2 ATEPTAP PEETUUSYEK 30:14 - Bukuit Ne Tilil

¹⁴ Kong'eetyo anyun ak koisto kaptisisyosyek che ki mi Jerusalem, ak kapkorosusyek tugul che po nyamdutik ak kowiirchi kererutap Kidron.

BUKUIT NE TILIIL Sireet ne Dutero Kanon

¹⁴ Kong'eetyo anyun ak koisto kaptisisyosyek che ki mi Jerusalem, ak kapkorosusyek tugul che po nyamdutik ak kowiirchi kererutap Kidron.

BUKUIT NE TILIL

¹⁴ Kong’eetyo anyun ak koisto kaptisisiosiek che kimi Jerusalem, ak kapkorosusiek tugul che bo nyamdutik, ak kowirji kererutab Kidron.

2 ATEPTAP PEETUUSYEK 30:14 ပူးပေါင်းရင်းမြစ်များ

2 SAMUEL 15:23

Ki waach emet komugul eng' kutit ne oo yooto ki pendi kolondoi, ak ki landae laitoryat kererutap Kidron ak piik tugul kotokyingei surkwen.

2 LAITORINIK 18:22

Ago ngot oleenjo: “Kimang'u Kamuktaindet ne Toroor, Kamuktaindennyo,” koma ineendet, ne ki isto Hezekiah komoswekyik che torooreen ak kapkorosusyekyik, ak koleenji Judah ak Jerusalem, “Osae eng' taitap kaptisisyoni eng' Jerusalem”?

2 ATEPTAP PEETUUSYEK 15:16

Ki isto `Asa kamennyi Maaka agine, si mata koek laitoryat ne kwondo, amu kiga koyai kanamwet ne kiwechei ne po Asera. Kibut Asa kanamwennyi ak kotui koek temburyek, ak kobeel eng' ole neegitee kererutap Kidron.

2 ATEPTAP PEETUUSYEK 28:24

Ki iyum Ahaz tereenigap kootap Kamuktaindet, ak kotui tereenichooto po kootap Kamuktaindet. Kiger kurgotigap kootap Kamuktaindet ne Toroor ak koteekyigei kapkorosusyek eng' luuita age tugul ne po Jerusalem.

2 ATEPTAP PEETUUSYEK 29:16

Ki pa tisiik komosta ne po oriit miising' eng' kootap Kamuktaindet ne Toroor, koba kotiliil, ak komaanda tugul che po simdo che kiganyoorchi Hekaluutap Kamuktaindet ne Toroor, ak koip koba seremutap kootap Kamuktaindet ne Toroor. Ki nam Lawiik ak koip koba timiin ak kowiirchi kererutap Kidron.

2 ATEPTAP PEETUUSYEK 32:12

Tos ma Hezekiah niito ne ki isto komoswek che torooreen ak kapkorosusyekyik, ak kong'atei Judah ak Jerusalem koleenjin, ‘Osae eng' kapkorosuut agenge, ak obeel nyamdutik eng' yooto?’

2 ATEPTAP PEETUUSYEK 34:3

Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

2 ATEPTAP PEETUUSYEK 34:4

Ak kibut kapkorosusyegap Baalik eng' tainnyi; ak koluul kanamonik che po asiista che ki miitei paragunnywa; ak kituatui Aserik, ak kanamonik che ki kiwai ak kanamonik che ki kitany, ak kong'a koek temburyek ak koseerchi kereeriisyegap icheeget che kieng'ji.

2 ATEPTAP PEETUUSYEK 34:7

Ak kibut kapkorosusyek, ak kong'a Aserik ak kanamonik che ki kiwai ak kanamonik che ki kitany, koek temburyek, ak koluul kanamonik tugul che po asiista eng' emet komugul ne po Israel, yeityo koweek Jerusalem.

ISAIAH 36:7

Ago ngot ileenjo, Kimang'u Kamuktaindet ne Toroor, Kamuktaindennyo: ko tos ma ineendet ne chechiik komoswek che torooreen ak kapkorosusyek che ki koisto Hezekiah, ak koleenji Judah ak Jerusalem, Osae eng' taitap kaptisisyoni?

JOHANA 18:1

Ye kingo kagomwa Jeso ng'aleechu, koba ak kasubikyik kolanda eng' kereruut ne kiguure Kedron, ole ki mi mbareet, ole ki wo ineendet, kobooto kasubikyik.