2 KORINTOEK 11:23 - Bukuit Ne Tilil

²³ Tos kiboitinigap Kristo icheek? (Ang'alaali ko uu chii ne amei iywek) aa siirtoot; eng' pirtaosyegapkei che siirtoot, eng' korgorosyek miising', eng' pirutik che ma kirarei, eng' meosyek konyil che chaang'.

BUKUIT NE TILIIL Sireet ne Dutero Kanon

²³ Tos kiboitinigap Kristo icheek? (Ang'alaali ko uu chii ne amei iywek) aa siirtoot; eng' pirtaosyegapkei che siirtoot, eng' korgorosyek miising', eng' pirutik che ma kirarei, eng' meosyek konyil che chaang'.

BUKUIT NE TILIL

²³ Tos kiboitinikab Kristo ichek? (Ang’alali ko u chi ne amei iywek) a siirtoot; eng’ birtaosiekab ge che siirtoot, eng’ korgorosiek mising’, eng’ birutik che magirarei, eng’ meosiek konyil che chang’.

2 KORINTOEK 11:23 ပူးပေါင်းရင်းမြစ်များ

JEREMIA 36:5

Ak ki ng'at Jeremiah Baruk, koleenji aa kerat; ma muuchi awo kootap Kamuktaindet ne Toroor:

POISYONIGAP CHE KIYOKTOI 14:19

Ago ki pwa Yahudik che ki punu Antiok ak Ikonia ak kolom tuiyosyek. Kilach `icheek Paulo eng' koik, ak kochuut komanda eng' nganaseet, koleen kagome.

POISYONIGAP CHE KIYOKTOI 20:23

kobatee kityo paoryanjino Kabuuset ne Tiliil eng' nganaseet age tugul, koleen, igeno ratisyosyek ak nyalilwogik.

POISYONIGAP CHE KIYOKTOI 21:11

Ak kingo kagoit ole kimi, konam pireneetap Paulo, ak korate keelyekyik ak eunekyik, ak kole, “Mwaei Kabuuset ne Tiliil ko uu ni kole, ‘Ratei ko uu niito Yahudik che mi Jerusalem chiitap ko po pirenoni, ak tuun indoi ineendet eunegap Pororyosyek.’ ”

POISYONIGAP CHE KIYOKTOI 25:14

Ak ye kita kobeniei peetuusyek che chaang', koboorchi Pesto laitoryat ng'aleegap Paulo, koleenji, “Miitei chii age ne ki pagaakta Felix ko rataat.

POISYONIGAP CHE KIYOKTOI 27:1

Ak kingo kagetil ng'aleek keele kebun moinget keebe Italy, ki kigoochi Julio chemogetap kiplugotinik pogol, ne po lugeetap Augusto, Paulo ak kimonjororinik alak.

POISYONIGAP CHE KIYOKTOI 28:16

Ak ki ngeit Rome, kechamji Paulo kotebi ineegei kobooto asigarindet ne kiriibei ineendet.

POISYONIGAP CHE KIYOKTOI 28:30

Ak ki meny eng' kenyiisyek aeng' koonnyi ne ki alei meng'et, ak kitaach tugul che ki pwonjin ineendet,

POISYONIGAP CHE KIYOKTOI 9:16

amu aboorchini ineendet ole tee chaang'indap tuguuk che kanyool konyoorunee nyalilda agobo kainennyu.”

ROMANIK 8:36

Ko uu ye ki kisir, keele, “Kibarech peetuut komugul agobo inyee; ki kiitech ko uu keechiirek che po eng'seet.”

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

1 KORINTOEK 3:5

Nee anyun Apolo? Ko nee Paulo? Kiboitiinik che ki koonok oyan; ak ko uu ye ki igoochi Kiptaiyat age tugul.

1 KORINTOEK 4:1

Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet.

