2 ATEPTAP PEETUUSYEK 5:13 - Bukuit Ne Tilil

¹³ Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

BUKUIT NE TILIIL Sireet ne Dutero Kanon

¹³ Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

BUKUIT NE TILIL

¹³ ak kingoyomogei bik che kuutei iriagok ak tienik koek agenge, si kotien cheet agenge kegas eng’ kalosunet ak komwachin Jehovah kongoi; ak kingotien eng’ kutit ne o eng’ iriagok ak sanisiekab sugunonik, ak kibugandinikab tienwogik, ak kolos Jehovah, kole, Amu mie inendet; bo koigeny rirenennyi: konyi got anyun boldet, ne noto ko gotab Jehovah,

2 ATEPTAP PEETUUSYEK 5:13 ပူးပေါင်းရင်းမြစ်များ

1 ATEPTAP PEETUUSYEK 16:4

Ki lewen alak eng' Lawiik kobois eng' taitap moingetap Kamuktaindet ne Toroor, koyai kabwaatet, komwachin kongoi, ak kolasu Kamuktaindet ne Toroor, Kamuktaindetap Israel;

2 ATEPTAP PEETUUSYEK 20:21

Kingo kagong'alaal ak piik, kolewen che tyenjin Kamuktaindet ne Toroor, ak kolasu ineendet eng' karaaranindap tiliilindo, komandoi kondoe lugeet, koleen, “Oweekyi Kamuktaindet ne Toroor kongoi, amu po koigeny rireenennyi.”

2 ATEPTAP PEETUUSYEK 20:22

Kingo toi kotyenso ak kolasu, konde `Kamuktaindet ne Toroor piik che ribistos si kobargei ak lagogap Ammon, ak Moab, ak tulweetap Seir, che ki kobwonji kobookyi Judah; ak ki kibar.

2 ATEPTAP PEETUUSYEK 7:1

Ye kingo kes Solomon saaet, kochoorgei maat eng' kipsengwet ak kobeel kagoochinet ne kibeelei ak koroseek, ak ki nyi koot liilindap Kamuktaindet ne Toroor.

2 ATEPTAP PEETUUSYEK 7:2

Ko uu ye kiganyi liilindap Kamuktaindet ne Toroor kootap Kamuktaindet ne Toroor, ko ki ma imuuch tisiik koba koot oriit.

2 ATEPTAP PEETUUSYEK 7:3

Ye kigeerei lagok tugul che po Israel kochoorugei maat ak kotebee liilindap Kamuktaindet ne Toroor paragutap koot, ak ki ing'uruugis icheek kot koit ng'wony togoochikwak eng' ye ki kitetyi koik, ak kolas ak komwachi kongoi Kamuktaindet ne Toroor kole, “Amu myee ineendet, amu po koigeny rireenennyi.”

2 ATEPTAP PEETUUSYEK 7:6

Kitononso anyun tisiik kobee poisyonikwak; ki yai ko uu nooto Lawiik ak icheek che ki tinyei kibungandinigap tyenwogik che po Kamuktaindet ne Toroor, che kiga koyai Daudi laitoryat che kimwachine kongoi Kamuktaindet ne Toroor. Kityenso kole “Amu po koigeny rireenennyi,” ko uu ye ki ng'at `Daudi icheek eng' otisyennywa. Kiguutei iryagook tisiik eng' tainnywa, ak kitononso Israel tugul.

EZRAH 3:11

Kiwoljingei kotyeni kolasu ak komwachin kongoi Kamuktaindet ne Toroor koleen, “Amu myee ineendet, amu po koigeny rireenennyi eng' Israel.” Ak ki waakyo piik tugul eng' waagaat ne oo ye ki ilasu Kamuktaindet ne Toroor, amu kiga kelumda lumeiywotap kootap Kamuktaindet ne Toroor.

NEEMIA 12:27

Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 106:1

Olasu Kamuktaindet ne Toroor! Ee, oweekyi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 107:1

Oweekyi Kamuktaindet ne Toroor kongoi; amu myee ineendet: Amu tebyei rireenennyi koigeny.

TIENWOGIKAL 118:1

Omwachi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 150:3

Olasu ineendet eng' cheetap iryageet; olasu ineendet eng' kibugandet ak ketubet!

TIENWOGIKAL 150:5

Olasu ineendet eng' sanisyegap sugunonik che kibirei che cheitos; olasu ineendet eng' sanisyegap sugunonik che cheitos miising'.

TIENWOGIKAL 22:4

Ki imang'un kwanisyekyok; ki imang'un ak ki isaru.

TIENWOGIKAL 81:2

Otyen tyendap kalasunet, ak obir sugutit ne ming'in, ketubet ne tinyei cheet ne rurei, ak kibugandet.

KOMONG'U 29:43

Kituiyechini yooto ak piigap Israel ak itiliili toroornatennyu yooto.

ISAIAH 52:8

Kutitap riibiguk! Waachei icheek, tyendos kibagenge; amu tuun keerei icheek togoch eng' togoch, ye weeksei Kamuktaindet ne Toroor konyonei Zion.

JEREMIA 32:39

ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

ROMANIK 15:6

si kobiit otoroor Kamuktaindet ineendet Kwandap Kiptaiyandennyo Jeso Kristo eng' mageet agenge ak kutit agenge.

NG'ANG'UTYET 15:8

Ak ki nyi Hekaluut iyeto ne ki punu toroornatetap Kamuktaindet, ak kamuktaennyi; ak ki ma imuuch chii kwo Hekaluut oriit, agoi kogeskei korotwek tisabu che po malaikaisyek tisap.