ATEPTAP LAWIK 3:3 - Bukuit Ne Tilil

³ Igoitoi ineendet eng' tiseiywotap kaalyeet kagoochinet ne kigoochin Kamuktaindet ne Toroor kobunei maat: mwanik che ki ilaach moet ak sunetik tugul che po moo,

BUKUIT NE TILIIL Sireet ne Dutero Kanon

³ Igoitoi ineendet eng' tiseiywotap kaalyeet kagoochinet ne kigoochin Kamuktaindet ne Toroor kobunei maat: mwanik che ki ilaach moet ak sunetik tugul che po moo,

BUKUIT NE TILIL

³ Ak igoitoi inendet eng’ tiseiywotab kalyet kagochinet ne kigochin Jehovah kobunei mat; mwanik che kiilaach moet, ak sunetik tugul che bo mo,

ATEPTAP LAWIK 3:3 ပူးပေါင်းရင်းမြစ်များ

TIENWOGIKAL 119:70

Katimogis mugulelwekwak eng' akwaindo; ago abaibaitune ng'atuutyeng'ung',

KOMONG'U 29:13

Put mwanik tugul che ki ilaach moet ak kwambelelyet ne tuchei kooet, soromok tuwai, mwanik che mi soromochooto ak ibeel chooto eng' kaptisisyet.

KOMONG'U 29:22

“Inemune mengit mwanikyik, mwanigap saruryet, mwanik che ki ilaach moet, kwambelelyet ne po kooet ak soromok tuwai, kobooto sunetikwak ak kubesto ne po tai, amu niito ko mengit ne po poisyetap katabaanet.

KALEWANAIK 23:26

Weeriinnyu, koono muguleldang'ung', ingobaibaitune konyeguk ortinwekyuk.

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

EZEKIEL 36:26

Agoonok kogeny muguleldo ne leel, ak andeok sabeet ne leel: ak aiste muguleldo ne uu koita eng' poorwekwok, ak agoonok muguleldo ne po panyeek.

EZEKIEL 44:15

Ago pwoonei koriikyino koboisyeiwo tisiik Lawiik, weeriitap Zadok, che ki riibei poisyetap oldanyu ne tiliil, ye kingo pa piigap Israel kometaa; si kotononso eng' tainnyu kogoono mwanik ak korotiik, mwaei Kiptaiyat Kamuktaindet ne Toroor:

ATEPTAP LAWIK 1:12

Ingosach anyun ineendet panyeek kobiit kebeberwekyik, kobooto metitap artanooto ak mwanikyik. Yeityo kotet tisiik tuguuchooto eng' kweenik parak che lalei ne mi kaptisisyet.

ATEPTAP LAWIK 1:8

Ye ibata kotet panyechooto kagesach tisiik, weeriigap Aron. Ingotet metit ak mwanikyik eng' kweenik parak che mi maat ne mi kaptisisyet.

ATEPTAP LAWIK 16:25

Peelei mwanik eng' kaptisisyet, che po kagoochinetap tengekto.

ATEPTAP LAWIK 3:16

Ak kobeel tisiindet chooto eng' kaptisisyet; amitwogigap kagoochinet chuuto, che punei maat, koek nyamdutyet ne anyiny. Po Kamuktaindet ne Toroor mwanik tugul.

ATEPTAP LAWIK 3:2

Ye ibata kogonoor eunnyi metitap kagoochinennyi ak koeeny eng' kurgeetap emait ne kituiyechin, yeityo koisot tisiik weeriigap Aron kaptisisyet komoswek tugul eng' korotiik.

ATEPTAP LAWIK 3:4

soromokyik tuwai kobooto mwanikwak, che mi ole neegitee sugulumdo ak kwambelelyet ne miitei kooet, ingoisto chooto kobooto soromok.

ATEPTAP LAWIK 4:10

Putei mwanichooto ko uu ye kibutei che po kirgit ne tiseiywotap kagoochinoigap kaalyeet. Yeityo kobeel tisiindet chooto eng' kaptisisyet ne kibeelee kagoochinoik.

ATEPTAP LAWIK 7:30

Ibu ineendet eng' eunekyik kagoochinoigap Kamuktaindet ne Toroor kobun maat. Ibu mwanik kobooto tagateet si keongoi tagateet koek kagoochinet ne kiongoi eng' taitap Kamuktaindet ne Toroor.

ATEPTAP LAWIK 7:5

Peelei tisiindet chooto eng' kaptisisyet koek kagoochinet ne kigoochin Kamuktaindet ne Toroor kobun maat. Niito kagoochinetap chalwok.

ATEPTAP LAWIK 9:10

Ki peel mwanik kobooto soromok, ak kwambelelyet ne mi kooet ne po kagoochinetap tengekto eng' kaptisisyet, ko uu ye ki ng'at `Kamuktaindet ne Toroor Musa.

MATAYO 13:16

“Ago iberuurotin konyekwok, amu keertoi, ak iitiikwok, amu kastoi.

MATAYO 15:8

‘Teecha pichu eng' kutusweekwak, ago looen mugulelwekwak eng' anee.

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

ROMANIK 6:6

kingen ni, keele ki kigartaat chiinyo ne po keny kobooto ineendet, si kong'emak poortap tengek, si mata koratech tengekto kogeny.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

1 SAMUEL 2:15

Kingo tomo kobeel mwaita, konyo otwogindetap tisiindet ak koleenji chiito ne kieng'sei, “Koonu pendo ne kiwatanjin tisiindet, amu ma ibei pendo ne kagiyo ne igoonu, kobatee ne tuon.”