1 KORINTOEK 4:11

Agot sainiito ketinye rubeet ak melelda ak kimi aach ngor ak kiluiluchech, ama ki tinyei ole ki menye;

1 KORINTOEK 4:9

Amu, aleen, ki kondaech Kamuktaindet acheek che kiyooktoi keegu che po let eng' tugul, ko uu piik che ki kirwookyi kobek, amu kigeyaech keegu che kigeerei eng' ng'wony, ak eng' malaikaisyek, ak eng' piik.

2 KORINTOEK 10:7

Ogeere tuguuk che miitei taitap konyekwok. Ngot komang'ugei chii age tugul kole po Kristo, ko ingoruchi niito kogeny ineegei, kole, ko uu ye po Kristo ineendet, ke uu nooto agacheek.

2 KORINTOEK 11:5

Amu aiitige ale ma mi let eng' kiy age tugul eng' che eecheen miising' eng' che kiyooktoi.

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

2 KORINTOEK 4:11

Amu acheeget che kisoptosi kimutyinech meet kotugul amu Jeso, si kobiit kong'ang'ak agine saboondap Jeso eng' poorwekyok che pegu.

2 KORINTOEK 6:9

ko uu che ma naotin, ago kingenech komyee; ko uu che machei kobek, ak ogeero, kisoptosi; ko uu che kitigoni, ago ma ki parech;

GALATYEK 6:17

Kobooch nguno ko matata konyalila chii: amu aiboti eng' poortanyu perutigap Jeso.

EPESOEK 3:1

Amu niito anee Paulo, kimonjororyotap Kristo Jeso agobo okweek Pororyosyek,

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

EPESOEK 6:20

amu aa tononjinindet ne po nooto eng' nyororosyek; si kobiit ang'alaal eng' chooto eng' nyiganateet, ko uu ye nyolu amwa.

PILIPIK 1:13

kot kotook monjorornatennyu agobo Kristo eng' kiplugotinik tugul che po kaplaitoryat, ak eng' piik alak tugul;

PILIPIK 2:17

Ee, agot ngerong'ja paragutap kaptisisyet ak otisyetap kayaneng'wong', ko abaibai, ak agasigei kobootok okweek tugul:

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

1 THESSALONIKEK 3:2

ak kiyogu Timoteo, tupchennyo ak ko kiboityotap Kamuktaindet eng' logoiywek che myach che po Kristo, kogimitok, ak kogaigaak agobo kayaneng'wong';

1 TIMOTEO 4:6

Ngot ibwaatyi che kitupche tuguuchu, iegu anyun kiboityot ne myee ne po Kristo Jeso, ne paat komyee eng' ng'aleek che po kayaneet, ak eng' kaneetisyet ne myee ne ki isup inyee:

2 TIMOTEO 1:16

Ingogoochi Kiptaiyat rireenet kootap Onesiporo: amu kitoreta konyil che chaang', ama ililan amu monjororitinnyu;

2 TIMOTEO 1:8

Amelilanji anyun paornateetap Kiptaiyandennyo, anan anee kimonjororyondennyi: ago nam yamdaetap nyalilwogik amu logoiywek che myach ko uu ye tee kamuktaetap Kamuktaindet;

2 TIMOTEO 2:9

ne anyoorunee nyalilda, agoi monjorornatosyek; ko uu chiito ne yaei yaityo; ago ma rataat ng'olyootap Kamuktaindet.

2 TIMOTEO 3:11

usiisyosyek, nyalilwogik; tuguuchooto che kibwanjo eng' Antiok, ak Ikonia, ak Lystra; ki amuite eng' usiisyosyechooto tugul: ak kisarwo Kiptaiyat eng' chooto tugul.

PILEMON 1:9

ago, amu chamyet asoomin miising', anee Paulo ne koaositu, ak nguno kogeny ko aa kimonjororyot ne po Kristo Jeso.

HEBRANIK 10:34

Amu ki oriree icheek che ki ratotiin, ak ocham eng' poiboiyet kerebenak tuguukwok, amu ki ongen ole otinye mogornateet ne myee kosiir chooto ago ne tebyei koigeny.