DANIEL 11:36 - Bukuit Ne Tilil

³⁶ Ak koyai laitoryat ko uu ye machei. Itorooregei ak koeetegei kosiir kamuktain age tugul, ak komwa tuguuk che kikwong'ee agobo Kamuktaindet ne pou kamuktaik. Nyooru ineendet poroteet kot kosulda nereegek, amu agoi keyaei nooto ki keng'at.

BUKUIT NE TILIL

³⁶ Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 11:36 ပူးပေါင်းရင်းမြစ်များ

TIENWOGIKAL 136:2

Ee oweekyi kongoi Kamuktaindet ne pou kamuktaik; amu tebyei rireenennyi koigeny.

TIENWOGIKAL 33:10

Walei Kamuktaindet ne Toroor ruchinaigap pororyosyek koek puch; yaei kabwaatutigap piik koek che ma tilei kiy.

KALEWANAIK 19:21

Mi chobutik che chaang' muguleldap chiito; ago tebyei katigonetap Kamuktaindet ne Toroor.

ISAIAH 10:23

Amu yaei Kiptaiyat, Kamuktaindet ne Toroor ne po lugoosyek, kagesunet ne kigeng'at, eng' kwenutap ng'wony tugul.

ISAIAH 10:25

Amu ta komi kitigin miising', si kosulda nereegek, nereegekyuk eng' ng'emisyennywa.

ISAIAH 10:5

Pwo eng' Assyria, kirokto ne po nereegekyuk, kirokto ne po ineendet ne mi nereegekyuk eunnyi!

ISAIAH 14:13

Ki imwa eng' muguleldang'ung' ile, “Atogostoi kipsengwet, atoroori ng'echerennyu ne po laitornatet kosiir kecheigap Kamuktaindet; atebee tulweetap tuiyet, eng' komoswek che looen che po murot kaataam.

ISAIAH 14:14

Atogostoi asiir poolik; aigeitu Ineendet Ne Toroor Miising'.”

ISAIAH 26:20

Obwa, piikyuk, mong'ji kooriguk oriit, ak ogerchigei ko. Ounyge ne matya, agoi kosiirto nereegek.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

ISAIAH 57:9

Ak ki iwe kaplaitoryat iibe mwanik, ak ites nyamdutiguk, ki iyookte piiguk che tononun koba ole loo, ak ki iteweergei agoi ye mi che ki kobek.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

DANIEL 11:16

Ago ineendet ne nyoonei kobaregei ak chiichooto koyaei ko uu ne machei, ama piitu chii ne imuuchi kotonon eng' tainnyi. Ak kotonon ineendet eng' emet ne karaaran miising', ak mi yooto tugul eunnyi.

DANIEL 11:3

Ak kobiit laitoryat ne kiim miising', ne tuun pounisyei eng' pounateet ne oo ak koyai ko uu ye machei.

DANIEL 11:37

Ama iiti kamuktaigap kwanisyekyik anan ne chamat eng' kwonyik, ama iiti kamuktain age tugul ago ieetegei kosiir tugul.

DANIEL 12:7

Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 2:47

Kowolji `laitoryat Daniel koleenji, “Iman, Kamuktaindeng'wong' ko Kamuktaindet ne pou kamuktaik, ak ko Kiptaiyatap laitorinik ak ng'ang'indetap ung'ootik, amu kaimuuch ing'aany ung'ootyoni.”

DANIEL 4:35

Ki iti piik tugul che menyei ng'wony keele puch ak koyachin lugeetap kipsengwet ko uu ye machei, kobooto piik che menyei ng'wony. Ama mi chii ne imuuchi kogirinda eunnyi, anan koleenji ineendet, “Iyae nee?”

DANIEL 5:19

Ki potanso ak koiyweis eng' tainnyi piik tugul, pororyosyek tugul, ak che po kutusweek tugul, amu ooindo ne ki igoochi ineendet. Kibarei ne ki machei kobar, kibagaaktoi kosap ne kimakyin kosap, ki ieeti ne kimachei koeet, ak ki iming'ini ne kimachei koming'in.

