2 ATEPTAP PEETUUSYEK 36:16 - Bukuit Ne Tilil

¹⁶ Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

BUKUIT NE TILIIL Sireet ne Dutero Kanon

¹⁶ Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

BUKUIT NE TILIL

¹⁶ Ago kireny bichoto kiiyoktoi Kamuktaindet, ak kisas ng’alekyik, kogengenie maotikyik, agoi konerekyi Jehovah bikyik, kot ko ma komi kit ne kinyae.

2 ATEPTAP PEETUUSYEK 36:16 ပူးပေါင်းရင်းမြစ်များ

2 LAITORINIK 2:23

Ki togosta eng' olooto kwo Bethel. Ye kita kotogostoi eng' ooreet, komong' weeriik che mengeechen eng' nganaseet ak kowit ineendet, koleenji, “Togoste inyee kipchurmet! Togoste, inyee kipchurmet!”

1 ATEPTAP PEETUUSYEK 19:4

Ki nam anyun Hanun otwogigap Daudi, konem tamnokwak, kotil ngoroikwak komut kwenut koboochit ngorook, ak kounda koba.

2 ATEPTAP PEETUUSYEK 24:19

Agos ki iyookyi icheek maotik kole komut icheek koweekyi Kamuktaindet ne Toroor; ak kibaoryan kogirinda icheek, ago ma cham kogas.

2 ATEPTAP PEETUUSYEK 30:10

Ki pun anyun piik che kiga kiyookto nganaseet age tugul eng' emetap Ephraim ak Manasseh, agoi Zebulun; ago kirorechi, kochot icheek, ak kochurachur.

EZRAH 5:12

Ago kingo kagotach `kwanisyekyok Kamuktaindetap kipsengwet kot konereech, konde icheek eutap Nebukadnezar laitoryatap Babilon, Kaldeindet ne king'em kooi ak komut piik koba Babilon.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

NEEMIA 9:30

Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

TIENWOGIKAL 35:16

Ki ichota icheek miising', ki sus kelek agobo anee.

TIENWOGIKAL 74:1

Ee Kamuktaindet, amu nee si iwiirtech agoi? Amu nee si koiyenji nereegeguk keechiiregap akweeng'ung'?

KALEWANAIK 29:1

Ineendet ne iuuiiti kaatinnyi, ko kageger kong' konyil che chaang', ko yaitu eng' chokyinet, ama mi kiy ne kinyae.

KALEWANAIK 6:15

Cheei anyun ineendet nyalildanyi; ng'emaksei eng' chokyinet ama mi kiy ne kinyae.

ISAIAH 28:22

Nooto anyun, amat oegu saasiik, si ma kigiich ratuutikwok amu ki agas kagesunet ne kigeng'at, ne punu Kiptaiyat Kamuktaindet ne Toroor ne po lugoosyek eng' ng'wony komugul.

ISAIAH 5:4

Nee ne kita ta keyaei ne siirei eng' mbareennyu ne po sabibuk, ne ma ayai? Amu nee anyun, ye kinga leen yiei sabibuk, koi sabibuk che yaacheen?

ISAIAH 57:4

Ourerenjini ng'oo? Oseng'eng'jini ng'oo, ak ochuutyini ng'elyepta? Tos ma oo lagogap pistoet, iyoteetap kaberberisyet,

ISAIAH 65:12

aityinok anyun rotwetap chok, ak ong'uruukyini tugul parisyet: amu kinga kuurse, koma kowolu; kinga ng'alaal, koma ogas; ago ki oyai yaityet eng' tainnyu, ak ki olewen ne ma paibaitune.

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 20:7

Ee Kamuktaindet ne Toroor, ki iberbera, ak ki aberberage: ii kiim isiira, ak ki iterteerisye: kaaegu ne kirorechin peetuut komugul, churochura age tugul.

JEREMIA 20:8

Amu kotugul ye ang'alaali, awaache; awaache ale, Koroomnateet ak luuleet: amu kagiyai ng'olyootap Kamuktaindet ne Toroor koek chotisyet eng' anee, ak aegu ne kirorechin eng' peetuut komugul.

