ATEPTAP LAWIK 2:3 - Bukuit Ne Tilil

³ Che kang'et eng' kagoochinet ne po peechooto ng'ootiin tambulul, kobunji Aron ak weeriikyik. Niito ko tiliil miising' kot kosiir eng' kagoochinoik tugul che po Kamuktaindet ne Toroor, che punei maat.

BUKUIT NE TILIIL Sireet ne Dutero Kanon

³ Che kang'et eng' kagoochinet ne po peechooto ng'ootiin tambulul, kobunji Aron ak weeriikyik. Niito ko tiliil miising' kot kosiir eng' kagoochinoik tugul che po Kamuktaindet ne Toroor, che punei maat.

BUKUIT NE TILIL

³ ak kobunji Aron ak werikyik che kang’et eng’ kagochinet ne bo busiek: tilil mising’ nito kot kosiir, eng’ kagochinoik tugul che bo Jehovah, che bunei mat.

ATEPTAP LAWIK 2:3 ပူးပေါင်းရင်းမြစ်များ

EZRAH 2:63

Ak ki leenji Tirsata icheek, ma nyooljin koam tuguuk che tiliileen miising', kot kobiit tisiindet ne tinyei Urim ak Tumim.

KOMONG'U 29:37

Iyae kagaigaet agobo kaptisisyet eng' peetuusyek tisap ak itiliil. Si kotiliilit kaptisisyet miising', ak kanyool kotiliilit kiy age tugul ne twaei kaptisisyet.

EZEKIEL 44:29

Amei kagoochinetap peek che ng'ootiin, ak kagoochinetap tengekto, ak kagoochinetap chalwokto; ak nenywa kiit age tugul ne kitabaani eng' Israel.

EZEKIEL 46:20

Ak ki leenjo, Olito ole iyoe tisiik kagoochinetap chalwokto ak kagoochinetap tengekto, ole watane kagoochinetap peek che ng'ootiin; si ma ip koba seremut ne sip kemong'jin, si koanyiny piik.

ATEPTAP LAWIK 10:15

Ibu `icheek chaatit ne kinamjin parak ak tagateet ne kiongoi kobooto kagoochinoik che punei maat che po mwanik ak koongoi koek kagoochinet ne kiongoi eng' taitap Kamuktaindet ne Toroor, yeityo kobunjiin ak weeriiguk koek ng'atuutyet ne wendi agoi koigeny, ko uu ye ki ng'at Kamuktaindet ne Toroor.”

ATEPTAP LAWIK 14:13

Enyei anyun mengoto ming'in eng' komosta ne kieng'e kagoochinetap tengekto ak kagoochinet ne kibeelei, eng' ole-tiliil. Amu ko uu ye punjin kagoochinetap tengekto tisiindet, ko uu nooto punjin ineendet kagoochinetap chalwokto; kogoochinet nooto ne Tiliil miising' kosiir.

ATEPTAP LAWIK 2:10

Kagoochinetap peek che kang'et ko punjin Aron ak weeriikyik. Niito ko tiliil miising' kot kosiir, eng' kagoochinoik tugul che po Kamuktaindet ne Toroor che punei maat.

ATEPTAP LAWIK 21:22

Amei ineendet amitwogigap Kamuktaindennyi chooto tiliileen miising' ak eng' chooto tiliileen.

ATEPTAP LAWIK 5:13

Yaei anyun tisiindet kagaigaet agobo ineendet amu tengektanyi ne koyai eng' age tugul eng' chooto, ak kenyochigaat. Punjin tisiindet che kang'et koek kagoochinetap peek.”

ATEPTAP LAWIK 6:26

Tisiindet ne igoitoi kagoochinetap tengek ko amei kebeber eng' nooto. Ki amei eng' komosta ne itabaanat eng' seremutap emait ne kituiyechin.

ATEPTAP LAWIK 6:9

“Ng'at Aron ak weeriikyik ileenji: ni ng'atuutyetap kagoochinet ne kibeelei; ingotebee ma eng' kaptisisyet kagoochinonooto kigoitoi kebeel kemout komugul agoi koeech, ak ingolal maatap kaptisisyet agoi.

ATEPTAP LAWIK 7:7

Uu kagoochinetap tengek kagoochinetap chalwok, agenge ng'atuutyennywa. Punjin chooto tisiindet ne tisiisyei agobo tuguuchooto.

ATEPTAP LAWIK 7:9

Punjin tisiindet ne igoitoi kagoochinet. Punjin ineendet kagoochinet age tugul ne po peek che kibeelei eng' ma ak che kigelei eng' taabeet ak che kigelei eng' kirambenit.

KAITOSYEK 18:9

Egu cheguuk tuguuchooto eng' che tiliileen miising', che kita kibeelei: kiy age tugul ne koonu icheek, che ibwo, ngo kagoochinennywa age tugul ne po peek, konunennywa age tugul ne po tengekto, anan agot age tugul ne po kachililutyet, ko punjinin inyee ak weeriiguk.

1 SAMUEL 2:28

Ak ki alewen ineendet eng' pororyosyek tugul che po Israel koek tisiindennyu, kotogosta ole mi kapkorosunnyu, kwo kobeel nyamdutik ak kolaach ephod eng' tainnyu? Tos ma ki agoochi kootap kwandang'ung' kagoochinoik tugul che po Yahudik che kigoitoi kobun maat?