2 SAMUEL 16:16 - Bukuit Ne Tilil

¹⁶ Kingo it Hushai Arkindet, chorweetap Daudi, ole mi Absalom koleenji `Hushai Absalom, “Ingosap laitoryat, ingosap laitoryat.”

BUKUIT NE TILIIL Sireet ne Dutero Kanon

¹⁶ Kingo it Hushai Arkindet, chorweetap Daudi, ole mi Absalom koleenji `Hushai Absalom, “Ingosap laitoryat, ingosap laitoryat.”

BUKUIT NE TILIL

¹⁶ Ak kingoit Husai Arkindet, choruetab Daudi, ole mi Absalom, kolenji Husai Absalom, Ingosob laitoriat, ingosob laitoriat.

2 SAMUEL 16:16 ပူးပေါင်းရင်းမြစ်များ

2 SAMUEL 15:32

Kingo it `Daudi tulweet parak ole ki cham kilasune Kamuktaindet, ko ki nyo Hushai Arkindet kotorook ineendet, ko kagogereer ngoryennyi ak komi ng'ung'unyek metinnyi.

2 SAMUEL 15:34

Ago ngot iweege iwe nganaseet ak ileenji Absalom, ‘Aegu otwogindeng'ung', ee laitoryat ko uu ye ki aa otwogindetap kwandang'ung' eng' peetuusyek che ki kosiirto, aegu anyun nguno otwogindeng'ung'.’ Eng' yooto anyun, iterteerwa kirwoogetap Ahitopel.

2 SAMUEL 15:37

Ki it anyun nganaseet Hushai chorweetap Daudi ye kingo itei Absalom Jerusalem.

1 LAITORINIK 1:25

Kachoortagei rani ak koeny tuuga ak che akwaen ak keechiirek ng'iisyat, ak kagoguur weeriik tugul che po laitoryat, kiptainigap lugeet ak Abiathar tisiindet. Keero, amisyei ak koeisei eng' tainnyi, ak koleen, ‘Iwe keny Laitoryat Adonijah!’

1 LAITORINIK 1:34

Ingoiil ineendet eng' olooto Zadok tisiindet ak maotyot Nathan koek laitoryat ne pou Israel. Oguut iryageet ak oleen, ‘Ingwo keny Laitoryat Solomon!’

1 LAITORINIK 4:5

Azariah weeriitap Nathan, ko ki pou kiptainik; tisiindet Zabud weeriitap Nathan, ko ki ek ineendet chorweetap laitoryat.

2 LAITORINIK 11:12

Komut anyun weeriitap laitoryat komong', ak kolaakyi naaryeetap laitornatet, ak kogoochi paornateet. Ki yai ineendet koek laitoryat, ak koiil ineendet, yeityo koraprap eunekwak ak kole, “Ingosap keny laitoryat!”

DANIEL 2:4

Ki ng'alaalji anyun `Kaldeik laitoryat eng' kutitap Syria koleenji, “Ee, laitoryandani, iwe keny! Mwaiwech acheek otwogiguk agobo karwotitaonooto asi ki arorun kaguyennyi.”

DANIEL 5:10

Ki nyo anyun chebyosetap kaplaitoryat kootap igoorto amu ng'aleegap laitoryat ak kiptainikyik. Ki ng'alaal chebyosanooto kole, ee laitoryat, iwe keny! Amat ingoiimin kabwaatutiguk anan kowalak togeng'ung'.

DANIEL 6:21

Koleenji anyun `Daniel laitoryat, “Ee laitoryat, iwe keny.

DANIEL 6:6

Ki iyumgei anyun eng' kayanjinet poisyechooto kobooto pounik, koyumjigei laitoryat, ak komwachi ineendet kole, ee Laitorya Darius, iwe keny!

MATAYO 21:9

Kimwaoti tuiyosyek che ki indoe ineendet ak che ki isubi eng' kutit ne oo koleen, “Hosanna weeriitap Daudi! Iberuurot ineendet ne nyoonei eng' kainetap Kiptaiyat! Hosanna eng' ole toroor miising'!”

1 SAMUEL 10:24

Koleenji `Samwel piik tugul, “Ogeere ineendet ne kogolewen `Kamuktaindet ne Toroor, ole ma mi ne kergei ak ineendet eng' piik tugul?” Komwa piik tugul eng' kutit ne oo kole, “Ingwo keny laitoryat!”