2 PETERO 1:10 - Bukuit Ne Tilil

¹⁰ Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny.

BUKUIT NE TILIIL Sireet ne Dutero Kanon

¹⁰ Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny.

BUKUIT NE TILIL

¹⁰ Eng’ noto anyun, che kitupche, ogiilge mising’ inne, oyai kuureng’wong’ ak leweneng’wong’ kogimit: amu ngot oyai tuguchuto ko magoi obutye matiny:

2 PETERO 1:10 ပူးပေါင်းရင်းမြစ်များ

TIENWOGIKAL 112:6

Amu ma koi kiisto; kibwaati ne po iman koigeny.

TIENWOGIKAL 121:3

Ma chamdoi ineendet keeldong'ung' keisto; ma inuuchi ineendet ne riibin.

TIENWOGIKAL 15:5

ne ma pesendoi fedhaisyekyik si kosige che siirtoot, ama taachei tuguugap kagoigoisyet agobo ne ma tinyei tengek. Ineendet ne yaei tuguuchuuto, koma ki istoi agoi.

TIENWOGIKAL 37:24

Agot ngo terteryot, koma itei ng'wony, amu namoti Kamuktaindet ne Toroor eunnyi.

TIENWOGIKAL 62:2

Ineendet ineegei rwandennyu ak yetunennyu, ineendet ko irimennyu ne kooi; ma ki istoa miising'.

TIENWOGIKAL 62:6

Ineendet ineegei rwandennyu ak yetunennyu, irimennyu ne kooi ineendet; ma ki istoa.

ISAIAH 56:2

Iberuurot ne yaei chuuto, ak weeriitap chii ne namei chuuto miising' ne riibei sabato ama imurwoni, ne riibei eunnyi si ma yai yaityet age tugul.

MIKAH 7:8

amebaibaitunena, ee punyondennyu: ye kabut, ang'eete kogeny; ye atebee mesundeito, koegu Kamuktaindet ne Toroor lapkeiyennyu.

MATAYO 22:14

Amu kiguurei che chaang', ago ki leweni che ng'ering'.”

ROMANIK 11:29

Amu ma tinyei ndara konunoigap Kamuktaindet ak kuursennyi.

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

HEBRANIK 6:11

Ak kimache miising' chii age tugul eng' okweek keele kobarta kagiilonooto pogei eng' nyiietap kamang'unet agoi kagesunet:

HEBRANIK 6:19

ne ki tinyei ne uu nangetap saboondo, ne kingen ak ko lumdaat ne wendi oriit kot kosiir angeet ne ki kioiye;

JAKOBO 2:10

Amu chiito age tugul ne riibei Ng'atuutyet komugul, ak kobut eng' ng'olyoot agenge, konamei kirwooget eng' tugul.

JOSHUA 7:3

Ki week ole ki mi Joshua ak koleenji, “Ng'ering' pichooto, ara amat koba piik tugul. Ingoba piik olo po eliphuusyek aeng' anan ko somok koba kobar Ai.”

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

2 PETERO 1:5

Ee, amu ng'olyoondoniito ye kaotes kagiiletapkei tugul eng' komostang'wong', otesyi `myeeindo kayaneng'wong'; ak otesyi `naet myeeindo;

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

2 PETERO 3:17

Ko okweek anyun, chamanichu, amu kaosip onai tuguuchuuto, oriipkei, si ma ichuutok kachiliiletap pistoik, ak obutye eng' tononeng'wong'.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.