2 KORINTOEK 6:14 - Bukuit Ne Tilil

¹⁴ Amat oratkei ak che ma iyanotin: tinyei imanda yamdao nee ak tengekto? Anan tinyei yamdao nee lapkeiyet ak mesundeito?

BUKUIT NE TILIIL Sireet ne Dutero Kanon

¹⁴ Amat oratkei ak che ma iyanotin: tinyei imanda yamdao nee ak tengekto? Anan tinyei yamdao nee lapkeiyet ak mesundeito?

BUKUIT NE TILIL

¹⁴ Amot oratge ak che ma iyanotin: tinyei imanda yamdao nee ak tengekto? Anan tinyei yamdao nee lapkeiyet ak mesundeito?

2 KORINTOEK 6:14 ပူးပေါင်းရင်းမြစ်များ

TAUNET 24:3

amache iyasye eng' Kamuktaindet ne Toroor, Kamuktaindet ne po kipsengwet ak ng'wony, ale ametunji weeriinnyu chepto ne po Kanaanik che amenye kwenunnywa.

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

2 ATEPTAP PEETUUSYEK 19:2

Ki wo Jehu weeriitap Hanani keerindet, kotorookta ineendet ak koleenji Laitoryat Jehoshaphat, “Tos yamin itoret kiptengekyot ak icham che wechei Kamuktaindet ne Toroor? Amu kiito, ko pwonjinin nereegek che punu taitap Kamuktaindet ne Toroor.

EZRAH 10:19

Ki iyasyo icheek kole istoi osotikwak, ak amu ki tinyei tengekto, ko ki igoito mengit ne po akweet kobunji tengektonywa.

TIENWOGIKAL 106:35

Ago kiburuchkei kobooto pororyosyek, ak ki ineetkei poisyonikwak.

TIENWOGIKAL 119:63

Aa chorweetap icheek tugul che iywein, ak ne po icheeget che isubi kaneetisyosyeguk.

TIENWOGIKAL 16:3

Ago eng' che tiliileen che mi ng'wony, chooto ko che tagunoot, che mi poiboiyennyu tugul eng' icheek.

KOMONG'U 34:16

Ak ye itunji weeriiguk tiibiikwak, ko tiibiikwak chooto ibegei ak kanamonikwak, kochuuti iman weeriikwok koosup kanamonikwak.”

KALEWANAIK 22:24

Amenam chorwandit ak chiito ne nereechi, amat obendate ak chiito ne tinyei nereegek,

KALEWANAIK 29:27

Wechei che po iman ne ma po iman: wechei ne ya ne isubi iman.

ATEPTAP LAWIK 19:19

“Oriip ng'atuutikyuk. Amengorie tuuga cheguuk alage che teer che ma tuuga. Amegol mbareeng'ung' kesweek aeng' che teerchiin. Amelaach ngoryeet ne ki kiyae usiisyek che teerchiin.

MALAKI 2:11

Kigong'em Judah kayaneet, ye kingo yai kiit ne kiwechei eng' Israel ak eng' Jerusalem; amu ki kong'wanit tiliilindap Kamuktaindet ne Toroor ne chamei, ak kotun cheptap kamuktaik che teer.

MALAKI 2:15

Tos ki ma yaak Kamuktaindet okweek tuwai oegu poorto agenge ak oegu saboondo agenge? Amu nee si koek agenge? Ki cheeng'ei iyoteet ne iywei Kamuktaindet. Oriip anyun mugulelwekwok, amat koberber chii osotyotap ming'inatennyi.

JOHANA 7:7

Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

POISYONIGAP CHE KIYOKTOI 4:23

Ak kingo kageunda, koba ole mi piikwak, ak komwaita tugul che kamwachi tisiik che eecheen ak poisyek.

1 KORINTOEK 10:21

Momuuchi oee kigombetap Kiptaiyat, ak kigombetap oik: momuuchi oam eng' meesetap Kiptaiyat, ak meesetap oik.

1 KORINTOEK 15:33

Among' kiberberak: Ng'emei choronok che yaach atepto ne myee.

1 KORINTOEK 5:9

Ki asirwak eng' parweennyu ale amonamge ak piik che soksei;

1 KORINTOEK 6:6

ago imuti tupchet age tupchennyi kwo kapkirwook, ak ne siirei ko, eng' taitap che ma iyanotin?

1 KORINTOEK 7:39

Ratat osotyot kota kosabei manong'otyondennyi: ago ngo me manong'otyot, kotyagat ineendet kotun chiito ne kacham mosoganooto: eng' Kiptaiyat kityo.

PILIPIK 2:15

si kobiit oegu che ma tinyei leluut ak ko libwoben, lagogap Kamuktaindet che ma tinyei kunenden eng' kwenutap ibinda ne kunuur ak ko mastaat, che kooluu eng' kwenunnywa ko uu lapkeiyosyek eng' ng'wony,

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.