2 KORINTOEK 5:20 - Bukuit Ne Tilil

²⁰ Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

BUKUIT NE TILIIL Sireet ne Dutero Kanon

²⁰ Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

BUKUIT NE TILIL

²⁰ Noto anyun ki tononjinik agobo Kristo, ko u ye igoigook Jehovah eng’ achek; kigoigook agobo Kristo, kele otuiyege ak Jehovah.

2 KORINTOEK 5:20 ပူးပေါင်းရင်းမြစ်များ

2 LAITORINIK 17:13

Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”

2 ATEPTAP PEETUUSYEK 36:15

Ak ki iyooktoi Kamuktaindet ne Toroor, Kamuktaindetap kwanisyekwak, piikyik, komusta koba ole mi icheek; amu ki riiree piikyik, ak ole menyei ineendet.

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

Kitabuutap JOB 22:21

Onaiye anyun ak ineendet ak itebee kaalyeet: Si konyonjin kiit ne myee.

Kitabuutap JOB 33:23

Ngot komi malaikaiyat kobooto ineendet, kaweegindetap ng'aleek, agenge eng' eliphuut, si koboorchi chiito kiit ne po iman,

Kitabuutap JOB 33:6

Kiit ne iuu eng' taitap Kamuktaindet, auu nooto agane; ki kiyaena agane meneet.

KALEWANAIK 13:17

Ibu kaimutyet kayooktoindo ne ya, ago egu chametapkei tononjinindet ne kiyani.

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

JEREMIA 38:20

Ago ki le Jeremiah, Ma igoitoin. Kasain ale, kas kutitap Kamuktaindet ne Toroor eng' chuuto amwaun: si kobiit komyeeit eng' inyee, ak kosap saboondang'ung'.

JEREMIA 44:4

Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

MALAKI 2:7

Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

LUKA 10:16

“Ineendet ne kasook kogasa agane; ak ineendet ne eesyook koeesyoo agane; ak ineendet ne eesyoo koeesyoi ineendet ne ki iyookwo.”

LUKA 14:23

Koleenji anyun kiptaiyat otwogindennyi, ‘Ui ortinwek che eecheen ak kiwotosyegap mbareenik, ak ichiich kobwa ko, si konyi koonnyu.

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

2 KORINTOEK 12:10

Nooto anyun, abaibai eng' nyalulnatosyek, eng' ng'waninwek, eng' kagiigosyek, eng' usiisyosyek, eng' tiritinwek agobo Kristo; amu ye aa nyalulat, ko yooto anyun ye aa kiim.

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

2 KORINTOEK 5:11

Amu kingen anyun kayweetap Kiptaiyat, kichuutu piik, ago kibortaech eng' taitap Kamuktaindet; ak amang'u ale kibortoech eng' taitap kabwaateng'wong'.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

EPESOEK 6:20

amu aa tononjinindet ne po nooto eng' nyororosyek; si kobiit ang'alaal eng' chooto eng' nyiganateet, ko uu ye nyolu amwa.

KOLOSAIK 1:20

si kotuiyechigei tuguuk tugul ineendet, ye kingo kagoyai kaalyeet eng' korotiigap kimurtoiyondennyi; eng' ineendet, ngo tuguuk che mi ng'wony anan tuguuk che mi kipsengwet.

1 THESSALONIKEK 4:8

Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.