2 ATEPTAP PEETUUSYEK 24:21 - Bukuit Ne Tilil

²¹ Ago kichaam ineendet ak kolage koik eng' ng'atuutyetap laitoryat eng' seremutap kootap Kamuktaindet ne Toroor.

BUKUIT NE TILIIL Sireet ne Dutero Kanon

²¹ Ago kichaam ineendet ak kolage koik eng' ng'atuutyetap laitoryat eng' seremutap kootap Kamuktaindet ne Toroor.

BUKUIT NE TILIL

²¹ Ak kichaam inendet, ak kolage koik eng’ ng’atutietab laitoriat eng’ seremutab gotab Jehovah.

2 ATEPTAP PEETUUSYEK 24:21 ပူးပေါင်းရင်းမြစ်များ

1 LAITORINIK 21:13

Ki pwa ko piik aeng'u, weeriigap Belial, ak kotebi ng'wony eng' tainnyi. Kibaoryan kotaam ineendet, pichooto po Belial, kogen agobo Nabot eng' taitap piik, kole, “Kachup Nabot Kamuktaindet ak laitoryat.” Komut anyun ineendet komaanda eng' nganaseet ak kolach ineendet eng' koik, kome.

2 ATEPTAP PEETUUSYEK 25:16

Ak ye kita kong'alaaldos ak ineendet, koleenji laitoryat, Tos kogindein iegu kirwoogindetap laitoryat? Muite; amu nee si imache kebarin? Kimuita anyun maotyot, ak ki le, Angen ale, kagotil Kamuktaindet kole kong'emin, amu kaiyai ni, ama igas ng'aleekyuk.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

TIENWOGIKAL 94:21

Iyumigei agobo saboondap ne po iman, Ak korwookyi korotiik che ma tinyei tengek.

JEREMIA 11:19

Ago ki auu aarwetap keechiir ne tala, ne ki kweryei kwo ole kieng'e; ak ki ma anai ale Ki kochop `icheek chobutik che yaacheen agobo anee, kole, ongeng'em keetit kobooto logoekyik, ak ongeiste ineendet eng' emetap che saptos, si mata kibwaat kainennyi kogeny.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 20:2

Ki pir anyun Pasur maotyot Jeremiah, ak koratyi ineendet keetiik keelyekyik, eng' ormariichet ne po meto ne po Benjamin, ne ki mi kootap Kamuktaindet ne Toroor.

JEREMIA 26:2

Kamwa Kamuktaindet ne Toroor kole: Tonon eng' seremutap kootap Kamuktaindet ne Toroor, ak ing'alaalji nganasook tugul che po Judah, che cham kobwanei kolasu eng' kootap Kamuktaindet ne Toroor, mwachi ng'aleek tugul che ang'atiin; imwachi; ametuuch ng'olyoo.

JEREMIA 26:21

Ak ye kingo kas Laitoryat Jehoiakim, kobooto piikyik tugul che nyigoonen, ak pounik tugul, kogicheeng' laitoryat kobar ineendet; ago ye kingo kas Uriah, koywei ak komwei, kwo Misiri.

AMOS 5:10

Wechei icheek ineendet ne kerei kong' eng' ormariichet, ak kowechei icheek chiito ne mwaei che litit.

MATAYO 21:35

Ki nam meek otwogikyik, kibir age, ak ki par age, ak kilach age eng' koik.

LUKA 11:51

kobooch korotiigap Abel agoi korotiigap Zekariah, ne kime eng' kwenutap kaptisisyet ak Hekaluut: ee, amwaiwok ale, tuun kimage ibini.

HEBRANIK 11:37

ki kilach eng' koik, ki kimurmure musumenosyek, ki kiyoom, ki kibare rotwetap chok: ki ilaagoti ngoroigap keechiirek, ak che po ng'oroorek, kobonondos, ki kinyalili, keyachin ne ya