2 ATEPTAP PEETUUSYEK 31:10 - Bukuit Ne Tilil

¹⁰ Ki wolji Azariah tisiindet ne oo ne po kootap Zadok koleenji, “Kobooch ngap kotoi piik koip kagoochinoik kobwa kootap Kamuktaindet ne Toroor, ko ki kiamisye koyamech ak ki kituch che chaang': amu ki koberuur `Kamuktaindet ne Toroor piikyik; ak che kong'et ko chu chaang'.”

BUKUIT NE TILIIL Sireet ne Dutero Kanon

¹⁰ Ki wolji Azariah tisiindet ne oo ne po kootap Zadok koleenji, “Kobooch ngap kotoi piik koip kagoochinoik kobwa kootap Kamuktaindet ne Toroor, ko ki kiamisye koyamech ak ki kituch che chaang': amu ki koberuur `Kamuktaindet ne Toroor piikyik; ak che kong'et ko chu chaang'.”

BUKUIT NE TILIL

¹⁰ Ak kiwolji Asaria tisiindet ne o ne bo gotab Sadok, kolenji, Koboch ngab kotoi bik koib kagochinoik kobwa gotab Jehovah, ko kigiamisie koyamech, ak kigituch che chang’: amu kigoberur Jehovah bikyik; ak che kong’et ko chu chang’.

2 ATEPTAP PEETUUSYEK 31:10 ပူးပေါင်းရင်းမြစ်များ

TAUNET 26:12

Ki koolso Isak eng' emonooto ak kinyoor eng' kenyinooto konyil pogol. Ki iberuur `Kamuktaindet ne Toroor ineendet,

TAUNET 39:23

Ki ma kota koriibei pounindetap korgoreet kiy age tugul ne kinamu Joseph, amu ki mi Kamuktaindet ne Toroor kobooto ineendet, ak ki iberuur Kamuktaindet ne Toroor kiy age tugul ne ki yaei Joseph.

TAUNET 39:5

Ki iberuur `Kamuktaindet ne Toroor kootap Misirindet amu Joseph kobooch ye kingo Poi koonnyi ak tuguuk tugul che po misirindonooto, ak ki tebee perurtap Kamuktaindet ne Toroor tuguuk tugul che ki tinyei eng' koonnyi ak eng' mbareenikyik.

1 LAITORINIK 2:35

Ki inde laitoryat Benaiah weeriitap Jehoiada koboi lugeet kogeer ineendet, ak ki inde Zadok tisiindet kogeer Abiathar.

1 ATEPTAP PEETUUSYEK 29:16

Ee Kamuktaindet ne Toroor, Kamuktaindennyo, punu eung'ung' tuguuchuuto tugul kogechop si keteegunenen koot ne po kaineng'ung' ne tiliil, cheguuk tugul.

1 ATEPTAP PEETUUSYEK 6:14

ki sich `Azariah Seraiah, ak ki sich `Seraiah Jehosadak.

1 ATEPTAP PEETUUSYEK 6:8

ki sich `Ahitub Zadok, ak ki sich `Zadok Ahimaaz,

1 ATEPTAP PEETUUSYEK 6:9

ki sich `Ahimaaz Azariah, ak ki sich `Azariah Johanan,

2 ATEPTAP PEETUUSYEK 26:17

Ki wo Azariah tisiindet koosup ineendet, kobooto tisiik che nyigoonen tamanwogik sisiit che po Kamuktaindet ne Toroor kwo ko.

2 ATEPTAP PEETUUSYEK 31:13

Ak Jehiel, Azaziah, Nahath, Asahel, Jerimoth, Josabad, Eliel, Ismachiah, Mahath, ak Benaiah, ko ki riibiik che ki indochin Konaniah ak Shimei ng'eetap kamet, ko uu ye ki ng'at Laitoryat Hezekiah, ak Azariah pounindetap kootap Kamuktaindet.

2 ATEPTAP PEETUUSYEK 31:9

Ki teebee anyun `Hezekiah Tisiik ak Lawiik agobo kayumanichooto.

KOMONG'U 36:7

amu kiga koyam keyae poisyonooto tuguuk che kiga keip kot kosiirto.

KALEWANAIK 10:22

Imogornoni `kaberuretap Kamuktaindet ne Toroor, ama testoi riirek.

KALEWANAIK 11:24

Mi ne igoitoi, ago tesoksei kosiir; ak komi ne etei miising' kosiir ne nyolu, ago ibu nooto pananda.

KALEWANAIK 3:10

si konyi chogeniguk eng' aiyebindo, ak kong'irtagei divaik che leelach eng' ole ituisye.

KALEWANAIK 3:9

Konyitee Kamuktaindet ne Toroor tuguuguk, ak eng' tongoanigap rurateng'ung' tugul;

EZEKIEL 44:15

Ago pwoonei koriikyino koboisyeiwo tisiik Lawiik, weeriitap Zadok, che ki riibei poisyetap oldanyu ne tiliil, ye kingo pa piigap Israel kometaa; si kotononso eng' tainnyu kogoono mwanik ak korotiik, mwaei Kiptaiyat Kamuktaindet ne Toroor:

EZEKIEL 44:30

Ak punjin tisiik tongoanik tugul che po tai che po kiy age tugul, ak kagoochinet age tugul ne kinamjin parak ne po kiy age tugul, che po kagoochinoikwok tugul che kinamjin parak: ogoochini kogeny tisiindet magatinikwok che tuonen che po tai, si kogoochi perurto kotebee koong'ung'.

ATEPTAP LAWIK 25:21

Ang'ate anyun perurtanyu eng' okweek eng' kenyiit ne po lo, koruryo che yamei kenyiisyek somok.

HAGGAI 2:18

Asoomok ale, obwaat, kobooch peetuuni ak kwo tai, kobooch peetuutap tiptem ak ang'wan ne po arawetap sogool, kobooch peetuut ne ki kilumee lumeiywotap Hekaluutap Kamuktaindet ne Toroor, obwaat anyun.

MALAKI 3:10

Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

KAITOSYEK 22:12

Ki leenji `Kamuktaindet Balaam, “Amat obe ak icheeget. Amat ichup pichooto, amu iberuurotin icheek.”

MATAYO 15:37

Ki am tugul kot kobiyong'so, ak koyum katuganik che kiyam konyi mesendoik tisap.

NG'ATUTIK 28:8

Ng'atei Kamuktaindet ne Toroor perurto konyonjin eng' chogeniguk ak eng' tugul che iyai eng' eung'ung' ak iberuurin eng' emet ne koonin Kamuktaindet ne Toroor Kamuktaindeng'ung'.

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

1 TIMOTEO 4:8

amu porot ne matya kagiiletapkei ne po poorto; ago poroteet eng' tuguuk tugul kayweet ne kiywei Kamuktaindet, amu tinyei arorutyet ne po saboondo ne mi nguno, ak ne nyoonei.