2 ATEPTAP PEETUUSYEK 23:11 - Bukuit Ne Tilil

¹¹ Komong' anyun weeriitap laitoryat, ak kolaakyi naaryeet, ak kogoochi paornateet, ak konde ineendet koek laitoryat: ak ki iil Jehoiada ak weeriikyik, ineendet; ak kole ingosap laitoryat.

BUKUIT NE TILIIL Sireet ne Dutero Kanon

¹¹ Komong' anyun weeriitap laitoryat, ak kolaakyi naaryeet, ak kogoochi paornateet, ak konde ineendet koek laitoryat: ak ki iil Jehoiada ak weeriikyik, ineendet; ak kole ingosap laitoryat.

BUKUIT NE TILIL

¹¹ Komong’ anyun weritab laitoriat, ak kolaakyi nariet, ak kogochi baornatet, ak konde inendet koek laitoriat: ak kiil Jeoiada ak werikyik, inendet; ak kole, Ingosob laitoriat.

2 ATEPTAP PEETUUSYEK 23:11 ပူးပေါင်းရင်းမြစ်များ

2 SAMUEL 1:10

Ki atonone anyun ineendet eng' yooto ki miitei ak abar, amu ki anai eng' iman ale ma komuuchi kosap ko kagobut. Ki anemu kuutweetap laitornatet ne ki mi metinnyi ak karnet ne ki mi eunnyi, ak kaaibu kobwa yu aipchi kiptaiyandennyu.”

2 SAMUEL 16:16

Kingo it Hushai Arkindet, chorweetap Daudi, ole mi Absalom koleenji `Hushai Absalom, “Ingosap laitoryat, ingosap laitoryat.”

2 SAMUEL 5:3

Ki pwa anyun poisyek tugul che po Israel ole mi laitoryat eng' Hebron; ak ki yai `Laitoryat Daudi arorutyet kobooto icheek eng' Hebron eng' taitap Kamuktaindet ne Toroor, ak ki iil `icheek Daudi koek laitoryat koboi Israel.

1 LAITORINIK 1:25

Kachoortagei rani ak koeny tuuga ak che akwaen ak keechiirek ng'iisyat, ak kagoguur weeriik tugul che po laitoryat, kiptainigap lugeet ak Abiathar tisiindet. Keero, amisyei ak koeisei eng' tainnyi, ak koleen, ‘Iwe keny Laitoryat Adonijah!’

1 LAITORINIK 1:34

Ingoiil ineendet eng' olooto Zadok tisiindet ak maotyot Nathan koek laitoryat ne pou Israel. Oguut iryageet ak oleen, ‘Ingwo keny Laitoryat Solomon!’

1 LAITORINIK 1:39

Ki inem Zadok tisiindet laletap mwaita eng' Emait ak koiil Solomon. Ki kuut icheek iryageet ak kuguurso piik tugul koleen, “Ingwo keny Laitoryat Solomon!”

2 LAITORINIK 11:12

Komut anyun weeriitap laitoryat komong', ak kolaakyi naaryeetap laitornatet, ak kogoochi paornateet. Ki yai ineendet koek laitoryat, ak koiil ineendet, yeityo koraprap eunekwak ak kole, “Ingosap keny laitoryat!”

2 ATEPTAP PEETUUSYEK 22:11

Ago ki imut komweito Jehoshabeat, cheptap laitoryat, Joash weeriitap Ahasia, kochoor ineendet komut eng' ole mi weeriigap laitoryat, chu ki kibarei, ak konde ineendet ak cheplakwet koot ne kiruei eng' koot oriit. Kouny anyun ineendet `Jehoshabeat cheptap Laitoryat Jehoram, osotyotap Jehoiada tisiindet, amu ki chepkametap Ahasia, si ma par Athaliah.