DANIEL 5:20

Ago ye kingo eetkei eng' muguleldanyi ak kouiit tamirmiryennyi kot koboisye menoteet, kechoor eng' ng'echerennyi ne po laitornatet, ak kerebe toroornatennyi.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

DANIEL 8:19

Ak ki le, keero, aboorun inai tuguuk che tuun piitu let che po nereegek; amu po ng'ang'utyonooto peetuut ne ki king'at ne po let.

DANIEL 8:4

Ki ageer mengoto kotoortaisyei kotokyigei cherongo ak murot kaataam ak murot tai. Ama imuuch tyong'ik kotononso eng' tainnyi, ama piit ne ki imuuch kosar eng' eunnyi; ki yai ko uu ye machei ak koeetkei.

SEKARIA 11:16

Amu, keero, ang'eeti mestowot eng' emoni, ne marutochin che kigeon, ama cheeng'ei che kiyesta, anan konya ne kigoil; ama paei ne chamegei, ago amei panyeegap che neryootiin, ak kobetabet siyookwak.

JOHANA 5:30

Ma muuchi ayai kiy aneege: arwoochi ko uu ye agase, ak po iman kirwoogennyu; amu ma cheeng'e ayai magennyu, ago mageetap ineendet ne ki iyookwo.

JOHANA 6:38

Amu ki achooruge eng' kipsengwet, ma si ayai magennyu, ago mageetap ineendet ne ki iyookwo.

POISYONIGAP CHE KIYOKTOI 4:28

si koyai kiit age tugul ne kisip kong'at eung'ung' ak ng'omnateng'ung' kole kosulda.

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

2 THESSALONIKEK 2:3

amat kong'alak chii eng' kiy age tugul; amu ma itu peetuunooto, kobatee indou katuituet ak keng'aany chiito ne po tengekto, weeriitap luseet,

2 THESSALONIKEK 2:4

ineendet ne kirindoi ak kotorooregei kogirindoi tugul che kiguure Kamuktaindet anan che kilasu; si kotep anyun eng' hekaluutap Kamuktaindet, koboorugei ineendet ko uu ne Kamuktaindet.

2 THESSALONIKEK 2:8

Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

JOSHUA 22:22

“Ingen Kamuktaindet ne Toroor, Kamuktaindet ne pou kamuktaik, ak ta konaei Israel agine, ngot ko eng' ngelelnateet anan ngot ko eng' kachililutyet ne kagichililji Kamuktaindet ne Toroor, (ko mat isarwech rani,)

NG'ANG'UTYET 10:7

ago eng' peetuusyegap kutitap malaikaiyatap tisap, ye tuun machei koguut, kogeskei ung'ootyetap Kamuktaindet ko uu Logoiywek che Myachen che ki mwachi otwogikyik maotik.

NG'ANG'UTYET 12:14

Ak ki kigoochi kwonyooto kebebaik aeng' che po kipsiichit ne oo, si kobiit kotirirene kwo surkwen agoi oldanyi, ole kibae, eng' peetuusyek, ak peetuusyek alak, ak kebebertap peetuusyek, koistoegei togeetap ereneet.

NG'ANG'UTYET 13:1

Ak ki ageer tyondo kotogosu eng' nyanjet, ne tinyei kuinoik taman ak metowek tisap, ak naryosyek taman eng' kuinoikyik, ak ki mi metowekyik kainaigap chubisyet.

NG'ANG'UTYET 17:17

Amu ki inde Kamuktaindet mugulelwekwak koyai ko uu ye ibwaati, ak kosich tugul kabwaatet agenge, ak kogoochi tyondo laitornatennywa, agoi kosulda ng'aleegap Kamuktaindet.

NG'ANG'UTYET 17:3

Ara ki imuta eng' Kabuuset ne Tiliil agoi surkwen: ak ki ageer kobogoryot kotebee tyondo ne piriir, ne nyiitaat kainaigap chubisyet, ne tinyei metowek tisap ak kuinoik taman.