2 KORINTOEK 10:1 - Bukuit Ne Tilil

¹ Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

BUKUIT NE TILIIL Sireet ne Dutero Kanon

¹ Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

BUKUIT NE TILIL

¹ Asomok anyun ane Paulo eng’ talasiet ak mutyonetab Kristo, ane ne ming’in ye ami kobotok eng’ kwenung’wong’, ago ye mami kobotok atinye nyiganatet:

2 KORINTOEK 10:1 ပူးပေါင်းရင်းမြစ်များ

TIENWOGIKAL 45:4

Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 21:5

“Omwachi cheptap Zion, Keero, nyoonjinin Laitoryandeng'ung', tala, ak kobunu sigiryet, ak moitap sigiryet, parnotyot.”

POISYONIGAP CHE KIYOKTOI 8:32

Ak chu siruutik che kisomanoti, “Ki kimut ko uu keechiiryet ne ki kweryei kwo eng'seet; ak ko uu aarwetap keechiiryet ne siisei eng' taitap chiito ne tilei koroorikyik, uu nooto agine mang'aany kutinnyi.

ROMANIK 10:20

Ak nyigan miising' Isaiah, ak mwaei kole, “Ki nyoorwo icheek che ki ma cheeng'a; ki ataagu eng' icheek che ma teeba.”

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 15:15

Ago, asirwok agobo ng'aleek alak eng' nyiganateet ne siirei, ko uu ye abwaatwok kogeny, amu myeeindo ne ki koono Kamuktaindet,

1 KORINTOEK 2:3

Ki ami kobootok eng' nyalulet, ak eng' kaiyweisyet, ak eng' potanet ne oo.

1 KORINTOEK 4:10

Ki che perberen acheek amu Kristo, ago oo utaatiin eng' Kristo; kinyalulyotin acheek, ago oo kiimeen; otinye teegisto okweek, ago ma teechech chii.

1 KORINTOEK 4:21

Nee ne omache anyun? Anyoonjok ak kirokto, anan eng' chamyet ak muguleldap talasyet?

2 KORINTOEK 10:10

Amu mwaei icheek kole, “Paronokyik ko nyigiisen ak ko kiimeen; ago nyalulat ineendet ye miitei tainnywa, ama tilei kiy ng'aleekyik.”

2 KORINTOEK 10:2

ee, asoomok, ale si ma nyiganitu ye ami kobootok eng' kamang'unet ne koono aiit ale aa nyigan eng' alak, che iitech kole kibendoti eng' atebeetap poorto.

2 KORINTOEK 10:7

Ogeere tuguuk che miitei taitap konyekwok. Ngot komang'ugei chii age tugul kole po Kristo, ko ingoruchi niito kogeny ineegei, kole, ko uu ye po Kristo ineendet, ke uu nooto agacheek.

2 KORINTOEK 11:21

Ang'alaali eng' sasetapkei, ko uu ye kinyalulyotin. Ago ngot ko nyigan chii eng' kiy age tugul (ang'alaali eng' perberyo), aa nyigan agane.

2 KORINTOEK 11:30

Ngot ko nyolu aloske, alasuge agobo tuguuk che po nyalulennyu.

2 KORINTOEK 12:5

Alasuge agobo chiichooto: ago malasuge agobo aneege, kobatee eng' nyalulnatosyekyuk.

2 KORINTOEK 3:12

Nooto anyun, amu ki tinyei kamang'unet ne uu ni, keboisyee anyun nyiganateet ne po keny eng' ng'alaalet,

2 KORINTOEK 5:20

Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

2 KORINTOEK 7:4

Oo nyiganateet ne ang'alaalunenok, oo katoroorennyu pogei agobo okweek: kanyiia kagaigaet, kanyiia poiboiyet kot kong'irtagei eng' pichiinwekyok tugul.

GALATYEK 4:13

ago ongen ole ki aamwok logoiywek che myach eng' tai, amu nyalulnatetap poorto:

GALATYEK 5:2

Ogeero, amwaiwok anee Paulo, ale, ngimuratanak, ko motinye keluno eng' Kristo.

EPESOEK 3:1

Amu niito anee Paulo, kimonjororyotap Kristo Jeso agobo okweek Pororyosyek,

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

PILIPIK 4:5

Ingonaak mutyoneng'wong' eng' piik tugul. Kagoriik Kiptaiyat.

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

2 THESSALONIKEK 3:17

Kagatennyu anee Paulo eng' eunnyu, nooto kaboorunet eng' parweet age tugul: asire anyun ko uu nooto.

PILEMON 1:19

aneendet Paulo ne kasir eng' eunnyu, ale ayaagun; ago ma mwaun ale itinye pesendanyu, uu keele, inyeendet nooto.

PILEMON 1:9

ago, amu chamyet asoomin miising', anee Paulo ne koaositu, ak nguno kogeny ko aa kimonjororyot ne po Kristo Jeso.

1 PETERO 2:11

Chamanichu, asoomok ko uu ye oo toek ak ko oo kiprutoinik, ale oistoegei maguutik che po poorto, che poortos ak saboondo;

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.