2 ATEPTAP PEETUUSYEK 8:14 - Bukuit Ne Tilil

¹⁴ Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

BUKUIT NE TILIIL Sireet ne Dutero Kanon

¹⁴ Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

BUKUIT NE TILIL

¹⁴ King’at ripsosiekab tisiik eng’ otisienywa, ko u ng’atutietab Daudi kwandanyi, ak king’at Lawik, koyai boisionikwak, si kolosu ak koboisiei eng’ taitab tisiik, ko u ye yamei boisietab betut age tugul: ak king’at ribikab kurget agichek koyai ripsosiekwak eng’ kurget age tugul: amu kiga ng’at Daudi chitab Kamuktaindet ko u noto.

2 ATEPTAP PEETUUSYEK 8:14 ပူးပေါင်းရင်းမြစ်များ

2 SAMUEL 23:2

Ki ng'alaalena Kabuusetap Kamuktaindet ne Toroor, ak ki mi ng'olyoondennyi ng'elyeptanyu.

1 LAITORINIK 13:1

Eng' peetuut age ko kitononi Jeroboam eng' ye neegitee kapkorosuut kobeelei nyamdutik. Ki nyo chiitap Kamuktaindet ne Toroor eng' Judah eng' ng'olyootap Kamuktaindet ne Toroor konyo Bethel.

1 ATEPTAP PEETUUSYEK 16:37

Ki pagaach anyun Asaph ak tupchosyekyik eng' yooto, eng' taitap moingetap arorutyetap Kamuktaindet ne Toroor, si kobiit kobois eng' yooto peetuusyek tugul ko uu ye yamegei ak poisyetap peetuut age tugul.

1 ATEPTAP PEETUUSYEK 16:42

Ki mi kobooto icheek Herman ak Jeduthun che ki tinyei iryagook ak sanisyek che po sugunonik che kibirei, che po icheek che pirei kocheiyo miising', ak tuguuk che kibutei che po tyenwogigap Kamuktaindet. Ki tebee weeriigap Jeduthun ormariich.

1 ATEPTAP PEETUUSYEK 23:1

Ye kiga koosit Daudi ak kiga kochang'a peetuusyekyik, ko ki yai Solomon weeriinnyi koek laitoryat koboi Israel.

1 ATEPTAP PEETUUSYEK 24:1

Ki chu pcheutigap weeriigap Aron. Weeriigap Aron ko ki: Nadap, Abiu, Eleazar, ak Ithamar.

1 ATEPTAP PEETUUSYEK 24:3

Ak kipchei Daudi ak Zadok, eng' weeriigap Eleazar, ak Ahimelek, eng' weeriigap Ithamar, kopchei icheek ko uu koiitennywa eng' poisyennywa.

1 ATEPTAP PEETUUSYEK 25:1

Ki itabaan kogeny Daudi ak kiptainigap lugeet alak eng' weeriigap Asaph, che po Herman, ak che po Jeduthun, kotaabanji poisyet, si komaotenso eng' ketubosyek, kibugandinik ak sanisyek che po sugunonik che kibirei. Koitetap icheeget che kiyaei poisyet ko uu otisyennywa ko:

1 ATEPTAP PEETUUSYEK 26:1

Pcheutigap riibiigap kurgotik che kiwoljinge ko: che po Koraik ko ki: Meselemya weeriitap Kore, che po weeriigap Asaph.

1 ATEPTAP PEETUUSYEK 28:19

Ki kigoono aguiyo chuuto tugul eng' siruutik kobun eutap Kamuktaindet ne Toroor, poisyonik tugul che po kergeini.

1 ATEPTAP PEETUUSYEK 9:17

Riibiigap kurgeet ko ki: Shallum, Akub, Talmon, Ahiman, ak tupchosyekwak, ki ne oo Shallum;

1 ATEPTAP PEETUUSYEK 9:24

Ki mi riibiik komoswek ang'wan: komostap kong'asiis, cherongo, murot kaataam ak murot tai.

2 ATEPTAP PEETUUSYEK 23:19

Ak ki inde riibiik kurgotigap kootap Kamuktaindet ne Toroor, si ma wo ko chii age tugul ne ma tiliil eng' kiy age tugul.

