2 ATEPTAP PEETUUSYEK 34:25 - Bukuit Ne Tilil

²⁵ amu ki kometa, ak ki kobeelji nyamdutik kanamonik, si kobiit kotacha anereech eng' poisyonik tugul che po eunekwak; nooto anyun, karoong'jigei nereegekyuk yuto, ama kimisi.

BUKUIT NE TILIIL Sireet ne Dutero Kanon

²⁵ amu ki kometa, ak ki kobeelji nyamdutik kanamonik, si kobiit kotacha anereech eng' poisyonik tugul che po eunekwak; nooto anyun, karoong'jigei nereegekyuk yuto, ama kimisi.

BUKUIT NE TILIL

²⁵ amu kigometa, ak kigobeelji nyamdutik kanamonik, si kobiit kotacha anerech eng’ boisionik tugul che bo eunekwak; noto anyun, karong’jige neregekyuk yuto, ama kimisi.

2 ATEPTAP PEETUUSYEK 34:25 ပူးပေါင်းရင်းမြစ်များ

2 LAITORINIK 22:17

Amu kimetaa icheek ak kobeelji nyamdutik kamuktaik ak kotacha anereech eng' poisyonikwak tugul che po eunekwak, eng' nooto anyun, kolaldos nereegekyuk agobo koroni, ama kimisi.’

2 ATEPTAP PEETUUSYEK 12:2

Ak amu kiga kongelelji Kamuktaindet ne Toroor ko ki togos Sisak laitoryatap Misiri konyo kobar Jerusalem eng' kenyiit ne po muut ne po Laitoryat Rehoboam.

2 ATEPTAP PEETUUSYEK 12:7

Kingo keer Kamuktaindet ne Toroor kole kagoming'ingei, konyonji `ng'olyootap Kamuktaindet ne Toroor Semaiah, koleenji: “Kagoming'ingei icheek, ma abare, ago asaru kitigin, ak ma keroong'jin Jerusalem nereegekyuk eng' eutap Sisak.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 24:18

Kometo anyun kootap Kamuktaindet ne Toroor, Kamuktaindetap kwanisyekwak, ak koot Aserik ak kanamonik. Ki nyoonji anyun nereegek Judah ak Jerusalem agobo ng'oogiswechuchwak.

2 ATEPTAP PEETUUSYEK 34:26

Ago oleenji laitoryatap Judah, ne kagoyokwok obwa oteepse Kamuktaindet ne Toroor, Kamwa Kamuktaindet ne Toroor, Kamuktaindetap Israel ko uu ni, kole: Eng' ng'aleechooto kaigas,

EZRAH 5:12

Ago kingo kagotach `kwanisyekyok Kamuktaindetap kipsengwet kot konereech, konde icheek eutap Nebukadnezar laitoryatap Babilon, Kaldeindet ne king'em kooi ak komut piik koba Babilon.

ISAIAH 42:25

Kiroong'ji anyun nereegekyik che koroomen, ak kimnateetap lugeet; ak koyieme maat ineendet, ago ma nai kora ak kobeel ineendet, ago ma chut muguleldanyi.

JEREMIA 22:9

Kowol anyun kole, amu kimeto kayomisetap Kamuktaindet ne Toroor Kamuktaindennywa, ak kolas kanamonik che teer, ak koot.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

RIREKAB JEREMIA 2:3

Ki kotil kimnateetap Israel eng' nereegekyik che ng'woneen. Ki koweech eunnyi ne po tai konyo eng' taitap puunik. Ki kolal ineendet ko uu maat ne liplibeni eng' Jakobo, ne peelei komoswek tugul.

RIREKAB JEREMIA 2:4

Ki koriich kwangennyi ko uu puunyoot, ki tonon kochuul eunnyi ne po tai ko uu puunyoot, ki kobar tugul che iboiboi koonyek; eng' emaitap cheptap Zion; ko ki koroong'ji nereegekyik che koroomen ko uu maat.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 20:48

Ak kogeer piik tugul kole aa Kamuktaindet ne Toroor ne kanaami maata: ma kimisi.

EZEKIEL 36:18

Ki aroong'ji anyun nereegekyuk che ng'woneen amu korotiik che kiga kotumji emet, ak kiga kong'wanit emonooto eng' kanamonikwak:

AMOS 5:6

Ocheeng' Kamuktaindet ne Toroor si osapche, si ma lal ko uu maat eng' kootap Joseph, ak kobeel Bethel kogees, ama piitu chii ne imisi.

NAHUM 1:6

Ng'oo ne imuuchi kotonon eng' taitap nereegekyik? Ak ng'oo ne imuuchi komuita eng' koroomnatetap nereegekyik? Kirong'u nereegekyik che ng'woneen ko uu maat, ak tonatoni `ineendet rwandosyek.