JEREMIA 30:12

Amu mwaei Kamuktaindet ne Toroor kole, ma inyaaksei kaguoteneng'ung', ak ko ng'waan moeng'ung'.

JEREMIA 32:3

Amu kiga koger ineendet Zedekiah laitoryatap Judah koleenji, amu nee si imaoten, ak ile, Mwaei Kamuktaindet ne Toroor kole, agoochini nganasani eutap laitoryatap Babilon, ak koluul;

JEREMIA 32:33

Ak ki kotuktocha patai, ama keera: ak nganda ki aneet icheek, ang'eete karon miising' ak aneeti, koma epchi iit si kotaach kaneetisyet.

JEREMIA 38:6

Konam anyun icheek Jeremiah, ak kotoorchi ineendet keriingetap Malkija weeriitap laitoryat, ne ki mi seremutap riibiik: ak kichoortae Jeremiah rogoonik. Ki ma komi peek keriingonooto, ago kimi ng'atateek: ak kirorokyi Jeremiah ng'atateek oriit.

JEREMIA 42:18

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

DANIEL 9:6

Ama ki kas iit otwogiguk `maotik, che ki ng'alaalji eng' kaineng'ung' laitorinikyok, pounikyok ak kwanisyekyok, ak piik tugul che po emet.

ATEPTAP LAWIK 26:15

ak ngot oeesye kaneetisyosyekyuk, ak kowech saboonwekwok kirwoogutikyuk, kot ko moyai ng'atuutikyuk tugul, obut kayomisennyu,

MATAYO 23:34

Nooto anyun ayookwok maotik, piik che ng'oomen ak siriik, che alak eng' icheek ko tuun obare ak ogartoti, ak obire kipchoritiit alak eng' icheek eng' sinagogisyekwok, ak ousoti kong'etee nganaseet age agoi nganaseet age.

MATAYO 5:12

Oboiboitu ak ogaaskei miising', amu oo melektang'wong' eng' kipsengwet; amu ki kiusaus ko uu nooto maotik che ki indounenok.

LUKA 16:14

Ak ki kas Pharisaik tuguuchuuto tugul. Ki chamei silingisyek icheeget, ak kororechi ineendet.

LUKA 18:32

Amu kindoi ineendet eunegap Pororyosyek, si kechurachur, ak kiteweer, ak kesing'ilji:

LUKA 23:11

Ak ki iming'in ineendet Herod ak asigarikyik, ak kochombil, ak kolaakyi ngoryeet ne karaaran miising' ak koweekyi Pilato kogeny.

LUKA 23:36

Ak kichurochur ak icheek kiplugotinik ineendet, kobwanei ye mi ineendet, kogoochin siki,

LUKA 6:23

Oboiboitu eng' peetuunooto ak otorombense eng' poiboiyet, amu, ogeero, oo melektang'wong' eng' kipsengwet; amu ki yachi `kwanisyekwak maotik ko uu nooto.

POISYONIGAP CHE KIYOKTOI 13:41

‘Ogeero, okweek saasiik, okwong'ye ak olusye; Amu ayae poisyet eng' peetuusyekwok, poisyet ne ma koi oyan matiny, agot ngo mwaiwok chii.’ ”

POISYONIGAP CHE KIYOKTOI 17:32

Ye kingo kas anyun agobo ng'eetyeetap che ki pek, kochombil alage; ago ki le alak, “Ta kegasun niito peetuut age.”

POISYONIGAP CHE KIYOKTOI 2:13

Ago kichombil alak kole, “Kabogityo eng' divaik che leelach.”

POISYONIGAP CHE KIYOKTOI 7:52

Ng'oo eng' maotik ne ma us kwanisyekwok? Ak ki par che kisip koboor nyonunetap Chiito ne po Imanda; ne kaoegu okweek nguno ng'wektoik ak rumiik.

1 THESSALONIKEK 4:8

Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

HEBRANIK 11:36

ak ki kityem alak eng' chombilet, ak eng' pirisyosyegap kipcharitisyek, ee, ak kogeny eng' ratisyosyek ak toorchinetap korgoreet:

KIRUOGIK 2:17

Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.