2 ATEPTAP PEETUUSYEK 23:10

Ak kitet piik tugul, kotinyei chii tugul kariikyik eng' eunekyik, kobooch komostap tai ne po koot agoi komostap kaataam ne po koyooto, ye neegitee kaptisisyet, ak koot, koyiem laitoryat.

2 ATEPTAP PEETUUSYEK 23:12

Ak kingo kas Athaliah polatetap piik che rwaoti ak kolasu laitoryat, konyo ole mi piik eng' kootap Kamuktaindet ne Toroor:

TIENWOGIKAL 132:18

Alaakyini puunikyik kalilanet; ago tuneni eng' ineendet naaryeennyi ne po pounateet.

TIENWOGIKAL 21:3

Amu isip igoochini kaberuroigap myeeindo; igerchinee metit naaryeetap thahabu ne karaaran.

TIENWOGIKAL 78:5

Amu ki igimit paornateet eng' Jakobo, Ak ki inde ng'atuutyet eng' Israel, Ne ki ng'at kwanisyekyok, kole, Konet lagokwak:

TIENWOGIKAL 89:20

Ki anyooru Daudi kiboityondennyu; Ki aiile ineendet mwaitanyu ne tiliil:

TIENWOGIKAL 89:39

Ki isas kayomiset ne po kiboityondeng'ung'; ak ki ing'wanit naaryeennyi ne po laitornatet kot iwiirchi ng'wony.

KOMONG'U 25:16

Ak inde `paornateet ne agoonin moingonooto oriit.

KOMONG'U 25:21

Inde kerwanooto po rireenet paragutap moinget ak inde moinget oriit paornateet ne tuun agoonin.

KOMONG'U 31:18

Ye kingo kagogees Kamuktaindet ne Toroor ng'alaalet ne ki ng'alaali ak Musa eng' tulweetap Sinai, kogoochi Musa koik aeng' che lebeleen che po paornateet che ki kisire mornetap Kamuktaindet.

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

ISAIAH 8:16

Rat anyun paornateet, ng'ooch ng'atuutik eng' kwenutap kasubikyuk.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

MATAYO 21:9

Kimwaoti tuiyosyek che ki indoe ineendet ak che ki isubi eng' kutit ne oo koleen, “Hosanna weeriitap Daudi! Iberuurot ineendet ne nyoonei eng' kainetap Kiptaiyat! Hosanna eng' ole toroor miising'!”

HEBRANIK 2:9

Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

NG'ANG'UTYET 19:12

Ak ki uu konyekyik liplibenetap maat, ak ki mi metinnyi naryosyek che chaang'; ak kotinyei kainet ne ki kisir, ne ma mi chii ne ingen kobatee ineendet ineegei.

NG'ANG'UTYET 4:10

kobutyi anyun poisyechooto tiptemu ak ang'wan taitap ineendet ne tebee ng'echeranooto po laitornatet, ak kogutung'ji ineendet ne sabei koigeny ak koigeny, ak kowiirchi ng'wony kutonokwak che po thahabu eng' taitap ng'echereet, koleen,

NG'ANG'UTYET 4:4

Kiyiem ng'echeranooto po laitornatet, ng'echerok tiptemu ak ang'wan che po laitornatet ak kotebee poisyek tiptemu ak ang'wan ng'echerochooto. Ki ilaachi ngoroik che leelachen ak kotinyei eng' metowekwak kutonook che po thahabu.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”

1 SAMUEL 10:1

Ki inem anyun Samuel chuboitap mwaita ak koroong'ji metinnyi, yeityo kong'utut ineendet ak koleenji, “Tos ma kagoiilin Kamuktaindet ne Toroor iegu pounindet ne po piikyik?

1 SAMUEL 10:24

Koleenji `Samwel piik tugul, “Ogeere ineendet ne kogolewen `Kamuktaindet ne Toroor, ole ma mi ne kergei ak ineendet eng' piik tugul?” Komwa piik tugul eng' kutit ne oo kole, “Ingwo keny laitoryat!”