2 ATEPTAP PEETUUSYEK 31:14 - Bukuit Ne Tilil

¹⁴ Ki pou Kore weeriitap Imnah Lawindet, ne ki riibindetap kurgeet ne mi kong'asiis, kagoochinoigap chamyet che po Kamuktaindet, si kopcheita, kagoochinoigap Kamuktaindet ne Toroor che kinamjin parak, kobooto tuguuk che tiliileen miising'.

BUKUIT NE TILIIL Sireet ne Dutero Kanon

¹⁴ Ki pou Kore weeriitap Imnah Lawindet, ne ki riibindetap kurgeet ne mi kong'asiis, kagoochinoigap chamyet che po Kamuktaindet, si kopcheita, kagoochinoigap Kamuktaindet ne Toroor che kinamjin parak, kobooto tuguuk che tiliileen miising'.

BUKUIT NE TILIL

¹⁴ Ak kibou Kore weritab Imna Lawindet, ne ki ribindetab kurget ne mi kong’asis, kagochinoikab chamnyet che bo Kamuktaindet, si kopcheita, kagochinoikab Jehovah che kinamjin barak, koboto tuguk che tililen mising’.

2 ATEPTAP PEETUUSYEK 31:14 ပူးပေါင်းရင်းမြစ်များ

TAUNET 46:17

Weeriigap Asher chu: Jimna, Isba, Isbi, Beriah ak Zerah chepkametinnywa. Weeriigap Beriah chu: Heber ak Malkiel.

1 ATEPTAP PEETUUSYEK 26:12

Ki mi eng' chuuto pcheutigap piik che ki riibei kurgeet, piik che eecheen, kotinyei riipsosyek che uu che po tupchosyekwak, si kobois eng' kootap Kamuktaindet ne Toroor.

1 ATEPTAP PEETUUSYEK 26:14

Ki punji parbaryat ne kitokyigei kong'asiis Selemya. Yeityo koseer parbareek agobo Zekariah weeriinnyi, ne ki kirwoogindet ne ng'oom; ak ki mong' parbaryandennyi kotokyigei murot kaataam.

1 ATEPTAP PEETUUSYEK 26:17

Ki mi Lawiik lo komostap kong'asiis, komi ang'wanu komostap murot kaataam peetuut age tugul, komi komostap murot tai ang'wanu peetuut age tugul, ak ki aeng' aeng' che po koot ne kigonoree tuguuk.

2 ATEPTAP PEETUUSYEK 31:13

Ak Jehiel, Azaziah, Nahath, Asahel, Jerimoth, Josabad, Eliel, Ismachiah, Mahath, ak Benaiah, ko ki riibiik che ki indochin Konaniah ak Shimei ng'eetap kamet, ko uu ye ki ng'at Laitoryat Hezekiah, ak Azariah pounindetap kootap Kamuktaindet.

2 ATEPTAP PEETUUSYEK 31:15

Kirubei ineendet Eden, Miniamin, Jeshua, Semaiah, Amariah, ak Shekaneiah eng' nganasoogap tisiik, eng' poisyennywa ne ki kigoochi si kogoochi tupchosyekwak kobee riipsosyekwak, kogoochi che eecheen ak che mengech kogergeit,

EZRAH 1:4

Ak chii age tugul ne kang'et eng' oldo tugul ole menyei, ko ingotoret piigap oldanyi chiichooto eng' fedha, thahabu, tuguuk ak tuuga kobooto kagoochinoik che po chamyet agobo kootap Kamuktaindet ne mi Jerusalem.’ ”

EZRAH 3:5

Ye kingo pata kogoito kagoochinet ne kibeelei ne po kotugul, kagoochinoik che po ye kaleel arawet, che po igoorwek tugul che po Kamuktaindet ne Toroor che ki king'at, che ki kitabaan ak che po chii tugul ne ki igoochin Kamuktaindet ne Toroor kagoochinetap chamyet.

EZRAH 7:16

Ip kobooto fedha tugul ak thahabu che inyoorchini emet tugul ne po Babilon, kobooto kagoochinet ne po chamyet ne po piik ak ne po tisiik, kogoitoi eng' chamyet agobo kootap Kamuktaindennywa ne mi Jerusalem.

NEEMIA 13:13

Ki ande riibiik koriip ole kigonoree tuguuk, Selemya tisiindet, Zadok siriindet, ak eng' Lawiik ko Pedaiah. Kirubei icheek Hanan weeriitap Sakur, weeriitap Mattaniah amu ki kiit keele piik che kiyani ak ki poisyennywa ko kopchechi tupchosyekwak tuguuk.

TIENWOGIKAL 119:108

Asaain ale taach konunoigap kutinnyu, ee Kamuktaindet ne Toroor, ak ineeta kirwoogutiguk.

ATEPTAP LAWIK 2:10

Kagoochinetap peek che kang'et ko punjin Aron ak weeriikyik. Niito ko tiliil miising' kot kosiir, eng' kagoochinoik tugul che po Kamuktaindet ne Toroor che punei maat.

ATEPTAP LAWIK 22:18

“Mwachi Aron ak weeriikyik ak piigap Israel tugul, ileenji icheek, Age tugul ne po kootap Israel, anan che punootik eng' Israel, ne igoitoi kagoochinennyi, ngo po kagoochinonooto age tugul eng' arorutikwak, anan ko age tugul eng' kagoochinoikwak che po chamyet ne igoochin Kamuktaindet ne Toroor koek kagoochinet ne kibeelei,

ATEPTAP LAWIK 23:38

Konunoichu kosiirei che po sabatoisyek che po Kamuktaindet ne Toroor, ak kosiirei kagoochinoikwok che ki oaroorte tugul ak kagoochinoikwok tugul che po chamyet, che ogoochini Kamuktaindet ne Toroor.

ATEPTAP LAWIK 27:28

“Ago ma ki aldoi, ama kityaachi kiit ne itabaanat ne itabaanjin chii Kamuktaindet ne Toroor eng' tuguukyik tugul che tinyei, ngo po chii anan tyony, anan ne po mbareet ne nenyi. Tiliil miising' eng' Kamuktaindet ne Toroor kiy age tugul ne kitabaani.

KAITOSYEK 29:39

“Ogoochini Kamuktaindet ne Toroor chuuto eng' igoorwekwok che ki king'at. Chuuto che kitesyin kaarortaosyekwok ak kagoochinoikwok che ogoitoi eng' chamyet, kagoochinoikwok che kibeelei, kagoochinoikwok che po peek, kagoochinoikwok che kieei ak kagoochinoikwok che po kaalyeet.”

NG'ATUTIK 12:17

Amat oam eng' kurgotikwok kebebertap peeguk, anan ne po divaiguk anan ne po mwaniguk anan che twatei tuguuk anan che po keechiireguk anan kaarortaosyeguk alak tugul che iarortoi anan kagoochinoiguk che po chamyet anan kagoochinetap eunekwok ne kinamjin parak.

NG'ATUTIK 12:6

oibe kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak, kaarortaosyekwok, kagoochinoigap chamyet ak che twatei tuukwok ak keechiirekwok.

NG'ATUTIK 16:10

Ye ibata wigisyechooto, iriipchi anyun Kamuktaindet ne Toroor Kamuktaindeng'ung' igoorto ne po wigisyek eng' kagoochinet ne kigoitoi eng' chamyet ne igoochini, che tee che ki iberuurun Kamuktaindet ne Toroor Kamuktaindeng'ung'.