DANIEL 11:31 - Bukuit Ne Tilil

³¹ Ak kotononso lugoosyek eng' komostanyi ak komurwon ole-tiliil kobooto irimeet, ak koisto kagoochinet ne kibeelei ne po kotugul, ak konde kiit ne kiwechei ne ng'emisyei.

BUKUIT NE TILIL

³¹ Ak kotononso lugosiek eng’ komostanyi ak komuruon ole tilil, agot irimet, ak koisto kagochinet ne kibeelei ne bo kotugul, ak konde kit ne kiwechei ne ng’emisiei.

DANIEL 11:31 ပူးပေါင်းရင်းမြစ်များ

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 7:30

Amu ki koyai lagogap Judah kiit ne ya eng' tainnyu, mwaei Kamuktaindet ne Toroor. Ki konde tuguukwak che kiwechei koot ne kimwaitoe kainennyu ak komurwon.

RIREKAB JEREMIA 1:10

Kogoitoochi puunyoot eunnyi tuguukyik tugul che koboiboitune. Amu kagogeer kole kogochut pororyosyek oldanyi ne tiliil, che ki ing'at ile amat kochut icheek tuiyeng'ung'.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

EZEKIEL 9:7

Ak ki leenji icheek, Ong'wanit koot, ak onyiit seremusyek piik che kagebar: oba anyun. Ki pa anyun ak ki paris eng' nganaseet.

DANIEL 12:11

Kobooch peetuusyek che ki istoi kagoochinet ne kibeelei ne po kotugul, ak kinde kiit ne kiwechei ne ng'emisyei, ko egu peetuusyek eliphuut agenge ak pogol aeng' ak tamanwogik sogool.

DANIEL 8:24

Ak tesaksei kimnateennyi, ago ma eng' kimnateennyi; ak kong'emis ne kikwong'ee, ak konyoor poroteet ak koyai ko uu ye machei. Ak kong'em ineendet che nyigoonen ak piik che tiliileen.

DANIEL 8:26

Po iman ng'ang'utyetap koskoleng'usyek ak karonusyek ne kagemwa. Ago tuch inyee ng'ang'utyonooto, amu po peetuusyek che chaang' che pwoonei.

DANIEL 9:27

Ak koyomiskei kobooto piik che chaang' eng' kayomiset ne kiim ne po wigiit agenge, ak kogees tiseiywot ak kagoochinetap peek che ng'ootiin eng' kebeberyatap wigiit. Ak konyo age ne ibu ng'emisyet eng' kebepchetap tuguuk che kiwechei; ak keroong'ji ng'emindet nereegek che kigeng'at, agoi kagesunet.

HOSEA 3:4

Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

MATAYO 24:15

“Ye ogeer anyun kiit ne kiwechei ne po ng'emisyet kotonone ole-tiliil, ko uu ye ki mwa maotyot Daniel (ingoguiyo ineendet ne somani),

MARIKO 13:14

“Ago ye tuun ogeer kiit ne kiwechei ne po ng'emisyet kotonone ole ma nyoljin kotonone (ingoguiyo ne somani), ingomwechi anyun che mi Judea tuloonook:

LUKA 21:20

Ak ye tuun ogeer lugoosyek koyiem Jerusalem, onai anyun ole, kagoriik ng'emisyennyi.

NG'ANG'UTYET 17:12

“Ak kuinoichooto taman che kegeer ko laitorinik taman che tomo konam laitornatet; ak konyooru kimnateet ko uu laitorinik, kobooto tyondo, eng' poroindap sait agenge.