2 ATEPTAP PEETUUSYEK 23:4

Ni kiit ne oyae: egu riibiigap kurgotik kebeberta agenge eng' somok eng' okweek, che pwoonei eng' peetuutap sabato, che po Tisiik ak Lawiik;

2 ATEPTAP PEETUUSYEK 29:25

Ki inde Lawiik kootap Kamuktaindet ne Toroor, kotinyei sanisyegap sugunonik che kibirei, kibugandinik ak ketubosyek, ko uu ng'atuutyetap Daudi, ak ne po Gad keerindetap laitoryat, ak maotyot Nathan; amu ki punu ng'atuutyonooto Kamuktaindet ne Toroor eng' maotikyik.

2 ATEPTAP PEETUUSYEK 31:2

Kipchei Hezekiah riipsosyegap Tisiik ak Lawiik kobee riipsosyekwak, chii tugul ko uu poisyennyi, Tisiik ak Lawiik agobo kagoochinoik che kibeelei ak kagoochinoik che po kaalyeet, kootis eng' ormariichogap nganaseetap Kamuktaindet ne Toroor ak koweekta kongoi ak kolas.

2 ATEPTAP PEETUUSYEK 35:10

Kochobok anyun otisyet ak kotononso tisiik eng' komostanywa, ak Lawiik eng' riipsosyekwak, ko uu ng'atuutyetap laitoryat.

2 ATEPTAP PEETUUSYEK 35:15

Ak kimi komostanywa tyeniik weeriigap Asaph, ko uu ng'atuutyetap Daudi, ak Asaph, Herman, ak Jeduthun keerindetap laitoryat; ak kimi riibiik ormariichet age tugul; ki ma ko nyoljin kobagaakta poisyennywa, amu kichopchin Lawiik tupchosyekwak tugul.

2 ATEPTAP PEETUUSYEK 35:4

Ak ochopkei obee kooriigap kwanisyekwok ko uu riipsosyekwok, ko uu siruutigap Daudi laitoryatap Israel, ak siruutigap Solomon, weeriinnyi.

2 ATEPTAP PEETUUSYEK 5:11

Ak kingo mong' tisiik eng' ole-tiliil, (amu kiga kotiliilgei tisiik tugul che ki mi yooto, koma riip kweanaikwak.

2 ATEPTAP PEETUUSYEK 8:15

Ki ma meto ng'atuutyetap laitoryat ne ki ng'at Tisiik ak Lawiik agobo ng'olyoot age tugul, anan agobo konoraik.

EZRAH 6:18

Ki inde `icheek tisiik ko uu pcheutikwak ak Lawiik ko uu riipsosyekwak agobo otisyetap Kamuktaindet ne mi Jerusalem, ko uu ye siraat eng' bukuitap Musa.

NEEMIA 12:24

Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

NEEMIA 12:25

Che ki riibiigap kurgotik ko: Mattaniah, Bakbukia, Obadiah, Mesulam, Talmon ak Akub. Chuuto che kiriipsei eng' chogenigap ormariichok.

NEEMIA 12:36

ak tupchosyekyik, Semaiah, Asarel, Milalai, Gilalai, Maai, Nethanel, Judah ak Hanani, kotinyei kibugandinik che po Daudi chiitap Kamuktaindet ne Toroor. Ak ki indoe icheek Ezrah siriindet.

LUKA 1:5

Eng' peetuusyegap laitornatetap Herod eng' Judea ko ki mi tisiindet age ne ki kiguure Zekariah, ne po riipseetap Abijah: ak ki tinyei osotyot ne kisalu kap-Aaron, ak ki kiguure kainennyi Elizabeth.

LUKA 1:8

Ak ye kita koyaei tisiisyet eng' taitap Kamuktaindet, ko uu teteetap riipsennyi,

POISYONIGAP CHE KIYOKTOI 13:22

Kingo kagoisto ineendet, kong'eetyi Daudi koek laitoryannywa; ne kibaoryanji agine kole, ‘Kaanyooru Daudi weeriitap Jesse, chiito ne iboiboi muguleldanyu, ne tuun yaei maguutikyuk tugul.’

POISYONIGAP CHE KIYOKTOI 13:36

Amu ye kingo kagoboisyechi Daudi kirwoogutigap Kamuktaindet ne Toroor eng' ibindanyi, konuuch, ak ki kitup kobooto kwanisyekyik, ak kogeer nunet.

NG'ATUTIK 33:1

Ni kaberuret ne ki iberuur `Musa chiitap Kamuktaindet piigap Israel kotom kome: