2 ATEPTAP PEETUUSYEK 23:13 - Bukuit Ne Tilil

¹³ Ak ki keerot, ogeero, ki tononi laitoryat eng' ole neegitee toloitanyi eng' ye kibunei kebendi oriit, komi kiptainik ak iryagook ye mi laitoryat; ak kiboiboitu piik tugul che po emet, ak koguutei iryagook; kibutei ak icheek tyeniik kibugandinik, ak kondochin tyendap kalasunet. Kogereer anyun Athaliah ngoroikyik, ak kole, “Chaamset! Chaamset!”

BUKUIT NE TILIIL Sireet ne Dutero Kanon

¹³ Ak ki keerot, ogeero, ki tononi laitoryat eng' ole neegitee toloitanyi eng' ye kibunei kebendi oriit, komi kiptainik ak iryagook ye mi laitoryat; ak kiboiboitu piik tugul che po emet, ak koguutei iryagook; kibutei ak icheek tyeniik kibugandinik, ak kondochin tyendap kalasunet. Kogereer anyun Athaliah ngoroikyik, ak kole, “Chaamset! Chaamset!”

BUKUIT NE TILIL

¹³ Ak kigeerot, ogeero, kitononi laitoriat eng’ ole negite toloitanyi eng’ ye kibunei kebendi orit, komi kiptainik ak iriagok ye mi laitoriat; ak kiboiboitu bik tugul che bo emet, ak koguutei iriagok; kibutei agichek tienik kibugandinik, ak kondochin tiendab kalosunet. Kogerer anyun Atalia ngoroikyik, ak kole, Chaamset, chaamset.

2 ATEPTAP PEETUUSYEK 23:13 ပူးပေါင်းရင်းမြစ်များ

2 LAITORINIK 11:14

Ak ki keer, kitononi laitoryat eng' ye neegitee toloita, ko uu ye ki piteet, ak kimi kiptainik ak piik che kuutei iryagook ole neegitee laitoryat. Kiboiboitu piik tugul che po emet ak koguut iryagook. Kogereer anyun Athaliah ngoroikyik ak kowaach kole, “Chaamset! Chaamset!”

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

2 LAITORINIK 9:13

Ki chirchirenso konam chii tugul ngoryennyi ak koito kotobon ng'wony eng' ineendet eng' ole po paragutap lang'eiywot ne po koot. Ki kuut iryageet ak kole, “Laitoryat Jehu!”

2 LAITORINIK 9:23

Kiweech Joram eunekyik ak komwei, koleenji Ahasia, “Pwo! Mi ng'wektaet, wee Ahasia!”

1 ATEPTAP PEETUUSYEK 12:40

Ak icheek che ki neegitee pichooto, kobooch Issakar Zebulun ak Naphtali, ko ki ip amitwogik eng' sigiroik ak tambeesik, ak eng' nyumbusyek, ak eiik. Ki mi amitwogik che po peek che ng'ootiin, magatiinik che po mogoonik, mooriik che mi logoek che po sabibuk che yamyotiin, divaik, mwanik, eiik ak keechiirek che chaang', amu ki mi poiboiyet Israel.

1 ATEPTAP PEETUUSYEK 15:24

Ki kuut iryagook eng' taitap moingetap Kamuktaindet tisiik: Sebania, Josapat, Nethanel, Amashai, Zekariah, Benaiah ak Elieser. Ki riibiigap kurgeetap ole ki mi moinget Obed-edom ak Jeia.

1 ATEPTAP PEETUUSYEK 15:27

Ki ilaachi Daudi ngoryeet ne po katanit ne karaaran, kobooto Lawiik tugul che ki ibei moinget, ak tyeniik, ak Kenania kandoindetap tyeniik. Ki ilaachi kora Daudi ephod ne po katanit.

2 ATEPTAP PEETUUSYEK 23:12

Ak kingo kas Athaliah polatetap piik che rwaoti ak kolasu laitoryat, konyo ole mi piik eng' kootap Kamuktaindet ne Toroor:

2 ATEPTAP PEETUUSYEK 23:14

Komut anyun Jehoiada tisiindet kiptainigap pogolwogik, kobwa saang', che kiga kinde koboi lugeet, koleenji, “Omaande ineendet eng' kwenutap piik; ak kibarei eng' rotwetap chok chiito ne isubi ineendet.” Amu ki le tisiindet, “Amobarchi kootap Kamuktaindet ne Toroor.”

2 ATEPTAP PEETUUSYEK 34:31

Ak ki tonon laitoryat eng' komostanyi, ak koyai arorutyet eng' taitap Kamuktaindet ne Toroor, koosup Kamuktaindet ne Toroor, ak koriip ng'atuutikyik, ak paornatosyekyik, ak kayomisutikyik, eng' muguleldanyi tugul, ak eng' saboondanyi tugul, koosup ng'aleegap arorutyet che ki kisirchi bukuini.

TIENWOGIKAL 14:5

Ki iyweis miising' eng' olooto, amu mi Kamuktaindet kobooto ibindap che po imanda.

KALEWANAIK 11:10

Ye poor che po iman, ko paibaitu nganaseet; ak ye lusyo kiptengeginik, ko piitu kagasetapkei.

KALEWANAIK 29:2

Ye pounisye che po iman ko poiboitu piik; ago tigendos piik ngo pounis chiito ne ya.

AMDOINDET 9:12

Amu manai chiito agine peetuunnyi: uu njireenik che kinamei eng' regereiywot ne ya ak uu toriitik che kinamei eng' mesteet, kinamei ko uu nooto weeriigap piik eng' peetuut ne ya ne cheei icheek.

EZEKIEL 46:2

Ak kwo oriit pounindet kobunei ooreet ne po keterut ne po ormariichet ne po saang', ak kotonone ye neegitee tugatukyetap ormariichet, ak kochop tisiik kagoochinennyi ne kibeelei ak kagoochinoikyik che po kaalyeet, ak kosa eng' tugatugigap ormariichet; yeityo komanda: ago ma kigerei ormariichet agoi koimen.

KIRUOGIK 7:8

Koip anyun piik amitwogik eng' eunekwak ak igondisyekwak. Ki mwachi `ineendet piigap Israel tugul koba, kwo chii tugul emainnyi, ago ki raany piik pogol somok. Ki mi piigap lugeet che po Midian eng' atebweet ng'wony eng' ole ki mi Gideon.