2 KORINTOEK 6:15 - Bukuit Ne Tilil

¹⁵ Anan kasyindos eng' nee Kristo ak Belial? Anan ting'egei nee ne iyanaat ak ne ma iyanaat?

BUKUIT NE TILIIL Sireet ne Dutero Kanon

¹⁵ Anan kasyindos eng' nee Kristo ak Belial? Anan ting'egei nee ne iyanaat ak ne ma iyanaat?

BUKUIT NE TILIL

¹⁵ Anan kasyindos eng’ nee Kristo ak Belial? Anan ting’egei nee ne iyanat ak ne ma iyanat?

2 KORINTOEK 6:15 ပူးပေါင်းရင်းမြစ်များ

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

EZRAH 4:3

Ago ki leenji icheek `Zerubabel kobooto Jeshua ak kandoik tugul che po kooriigap kwanisyek che po Israel, “Ma kiting'egei yamdao ak okweek keteech tugul kootap Kamuktaindennyo. Ago kiteekyini acheegei `koot Kamuktaindet ne Toroor, Kamuktaindetap Israel, ko uu ye king'atech laitoryat Cyrus laitoryatap Persia.”

MARIKO 16:16

Ineendet ne iyani ak kibatisan kesaru; ago ineendet ne ma iyani ko tuun kirwookyin.

POISYONIGAP CHE KIYOKTOI 5:14

Ak kitesak kayanik eng' Kiptaiyat kosiir, kichang'a murenik kobooto kobogorisyek;

POISYONIGAP CHE KIYOKTOI 8:20

Ago ki leenji Petero ineendet, “Ingobetyo siling'isyeguk kobooten, amu keleen inyooru konunetap Kamuktaindet eng' silingisyek.

1 KORINTOEK 6:6

ago imuti tupchet age tupchennyi kwo kapkirwook, ak ne siirei ko, eng' taitap che ma iyanotin?

1 TIMOTEO 5:8

Ago ngo ma riibei chii piikyik, ak che siirei ko che po koonnyi, ko kagoesyo kayaneet, ak ko ya kosiir chiito ne ma iyan.

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

KIRUOGIK 19:22

Ye kita koboiboi mugulelwekwak, ogeero, ki pwa murenigap nganasanooto, weeriigap Belial, koyiem koot ak kobir kurgeet. Ki ng'alaalji `icheek poiyondonooto, chiitap ko po koot, koleenji, “Imoong'u chiichi kanyo koong'ung', si kobiit kesuup.”

KIRUOGIK 20:13

Omong'u anyun pichooto yaacheen, weeriigap Belial, che mi Gibea, si kobiit kebar ak keiste yaityet eng' Israel.” Ago ma cham Benjamin kogas ng'aleegap tupchosyekwak piigap Israel.

1 SAMUEL 2:12

Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.