2 KORINTOEK 11:13 - Bukuit Ne Tilil

¹³ Amu piik che uu chooto ko che kiyooktoi che po lembech, kiboitinigap keniisyet, che walegei koek che kiyooktoi che po Kristo.

BUKUIT NE TILIIL Sireet ne Dutero Kanon

¹³ Amu piik che uu chooto ko che kiyooktoi che po lembech, kiboitinigap keniisyet, che walegei koek che kiyooktoi che po Kristo.

BUKUIT NE TILIL

¹³ Amu bik che u choto ko che kiyoktoi che bo lembech, kiboitinikab kenisiet, che walegei koek che kiyoktoi che bo Kristo.

2 KORINTOEK 11:13 ပူးပေါင်းရင်းမြစ်များ

JEREMIA 23:16

Mwaei Kamuktaindet ne Toroor ne po lugoosyek kole, amoepchi iit ng'aleegap maotik che maotenwok; ineetook tangoita: mwaei ng'ang'utyet ne punu mugulelwekwak, ama ne mang'une kutitap Kamuktaindet ne Toroor.

JEREMIA 27:14

Amogas ng'aleegap maotik che ng'alaalwok koleenjinok, Moote laitoryatap Babilon: amu maotenwok lembeita.

MATAYO 25:24

“Ki nyo agine ne kiga taach talendait agenge ak kole, ‘Kiptaiyat, ki angenin ale, ii chii ne kolgol, igese eng' ole ma igoolji, ak iyumi eng' ole ma ilechi;

POISYONIGAP CHE KIYOKTOI 15:1

Ki choorgei anyun piik alak che ki punu Judea ak koneet tupchosyek kole, “Ngot koma kimuratanak ko uu piteetap Musa, ko momuuchi onyooru saruunet.”

POISYONIGAP CHE KIYOKTOI 15:24

Ko uu ye ko kegas keele, inyalilok eng' ng'aleek piik alak che kibunei kwenunnyo, kong'emei saboonwekwok; piik che ki ma king'at ko uu nooto;

POISYONIGAP CHE KIYOKTOI 20:30

Ak tuun ng'eetos alage eng' kwenung'wong' komwaei ng'aleek che imaasi piich, si kochuut kasubik koosup icheek.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

2 KORINTOEK 11:15

Ma kiy ne oo anyun ngo walegei otwogikyik koigei kiboitinigap imanda; ne kagesunennywa konamegei ak poisyonikwak.

2 KORINTOEK 2:17

Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

2 KORINTOEK 4:2

ago kigeeesye tuguuk che ung'ootiin che po kalilanet, ama kibendoti eng' ng'aalseet, anan keboisyee ng'olyootap Kamuktaindet eng' kaberberisyet; ago eng' kabartaetap imanit, kiboorchinigei kabwaatetap chii age tugul eng' taitap Kamuktaindet.

GALATYEK 1:7

che ma teer: kobatee mi alage che iimok, ak machei kowal logoiywek che myach che po Kristo.

GALATYEK 2:4

amu tupchosyek che po lembech che ki kimut kobwa oriit eng' ung'oot, che ki mong' eng' ung'oot kosegei katyagennyo ne ki tinyei eng' Kristo Jeso, si kobiit kondeech otwoknateet:

GALATYEK 4:17

Igiiljinogei kocheeng'ok eng' ooreet ne ma myee: ee, machei kole kogerchok saang', si kobiit ocheeng' icheek.

GALATYEK 6:12

Tugul che tee che machei telunateet eng' poorto, kobirchinok kole kimuratanak; ago si ma kiusaus icheek agobo kimurtoiyotap Kristo.

EPESOEK 4:14

si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik;

PILIPIK 3:18

Amu pendoti che chaang' che ki amwaiwok kotugul agobo icheek, ak nguno amwaiwok eng' riirek, ale icheeget ko puunigap kimurtoiyotap Kristo:

PILIPIK 3:2

Oriibegei sesenik, oriibegei yaigap yaityo, oriibegei icheek che tilegei:

KOLOSAIK 2:4

Amwae niito ale, si ma kenaak chii age tugul eng' ng'aleegap lomset.

KOLOSAIK 2:8

Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:

1 JOHANA 2:18

Lagochu, ni sait ne po let: ak ko uu ye ki ogas keele tuun nyoonei kirindoindetap Kristo, agot nguno ko kagobiit kirindoigap Kristo che chaang'; kingen eng' nooto keele niito sait ne po let.

1 JOHANA 4:1

Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 2:2

Angen poisyoniguk, ak poisyeng'ung' ne nyigiis ak muitaeng'ung'. Angen ale memuuchi imuite agobo piik che yaacheen, ak kiityem icheek che kuuregei che kiyooktoi ago ma chooto, ak ki inai ile kiplembechonik.

NG'ANG'UTYET 2:20

Ago ating'enen ng'olyoo: ale ichamjini kobogoryot Jesebel, ne kuuregei maotyo; ak koneeti otwogikyuk ak kogoigoi kosokso, ak koam tuguuk che kigoochin kanamonik.

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.