2 KORINTOEK 7:15 - Bukuit Ne Tilil

¹⁵ Ak oo miising' ne siirtoot chamyennyi ne po oriit agobo okweek, kobwaati kasetap iit neng'wong' tugul, ko uu ye ki otaach ineendet eng' kaiyweisyet ak potanet.

BUKUIT NE TILIIL Sireet ne Dutero Kanon

¹⁵ Ak oo miising' ne siirtoot chamyennyi ne po oriit agobo okweek, kobwaati kasetap iit neng'wong' tugul, ko uu ye ki otaach ineendet eng' kaiyweisyet ak potanet.

BUKUIT NE TILIL

¹⁵ Ak o mising’ ne siirtoot chamnyennyi ne bo orit agobo okwek, kobwati kasetab it neng’wong’ tugul, ko u ye kiotaach inendet eng’ kaiyweisiet ak botanet.

2 KORINTOEK 7:15 ပူးပေါင်းရင်းမြစ်များ

TAUNET 43:30

Ak kichirchiren Joseph, amu kieet emosto eng' muguleldanyi amu ng'eetap kamet, ak ki cheeng' ole wendi koriiree. Ki manda anyun koonnyi ne po oriit, kwo koriir.

1 LAITORINIK 3:26

Ki ng'alaalji kwondo ne ki nenyi lakweet ne sabei, laitoryat, amu ki riir moo agobo weeriinnyi, kole, “Ee kiptaiyandennyu, igoochi ineendet lakwani sabei, amat ibar!” Ago ki le age, “Mabunjino, ama punjinin; pchei.”

EZRAH 10:9

Ki iyumjigei anyun Jerusalem `piik tugul che po Judah ak Benjamin kotomo kogeskei peetuusyek somogu. Ki arawetap sogool eng' peetuutap tiptem ne po arawanooto, ak ki tebee piik tugul komosta ne paraa eng' taitap kootap Kamuktaindet kobotandos agobo ng'olyoondonooto ak ropta ne oo.

EZRAH 9:4

Ki iyumjagei anyun chii age tugul ne kibotani agobo ng'aleegap Kamuktaindetap Israel, agobo pistoetap che kiga kiluul. Ki atebi ng'wony akwong' kot koit kagoitoetap kagoochinetap koskoleny.

Kitabuutap JOB 21:6

Agot ye abwaat tuguuk che ki ityo, aarageni, aarageni ak abootan.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 2:11

Oboisyechi Kamuktaindet ne Toroor eng' kaiyweisyet; ak oboiboitu eng' potanet.

TYENDO NE SIIREI TUGUL 5:4

Kiyogoune chamanennyu eunnyi konda ne mi kurgeet, ak ki igaskei muguleldanyu agobo ineendet.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

HOSEA 13:1

Ye kingo ng'alaal Ephraim, kobiit potanet; kiitoroorgei eng' Israel: ago kime ye ki ingelel eng' Baal.

JOHANA 16:21

Arageni tamonet ye machei kosigiis, amu kait sainnyi; ago ye kagosich lakweet, koma kobwaati ng'wanindo kogeny, eng' poiboiyet amu kagesikyi chii ng'wony.

POISYONIGAP CHE KIYOKTOI 16:29

Ak kiguur keip taisyek, ak kotorombenji ko oriit, ak ki ibutyi keelyegap Paulo ak Sila kobotananu eng' kaiyweisyet.

1 KORINTOEK 2:3

Ki ami kobootok eng' nyalulet, ak eng' kaiyweisyet, ak eng' potanet ne oo.

2 KORINTOEK 2:9

Amu ki asir agobo ng'olyoondoniito, ale anaak komyee ngo kase iit eng' tuguuk tugul.

2 KORINTOEK 6:12

Ma ogiigotin eng' acheek, ago ogiigotin eng' chamyeng'wong'.

EPESOEK 6:5

Otwogichu, ogas iit icheek che kiptainikwok eng' poorto, eng' kaiyweisyet ak potanet, eng' muguleldo tugul, ko uu ye ogase iit Kristo;

PILIPIK 1:8

Amu Kamuktaindet paoryandennyu, ko uu ye ating'enok okweek tugul emosto eng' rireenosyegap Kristo Jeso.

PILIPIK 2:12

Nooto anyun, chamanikyuk, ko uu ye koogase iit kotugul, ma ye ami kityo, ago nguno ye ma mi ogase iit kosiir, oboisyee yetuneng'wong' kosulda eng' kaiyweisyet ak potanet;

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

2 THESSALONIKEK 3:14

Ak ngo ma kase iit chii age tugul ng'olyoondennyo eng' parwaani, obwaat chiichooto, amat oyomegei ak ineendet, si kobiit kolilaan.

1 JOHANA 3:17

Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet?