2 KORINTOEK 12:21 - Bukuit Ne Tilil

²¹ si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

BUKUIT NE TILIIL Sireet ne Dutero Kanon

²¹ si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

BUKUIT NE TILIL

²¹ si ye tun anyo kogeny, ko maiming’ina Jehovah nenyu eng’ taing’wong’, ak arir agobo che chang’ eng’ ichek che kiyai tengekwogik koboch yoto, ama sik eng’ simdo ak sokset ak maget ne ya agobo tuguk che yaach che kiyai ichek.

2 KORINTOEK 12:21 ပူးပေါင်းရင်းမြစ်များ

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

EZRAH 9:3

Ak kinga kas ng'olyoondoni, abet ngoryennyu ne po oriit ak ne po parak, ak ang'ei sumeekyuk ak atut tamnennyu yeityo atebi ng'wony akwong'.

TIENWOGIKAL 119:136

Isururunee peek che chaang' konyekyuk, amu ma isubi icheek ng'atuutyeng'ung'.

KOMONG'U 32:31

Kiweekyigei `Musa Kamuktaindet ne Toroor ak koleenji, “Pwo! Ki yai pichu tengekto ne oo miising', ak ki koyachigei kanamwet ne po thahabu.

JEREMIA 13:17

Ago ngot ko mogas ng'olyoondoniito, koriirei saboondanyu eng' ung'oot agobo menateng'wong', ak ariir miising', kot koba peegap kong', amu kageluul keechiiregap Kamuktaindet ne Toroor.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

ROMANIK 13:13

Ongebendoti ko uu ye nyolu, ko uu peet; ma eng' waseetapkei anan pogitet, ma eng' sokseet anan mageet ne ya, ma eng' polateet ak ng'etkong'.

ROMANIK 9:2

ale atinye arageneet ne oo ak ng'wanindo ne ma igeesugei eng' muguleldanyu.

1 KORINTOEK 5:1

Mwaat komyee keele miitei ibeetapkei kwenung'wong', ibeetapkei ne ma mi agot eng' Pororyosyek, keele ibegei chii ak osotyotap kwandanyi.

2 KORINTOEK 10:6

ko ki chobootiin keyaakyi mugetuut pistoet tugul, ye tuun isulda kaseng'wong' po iit.

2 KORINTOEK 12:7

Ak eng' ooindo ne siirtoot ne po ng'ang'utik - si ma kitoroora miising', ko ki kigoono kateet eng' poorto, ne otwoget ne po Setani kobira si ma toroorgei miising'.

2 KORINTOEK 13:2

Ki asip amwa, ak asip amwae kogeny, ko uu ye ki ami eng' panda ne po aeng', ko uu nooto nguno ye ma mi kobootok, eng' icheeget che ki yai tengekto, kobooch yooto, ak eng' chuun alak tugul, ale, si ma ye anyoo kogeny, koma rireegei;

2 KORINTOEK 8:24

Nooto anyun oboorchi icheeget eng' taitap kanisosyek kiit ne ibooru chamyeng'wong', ak kalasunennyo pogei agobo okweek.

GALATYEK 5:19

Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

NG'ATUTIK 9:15

Ki aweege anyun, achoorugei eng' tulweet ye kita kolalei maat, atinye koichooto aeng' po kayomiset eng' eunekyuk tuwai.

NG'ATUTIK 9:25

“Ki abutyi ng'wony eng' taitap Kamuktaindet ne Toroor eng' peetuusyechooto artam ak kemousyechooto artam amu ki kale Kamuktaindet ne Toroor iwong'wok.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

JUDA 1:23

osaru alak ye ong'usu komong' eng' maat; ak oriree alak eng' kaiyweisyet; ye oweche agot ngoryeet ne kagomurwoniit eng' poorto.

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

NG'ANG'UTYET 22:20

Mwaei ineendet ne paoryanjin tuguuchu kole, “Ee anyoone achogu.” Amen. Nyoo, Kiptaiyat Jeso!

1 SAMUEL 15:35

Ak ki mata konyo kogeny Samuel kogeer Saulo agoi peetuutap meennyi. Nga no ko ki riirchi `Samuel Saulo; amu ki riir let Kamuktaindet ne Toroor kole kiga koyai Saulo koek laitoryat koboi Israel.