng' tabanwek che looen che po murot kaataam; ak amutun inyoo tuloonoogap Israel:

DANIEL 11:16

Ago ineendet ne nyoonei kobaregei ak chiichooto koyaei ko uu ne machei, ama piitu chii ne imuuchi kotonon eng' tainnyi. Ak kotonon ineendet eng' emet ne karaaran miising', ak mi yooto tugul eunnyi.

DANIEL 11:41

Wendi ineendet kogeny emet ne karaaran, ak kigabui emotinwek che chaang', ago kisaru Edom, Moab ak chu eecheen che po lagogap Ammon eng' eunnyi.

DANIEL 11:44

Ago iimi ineendet ng'aleek che punu kong'asiis ak che punu murot kaataam; ak kwo eng' nereegek che ng'woneen che eecheen kwo kong'emis ak kobar che chaang'.

DANIEL 2:35

Ki tonogis anyun tugul; kariik, meneet, sugunwet, fedha, ak thahabu ak koigei meteteegap rwanyut ne kiboorsee ak koip usoonet kot ko mata kenyoorchi ui. Ki ek tulweet ne oo koyato kotuei kanamwet ak konyi emet komugul.

DANIEL 7:26

Ago ki chobei kirwooget, ak kerebe pounatennyi, si kogees ak kong'em agoi kagesunet.

DANIEL 8:25

Eng' ng'aalsennyi, kogoochi `ineendet kaberberisyet konyoor poroteet, ak koeetkei eng' muguleldanyi. Ak kong'em che chaang' komi kalyennywa, ak koborye pounindetap pounik, ak ilei ineegei ama twa chii.

DANIEL 9:16

Ee Kiptaiyat, asaain ale ko uu eng' imandang'ung' tugul ko ingoistoegei nereegeguk ak nereegeguk che ng'woneen, nganaseng'ung' Jerusalem, tulweeng'ung' ne tiliil; amu tengekwogikyok ak amu yaitwogigap kwanisyekyok ko ki koek Jerusalem kobooto piiguk che kichotei eng' tugul che miitei komoswek tugul.

DANIEL 9:20

Ak ye kita ang'alaali, ak asaae ak ang'aanye tengektonyu ak tengektap piikyuk Israel, ak aibe soomennyu kwo taitap Kamuktaindet ne Toroor Kamuktaindennyu agobo tulweet ne tiliil ne po Kamuktaindennyu;

JOEL 2:20

ago aistoi kolooit eng' okweek lugeet ne punu murot kaataam, ak aoone kwo emet ne ong'ateet ak ko surkwen, pendi che indoi kotokyingei nyanjetap Mediterenian ne mi kong'asiis, kobendi che letu nyanjet ne mi cherongo; ak kobul, ak kong'u ne samis, amu kogoyai tuguuk che eecheen.

MIKAH 4:2

Ak pendi pororyosyek che chaang' ak komwa kole: “Obwa, ketogoste tulweetap Kamuktaindet ne Toroor, ak keebe kootap Kiptaiyat Kamuktaindetap Jakobo; si koneetech ortinwekyik, ak kebendatee ortinwekyik.” Amu mang'une ng'atuutik Zion, ak komang'une ng'olyootap Kamuktaindet ne Toroor Jerusalem.

SEKARIA 14:8

Ak tuun mang'une peek che saptos Jerusalem eng' peetuunooto; pendi kebeberta age kotokyingei nyanjetap Mediterenian ne mi kong'asiis, kobendi kebeberta age kotokyingei nyanjet ne mi cherongo: pendi ko uu nooto eng' kemei ak iwot.

KAITOSYEK 34:5

Yeityo koweigei kiwateet kong'etee Asmon agoi kererutap Misiri ak koboochit kiwotosyekyik Nyanjet ne po Mediterenian.

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

NG'ANG'UTYET 13:10

Ngo luulis chii, keluulei ineendet: ngo paris chii eng' rotwetap chok, kobare ineendet rotwetap chok matiny. Mi yu muitaet ak kayaneetap piik che tiliileen.

NG'ANG'UTYET 20:2

Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,

NG'ANG'UTYET 20:9

Ak kotogosta koyom ng'wony ak koyiem ye mi che tiliileen, ak nganaseet ne chamat; ak ki choorgei maat eng' kipsengwet, ak kobeel icheek.