2 SAMUEL 5:10 - Bukuit Ne Tilil

¹⁰ Ki eet Daudi kotesak amu ki mi Kamuktaindet ne Toroor, Kamuktaindetap lugoosyek, kobooto ineendet.

BUKUIT NE TILIIL Sireet ne Dutero Kanon

¹⁰ Ki eet Daudi kotesak amu ki mi Kamuktaindet ne Toroor, Kamuktaindetap lugoosyek, kobooto ineendet.

BUKUIT NE TILIL

¹⁰ Ak kieet Daudi kotesak; amu kimi Jehovah Kamuktaindetab lugosiek koboto inendet.

2 SAMUEL 5:10 ပူးပေါင်းရင်းမြစ်များ

TAUNET 21:22

Ki ng'alaalji eng' peetuusyechooto Abimelek ak Pikol, ineendet ne ki kiptaiyatap kiplutotinikyik, Abraham koleenji, “Miitei Kamuktaindet kobooten eng' tuguuk tugul che iyae.

2 SAMUEL 3:1

Ki piit pooryeet eng' peetuusyek che chaang' eng' kootap Saulo ak kootap Daudi. Ki kimiit Daudi kotesak, ago kinyalul kimnateetap kootap Saulo kwo let.

2 SAMUEL 7:9

Ki atebi kobooten eng' oldo tugul ole ki iwe ak ki aiste puuniguk tugul eng' taing'ung'. Aeeti kaineng'ung', ko uu kainetap piik che eecheen eng' ng'wony.

2 SAMUEL 8:14

Ki inde irimosyek Edom komugul, ak ki ek Edomik tugul otwogigap Daudi. Ki igoochi `Kamuktaindet ne Toroor Daudi katerteeret eng' komosta age tugul ne ki wo.

2 SAMUEL 8:6

Ki inde anyun Daudi irimosyek Syria ne po Damasko. Ki ek piigap Syria otwogigap Daudi ak ki ip kagoochinoik. Ki igoochi `Kamuktaindet ne Toroor Daudi katerteeret eng' komosta age tugul ne ki wo.

Kitabuutap JOB 17:9

Agot ngo uu nooto kowendi ne po iman eng' ooreennyi, ak ineendet ne tinyei eunek che tiliileen kotesaksei kogimitu kosiir.

TIENWOGIKAL 24:10

Ng'oo Laitoryandani po teegisto? Kamuktaindet ne Toroor ne po lugoosyek, Ineendet Laitoryatap teegisto.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

LUKA 2:52

Ki tesak utaatyetap Jeso, ak etunateet, ak myeeindo eng' Kamuktaindet ak eng' piik.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

1 SAMUEL 18:12

Ki iywei `Saulo Daudi, amu ki mi Kamuktaindet ne Toroor kobooto ineendet, ak kiga kobagaakta Saulo.

1 SAMUEL 18:14

Ki tebi Daudi eng' ng'omnateet eng' ortinwekyik tugul ak ki mi Kamuktaindet ne Toroor kobooto ineendet.

1 SAMUEL 18:5

Ki wo Daudi oldo age tugul ole ki iyookto Saulo, ak ki tebi eng' ng'omnateet. Ki inde `Saulo ineendet koboi murenigap lugeet ak ki myeeit kioto eng' taitap piik tugul, ak eng' taitap otwogigap Saulo ak icheek.